Kamp is Lekker Tydskrif Augustus 2020

NONA ROSA Wegbreek
Text and Photo’s: Karlo Truter
S
omtyds is mens mos net lus om erens te gaan
kamp, maar om nie kilometers ver te ry om by
jou bestemming te kom nie. So het ek en my pa
besluit om by Nona Rosa Bush Camp te gaan ontspan.
Die kamp is slegs 20km vanaf ons huis hier in
Heidelberg in die Suid-Kaap – so dit was die ideale
wegbreek naby die huis.
Nona Rosa Wegbreek is halfpad tussen Heidelberg en
Witsand geleë. Witsand is sowat 17km vanaf Nona
Rosa en is ook ‘n baie gewilde bestemming vir
kampeerders wat hou daarvan om vis te vang. Die
Breërivier mond, waar Witsand geleë is, bied van die
beste visvang geleenthede in Suid-Afika. Die meeste
hengelaars besoek Witsand om kabeljou te vang.
Daar word nog gereeld kabeljoue van meer as 20kg in
die Breë rivier gevang. Ander visse wat hengelaars ook
kan vang is Grunter, Shad, Leervis (Garrick),
Stumpnose en Harders (Mullet). Sekere tye van die
jaar is Witsand ook baie gewild aangesien die walvisse
dan kom kalf by die see en toeskouers dan die
pragtige groot visse vanaf die rotse of vanaf die dek
van die gewilde Anchorage Beach Restaurant kan kyk
– as jy jou verkyker vergeet het, sal Tekkies, die
eienaar van die restaurant gou vir jou ‘n verkyker in
die hand stop.