Kamp is Lekker Tydskrif Julie 2020

Trudie Maree
MY Kampstorie
M
y verjaardag is om die draai.
Lekker. Ek word 50. Ek is baie
opgewonde. "Wat wil jy graag
doen met jou verjaardag?" vra manlief.
" Ek wil gaan kamp. Kom ons maak ‘n
paar vriende bymekaar dan gaan ons
Skuilkrans toe. Groot asseblief."
Skuilkrans is ń private plaas. Daar is nie
eintlik kampplek nie. Boere vroue en
kinders het daar geskuil in die Anglo
boereoorlog. Die eienaar van die plaas
het ook boeke geskryf oor die oorlog
en die omgewing. Manlief reël met die
eienaar, en hy stem in. Jippiieee! Geen
waens word saam gesleep nie, net tent
kamp. Almal stem in en Vrydag word
voertuie gepak. Vrydagaand om die
vuur word lekker stories uitgeruil en
almal is vroeggerig bed toe. Saterdag
oggend is ek eerste op en begin koffie
maak. Na lekker koffie en tuisgebakte
beskuit sing almal " geluk liewe
maatjie,". Ons besluit om teen die
koppie op te klim en kry ń ongelooflike
uitsig Villiers se kant toe. Toe die
manne begin honger raak, kies een
vriend ‘n kort paadjie af van die koppie
af. Tussen ‘n bos bome loop hy in ’n
botter spinnekop web vas, doen die
spider vastrap en draai vinnig om. Ons
het gelag en omtrent gedans tot terug
in di kamp. Die aand was die sterre so
naby, ek kon daaraan raak. Ons het tot
baie laat satteliete gesoek, gesels en
gekuier en baie gelag. Sondag oggend
was dit ontbyt en oppak. Dit was ń
onvergeetlike naweek saam met beste
vriende.