Revista SHFMU "EMIN DURAKU" PRIZREN

T’i njohim piktorët e qytetit tonë
PIKTORI I NDJESIVE TË LARTA
Hamdi Bardhi u lind në Prizren në vitin 1932.
Shkollimin fillor dhe të mesëm i kreu në vendlindje,
ndërsa Akademinë e Arteve Figurative - Drejtimi i
Pikturës, në Prishtinë (1979). Pas një pune si mësues
në periudhën e pasluftës, Hamdi Bardhi ka ndjekur
Shkollën e lartë të Artit Figurativ në Beograd. Në
vitet 80-të ishte profesor i artit figurativ në
Gjimnazin e Prizrenit. Më 1991 u pensionua, pas 40
vite pune në arsim. Nga viti 1965 ishte anëtar i
Shoqatës së Artistëve të Artit Figurativ të Kosovës
dhe tri herë nga 4 vite është zgjedhur anëtar i kryesisë
së SHAAFK–së. Nga viti 1997 ishte bashkëpunëtor i
revistës "Fidani" që botohet në Prizren. Ishte
pjesëmarrës në shumë ekspozita kolektive dhe
personale në vend dhe jashtë vendit.
Hamdi Bardhi
(1932- 2007)
KRIJIMTARIA
Hamdi Bardhi ishte piktor prizrenas. Tërë jetën ia kushtoi
krijimtarisë artistike, pikturës. Ishte pedagog i zellshëm, i cili, krahas
brushës dhe ngjyrës, afirmoi shumë breza të rinj të artit në atelienë e tij.
Aty morën mësimet e para të vizatimit dhe pikturës shumë emra tashmë
të njohur në fushën e arteve pamore.
Krijimtaria artistike e Hamdi Bardhit karakterizohet me stilin e
veçantë të pikturave me titull ''Fasada'' dhe përmbledh tërë opusin
krijues të rrugëtimit në pikturë .
Këto ''Fasada'' janë imazhe të përfytyrimeve, vizioneve më sublime
të vlerave të artit dhe të qytetërimit.
Stili dhe gjuha pikturale shprehen me një ekspresivitet që ka një
vokacion herë poetik.
''Fasadat'' janë me plot detaje e me përkushtim. Janë pikturuar me
anë të harmonisë së ngjyrave, të imagjinuara në tablotë e tij artistike.
Hamdi Bardhi zë vend meritor në historinë e arteve pamore të
Kosovës dhe atë mbarëkombëtar.
Maj 2020
33 Ardhmëria