You also want an ePaper? Increase the reach of your titles
YUMPU automatically turns print PDFs into web optimized ePapers that Google loves.
WB YOG HMOOB
KAWMNTAWV HMOOB 2
Tus Sau: Yeejhuam Tswvkaub Xaivpov VAJ
Email: yeejhuamvaj@gmail.com
Chaw Tsim: Brisbane AUSTRALIA 2017
WB YOG HMOOB – KAWMNTAWV HMOOB 2
PHIAJTEEV
NTSIABLUS
PHAB
WB YOG HMOOB ............................................................................................................. 1
LUSCEV .................................................................................. Error! Bookmark not defined.
SIBTHAM TOG KEV ................................................................................................... 6
SIBTHAM QIV TOOBXIB ............................................................................................ 7
NTSIB KWS KHOMOB ............................................................................................... 8
UA IB TUG TUB KAWM ZOO..................................................................................... 9
LUB TSEV KAWM .................................................................................................... 11
NIAM TXIV TUS TXIAJNTSIM .................................................................................. 13
UA MENYUAM ZOO ............................................................................................... 15
LUB NEEJ TOJSIAB YAV DHAU ................................................................................ 17
LUB NEEJ HAUVNROOG NIMNO ............................................................................ 19
PAJHUAM ............................................................................................................................. 21
HMOOB YOG IB TUG(1) ......................................................................................... 21
TOS KOM LOJ (2) .................................................................................................... 22
TXHAWB TUB NTXHAIS KAWM (3) ........................................................................ 23
Nriavlus .................................................................................................................. 24
NTUAS NTXHAIS MUS UA NYAB (4) ....................................................................... 25
THOV HMOOB TIG XAV (5) .................................................................................... 27
Nriavlus .................................................................................................................. 27
KWVTXHIAJ (TXHIAJ TXHAIS) ............................................................................................ 30
TSIS RAU SIAB KAWM TXUJ (1) .............................................................................. 30
XYOO TSHIAB (2) .................................................................................................... 31
TAU PUAG TSIS TAU YUAV (3)................................................................................ 32
COG TXIV XYOOB NTOO TEJ NTA TOJ (4)............................................................... 34
NCAIM KWVTIJ NKAUJMUAM (5) .......................................................................... 35
NKAUJ/YASUAB ................................................................................................................... 37
XAV KOM HMOOB MUAJ TEBCHAWS LI LUAG (1)................................................. 37
2 | P a g e
WB YOG HMOOB – KAWMNTAWV HMOOB 2
NEEJ NTSUAG CIAJ (2) ............................................................................................ 38
NYOB ZOO XYOO TSHIAB (3).................................................................................. 38
POM KOJ DHAU (4) ................................................................................................ 39
KUV YEEJ KUV HAIS (5)........................................................................................... 41
ROV PUAG KOJ NRUAB DAB NTUB (6)................................................................... 42
RAU SIAB KAWM NTAWV (7)................................................................................. 42
YEEJ VIBNAIS CHAW TSHUA (8) ............................................................................. 43
ZOO SIAB HNUB YUG (9) ........................................................................................ 44
ZOO TAWV TSAM TXAIJ PLAWV (10) ..................................................................... 44
TEB NCHUAV THIAJ KOOM TSIS TAU DAB DEJ NTXUAV MUAG (11)..................... 46
HLUB THAWJ ZAUG - SUAB KHAWV KOOB (12) .................................................... 47
THAUM DAV HLAU YA TUS (13) ............................................................................. 48
THOV HMOOB SIB HLUB (14)................................................................................. 49
Nriavlus .................................................................................................................. 49
DABNEEG ............................................................................................................................ 51
THAUM UB TXIVNEEJ YUG MENYUAM (1)............................................................. 51
QAIB & QAV (2) ...................................................................................................... 51
HMOOVTSISAWM THIAB YAWMSAUB (3)............................................................. 52
NTSUAG THIAB LIAJTSW (4)................................................................................... 53
YAWM HMOOB LAUG THIAB LOOJMEM (5).......................................................... 54
XYAUM SAU............................................................................................................ 55
SAU NTAWV ......................................................................................................................... 56
CAW PHOOJYWG NOJ SUS(1) ................................................................................ 56
NTAWV CAW NOJ TSHOOB (2) .............................................................................. 56
NTAWV TU SIAB (3)................................................................................................ 57
NTAWV NRHIAV HAUJLWM (4) ............................................................................. 58
NTAWV SIB XYUAS (5)............................................................................................ 59
SAU NTAWV RAU HLUAS NKAUJ (6) ...................................................................... 60
SAU NTAWV TEB HLUAS NRAUG (7)...................................................................... 60
XYAUM SAU............................................................................................................ 61
3 | P a g e
WB YOG HMOOB – KAWMNTAWV HMOOB 2
KEEBKWM DABNEEG HMOOB QEEYAM ........................................................................... 62
LUB NPE HMOOB (1).............................................................................................. 62
Lis Txais Keebkwm Vibnais ..................................................................................... 62
XYAUM SAU............................................................................................................ 64
HMOOB LUB XEEM (2) ........................................................................................... 65
XYAUM SAU............................................................................................................ 66
NPOJ POB, POGNTAUB YAWGNTAWV (3) ............................................................. 67
XYAUM SAU............................................................................................................ 68
HMOOB NYOB THOOB QAB NTUJ TAG NRHO (4) ............................................................ 69
TXOJ KEV HLUB .................................................................................................................. 70
TXOJ HMOOV TSO TUS NEEG KUV NCO (1) ........................................................... 70
KOJ PHUA KUV LUB PLAWV (2).............................................................................. 72
NCO TXOG HNUB TUAG (3).................................................................................... 75
4 | P a g e
WB YOG HMOOB – KAWMNTAWV HMOOB 2
L U S C E V
Nyob zoo ib tsoom kwvtij phoojywg uas hmov tshua sawdaws.
Zoo siab txais tos nej los koom
“WB YOG HMOOB KAWMNTAWV HMOOB 2”.
Homphiaj ntawm phauntawv “WB YOG HMOOB KAWMNTAWV
HMOOB 2” yog tsim los qhia lus Hmoob rau cov uas tseem xav tias
nws yuav los ceevtuav losyog kawm Hmoob li lus haiv. Phauntawv no
yuav los pab nej nyeem, pab nej sau thiab pab kom nej hais tau lus
Hmoob lojhlob. Phauntawv no yog tsim los rau txhua tus.
Tejzaum nej yuav xav tias, cas ho tsim muaj phauntawv no tuaj? Vim
tau pom meej tseeb tias cov lus haiv tau suav hnub suav nyoog ploj
pawv zuj zus los ntawm ntau kujcuab pabpawg neeg.
Dhau no, tuskheej thiab cov phoojywg ua tau ntau zajnkauj los
pab rau nej txoj kev kawm thiab.
Kawg no, tuskheej thov uatsaug rau Txiv Plig Nyiaj Pov (Fr. Yves
Bertrais) uas yog tus teeb tsa peb li Ntawv Hmoob Latees thiab
tshwjxeeb yog Qhas Vaj, Kiab (Honey) Vaj thiab Oo Xyooj uas tau
pabcuam nrog kos duab thiab ib tsoom kwvtij phoojywg uas tau siv caij
thiab lajlim nrog nyeem kho txhim phauntawv txog duas peemtsheej
tiav.
5 | P a g e
WB YOG HMOOB – KAWMNTAWV HMOOB 2
S I B T H A M T O G K E V
A
B
A
B
A
B
A
B
A
B
A
B
A
Nyob zoo B. Koj mus dabtsi?
Nyob zoo A. Kuv samsim mus taug kev uasi. Ua li
koj ne?
Kuv tabtom tuaj mus khiav kom ibce muaj zog.
Lod! Yog koj muaj caij no wb so zaum tham
tauvpem ib pliag vim ncaim ntev lawm?
Tau kawg. B ntu no ua dabtsi xwb?
Kuv ua haujlwm 2 hnub thiab kawm
ntawv 3 hnub. Koj ne?
Txij thaum wb kawm tiav los txog nimno ces tsuas
yog mus uakam xwb. Ua li koj kawm txog dabtsi?
Kuv lam mus tsoo kuv daim Master Degree (qib siab
nrab) txog fab npliag tibneeg lubsiab (psychology).
Aub! Pab koj zoo siab nawb.
Uatsaug qhov koj txhawb kuv lub zog.
Kuv maj yuav mus uakam thiab ces wb mam rov sib
tham dua lwm zaus.
Yog li sib ntsib dua.
Sib ntsib dua.
6 | P a g e
WB YOG HMOOB – KAWMNTAWV HMOOB 2
S I B T H A M Q I V T O O B X I B
Dee
Tooj
Dee
Tooj
Dee
Tooj
Dee
Tooj
Dee
Tooj
Dee
Tooj
Dee
Tooj
Dee
Tooj
Txiv hlob Tooj, koj tuaj lod, los tsev.
Aws tuaj os. Nej puas caiv?
Tsis caiv, los tsev zaum os.
Koj txiv puas nyob lawm ne?
Txiv mus ua haujlwm tsis tau los. Ua li koj muaj num
dabtsi?
Twb yog kuv xav tuaj qiv koj txiv rabtaus.
Txiv tsis nyob lawm tabsis kuv mam muab rau koj.
Txiv hlob, haus khob dej no tos ib pliag.
Uatsaug.
Tau lawm txiv hlob. Puas yog rab no?
Yog kawg. Hais koj txiv tias kuv qiv mus hnub puav
mam xa tuaj.
Tsis ua licas.
Yog li ces kuv mus lawm.
Nyob tham pem ib chim tso mab.
Tau lawm laub. Muaj num thiab ces yuav rawm mus
tsev.
Yog li mus ho tuaj nawb.
Ua li os.
7 | P a g e
WB YOG HMOOB – KAWMNTAWV HMOOB 2
N T S I B K W S K H O M O B
Dr.
Muas
Meej
Dr.
Muas
Meej
Dr.
Muas
Meej
Dr.
Muas
Meej
Dr.
Muas
Meej
Dr.
Muas
Meej
Dr.
Muas
Meej
Dr.
Muas
Meej
Dr
Muas
Nyob zoo Meej.
Nyob zoo Dr. Muas
Koj mob qhovtwg?
Kuv kub taubhau, ua npaws, hnoos, txham thiab los
ntswg.
Ua li tau tsawg hnub lawm thiab ib hnub koj kub
tsawg zaus?
Zoo li no tau 3 hnub lawm. Ib hnub kuv kub taubhau
2 zaug.
Koj puas tau noj tshuaj dabtsi?
Tsis tau li.
Cia kuv ntsuam saib koj lub cev (qhov kub,
ntshav dhia, mloog lub ntsws, saib tus nru).
Koj tus kub tseem siab kawg, koj cov ntshav dhia
xwmyeem, koj lub ntsws zoo li muaj
mentsis dej thiab tus nru mob o liab liab.
Cia kuv mam sau tshuaj rau koj coj mus noj.
Uatsaug Dr. Muas.
Koj coj cov tshuaj mus noj thiab so li 2 hnub ces zoo
lawm.
Yog li koj pab sau ib tsabntawv mob ncuakam rau
kuv.
Tau kawg.
Kuv puas rov tuaj ntsib koj dua lawm?
Coj cov tshuaj mus noj yog ntxim lawm ces koj tsis
thas tuaj tabsis yog tsis zoo no rov tuaj ntsib kuv.
Yog li kuv mus lawm sib ntsib dua.
Saib xyuas koj tuskheej!
8 | P a g e
WB YOG HMOOB – KAWMNTAWV HMOOB 2
U A I B T U G T U B K A W M Z O O
Neejhawm yog ib tug tubkawm zoo. Nws tuaj kawm ntawv tsis tu ncua
thiab ncav sijhawm txhua zaus. Nws tej ris tsho hnav mas luam tuag npoo
ai tshiab khiv huv si. Nws yog ib tug tubkawm txawj hais lus mos lus muag
rau ib tsoom xibfwb, tej laus thiab phoojywg.
Txhua hnub ntxov Neejhawm sawv los npaj ntxuav muag, txhuam hniav,
ntsis plaub hau, tu vaj tu tsev, pab niam txiv npaj tshais, kwv dej, pub qaib
pub npua thiab pub nyuj pub nees.
Thaum lub caij kawm los ze zuj zus Neejhawm maj nroos los noj mov,
hnav ris tsho, rau khau thiab nkaus hlo hnab ev ntawv sam plhaw rau saum tshebkaujvab tshawb
nuag tuaj mus kawm ntawv.
Thaum Neejhawm tuaj txog tej yas kev pom tejlaus losyog xibfwb Neejhawm tsa tes hawm hais nyob
zoo rau txhua leej yam luag ntxhi.
Lub caij kawm Neejhawm tom siab mloog thiab khaws txhua yam tseemceeb uas xibfws qhia yam
meejpem.
Neejhawm tus cwjpwm txoj kev zoo no tau ua rau nws niamtxiv, tej xibfwb thiab phoojywg zoo siab
thiab txhawb qhuas nws. Neejhawm txoj kev sibtw tshau ntawv hauv txhua xyoo ces nws yeej yog
tus hmuv tshaj yeej zeeg ib losyog zeeg ob thiab nws yeej tshau tau nce qib tas li.
9 | P a g e
WB YOG HMOOB – KAWMNTAWV HMOOB 2
X Y A U M S A U
1 – Tshab txhais
Cwjpwm
Hmuv tshaj yeej
Sam plhaw
Xibfwb
Meejpem
2 – Lus nug
(a). Neejhawm mus kawm ntawv licas?
(b). Thaum Neejhawm pom tej xibfwb/laus nws
ua dabtsi?
(c). Vim licas Neejhawm luam nws tej ris tsho
tuag npoo ai tshiab khiv?
3 – Sau 5 yam loj tseemceeb ntawm zaj lus kawm
1.
2.
3.
4.
5.
4 – Sau 150 lo lus txog ‘ua ib tug tub kawm zoo’
10 | P a g e
WB YOG HMOOB – KAWMNTAWV HMOOB 2
L U B T S E V K A W M
Peb lub tsev kawm ntawv nyob npuab ob lub zos kis nruab nrab uas muaj
ib tug menyuam dejcag ntws ntshiab si yav haujsab los phuaplhawv peb
ob lub zos. Peb ob tug tswv zos tuam tau ib tug choj ntoo rau neeg hla
mus los sib cuag. Ob sab ntug choj neeg so dhau dhev thiab hauv tus qab
choj neeg chaws du lwb lug. Txhua zaus thaum mus txog ntawm sab ntug
dej yuav pom ntses qav, ntses leev, qav taub, ntses dawb, cws thiab
khaujkhaum khiav ywb yeev. Hauv qab thus yuav pom pobzeb dawb vog.
Raws ob sab ntug dej mus rau pem ntav zag ntav roob tseem yog hav
zoov hav txiv yeem. Nws tseem muaj txiv cev, txiv nplias thiab txiv vaj
khaum txi nplawg ntia thiab muaj diab, ntxim lib, noog pob tsawb, ntxuam, rheeb caus yaum, puj
daum dab laug, nas ciav thiab nas nkais khiav ya quaj qog qees.
Peb lub tsev kawm muaj qib qis (xyoo 1 – 6) txog qib nrab (xyoo 7 – 12). Nws muaj 12 tug xibfwb
thiab 2 leeg thawj xibfwb. Sab xwb ntiag ntawm lub tsev kawm yog lub tshav ncaws pob roj hmab,
pob tawb, ntaus tis qaib thiab yuav pom peb tus chij txhos ntso rau ntawm sab ntug tshav uas txhua
hnub ntxov ib tsoom tub ntxhais kawm thiab xibfwb yuav tuaj sawv tsheej nceeg hawm rub chij thiab
hu zaj nkauj haiv ua ntej pib nkag mus kawm ntawv.
Xam tagnrho cov tub ntxhais kawm ntawm peb lub tsev kawm ntawv muaj 240 leej. Cov tub yog 140
leej hos dhau ntawv yog ntxhais.
Ib puag ncig ntawm lub tsev kawm muaj vaj zaub, vaj paj, vaj dib, vaj txiv nrog rau nkuaj qaib, nkuaj
os thiab nkuaj npuas uas yog lub tsev kawm tsim los cob qhia tsoom tub ntxhais kawm txog fab cog
txhiam laj txhiam xws thiab tu tsiaj.
Ib theeb tsam li 10 daj ntawm lub tsev kawm peb cog ntoo thiab txiv nkhaus taw, txiv lwm tsib, txiv
plab nyuj thiab txiv nqos vias ua tsheej nceeg ncig tsev. Tsis tag li peb tseem pua nyom ntsuab xiab
thiab rhawv tau ib txog kev pua roj hmab li 1 dag dav ncig yam huv si du lug.
11 | P a g e
WB YOG HMOOB – KAWMNTAWV HMOOB 2
X Y A U M S A U
1 – Tshab txhais
Dejcag
Tswv zos
Phuaplhawv
Quaj qog qees
Nruab nrab
2 – Lus nug
(a). Sab xwb ntiag ntawm lub tsev kawm muaj
dabtsi?
(b). Cov tub ntxhais kawm muaj tsawg leej?
(c). Vim licas lub tsev kawm ho tsim muaj vaj
txiv thiab nkuaj tsiaj?
3 – Sau 5 yam loj tseemceeb ntawm zaj lus kawm
1.
2.
3.
4.
5.
4 – Sau 200 lo lus txog “koj lub tsev kawm ntawv”
12 | P a g e
WB YOG HMOOB – KAWMNTAWV HMOOB 2
N I A M T X I V T U S T X I A J N T S I M
Niam thiab txiv zoo tam lub hnub lub hli uas ntsa ci rau lub
ntuj daim av. Nkawv zoo tam dej nag yug nroj tsuag loj hlav.
Nkawv yog cov cua rau yus ua pa yus thiaj loj hlob tiav
hlaub tiav npab.
Suav txij hnub nkawv xeeb muaj yus rau hauv plab los txog
rau thaum yus loj hlob tiav niam losyog tiav txiv yog ib lub
caij ntev dhawv li 18 lub xyoo txwm. Lub caij nyoog no
nkawv tau tiv thaiv yus, ua kab ua noog cawm thiab khwv
iab khwv daw. Tej laus tau muab npab rau ncoo, muab ncej
puab ua tog zaum thiab muab nraub qaum ua nyias ev yus
thaum me. Nkawv nyiaj tshaib yoo nqhis tu yus da quav da
zis yus thiaj loj hlob tiav niam losyog tiav txiv. Tej laus ib ke mus ua lajkam thiab ib ke xa thiab tos
yus mus kawm ntawv yam luag tsis qhuvxim luag lub dag zog. Cov laus hais ib sob lus tias “nyuj kub
tsis hnyav nyuj hau” limchij li ntawv txawm nyuaj thiab txomnyem npaum twg los nkawv nyiajntxeem
ua kom tau.
Tomqab yus muaj hnubnyoog 18 xyoo lawm los nkawv tseem tsa yus cuab yus yim thiab tsom kwm
yus lub neej mus rau duas zoo.
Xav txog niamtxiv tej txiajntsim mas sim neej pauj tsis tag ib sim. Txawm li ntawv los thaum pab tau
tuskheej lawm yuav tau npaj zaub tsib qe kib nqaij txhiab rau tej laus noj, npaj daim zoo pub tej laus
hnav, muaj nyiaj choj nyiaj daim yuav tau ntaim pub tej laus siv thiab thaum luag muaj mob muaj
nkeeg los yuav tau saib xyuas kom tsim nqi luag txoj kev tu yus da quav da zis.
13 | P a g e
WB YOG HMOOB – KAWMNTAWV HMOOB 2
X Y A U M S A U
1 – Tshab txhais
Txiajntsim
Muab npab rau ncoo
Nyuj kub tsis hnyav nyuj hau
Limchij
Nyiaj ntxeem
Txom nyem
Ua kab ua noog cawm
2 – Lus nug
(a). Niam thiab txiv tus txiajntsim loj npaum
twg?
(b). Nkawv puas qhuv sim nkawv lub dag zog
tu yus?
(c). Puas tsim nyog tej laus tsom kwm yus lub
neej tom qab yus muaj 18 xyoo? Vim licas?
3 – Sau 5 yam loj tseemceeb ntawm zaj lus kawm
1.
2.
3.
4.
5.
4 – Sau 200 lo lus txog “yam koj npaj ua rau niam txiv thaum nkawv laus”
14 | P a g e
WB YOG HMOOB – KAWMNTAWV HMOOB 2
U A M E N Y U A M Z O O
Xeev txawm yug los ua niam txiv ib leeg tub cag
losyog ntxhais qhua yuav tau xyaum coj zoo, coj
ncaj, nquag, hlub thiab pab niam txiv, hlub tij viv, siab
dawb siab zoo thiab hwm hawm tej hlob, tej yau thiab
tej laus. Xyaum ua neeg tejlim thiab saib tej laus rau
lub samxeeb samsim.
Tsis hais tub losyog ntxhais yuav tau rau siab ntso
mus nrog luag pej kum haiv sibtw kawm ntaub kawm
ntawv, ua lajkam, ua lagluam thiab tshawb fawb
txhua txoj hau kev uas ntseeg tias zoo vameej twjlij
los tsav yus lub neej kom peemtsheej nce qib tawg
paj txi txiv.
Dhau li ntawd lawm, yuav tau pab txhawb nqa kujcuab Hmoob thiab txhua haiv neeg ntawm yus lub
tebchaws yam kawg siab kawg ntsws tsis hais saum fab nyiaj txiag, dag zog losyog lajlim kom yus
lub tebchaws rais ua hauv zoo tshuaj cawm siav kom ntiajteb timfab zeej tsa tes hawm mus tsis muaj
hnub kawg. Ntawv thiaj yog ib tug zoo neeg losyog txiv neej yawg.
Txhob xyaum mus nrog luag quav yeeb quav tshuaj, mus quav dej quav cawv, mus tub sab tub
nyiag, mus deev luag poj zes luag txiv losyog mus twv txiaj yuam pov. TXHOB xyaum ua tib neeg
daiqhuav twmxeeb limhiam rov taw tuam ntuj rau yus haiv yus lub tebchaws. Tej yam no yog vijsub
vijsw kev phem xyobtxhiaj pemhwv. Kom nej nco tias, “ua neeg zoo nyuaj npaum dov zeb nce toj, ua
neeg phem yoojyim npaum kib qe noj”.
15 | P a g e
WB YOG HMOOB – KAWMNTAWV HMOOB 2
X Y A U M S A U
1 – Tshab txhais
Nquag
Twmxeeb
Limhiam
Tejlim
Samxeeb
Vameej
2 – Lus nug
(a). Yuav ua licas thiaj yog ib tug minyuam
zoo?
(b). Thaum pab tau tuskheej thiab tsevneeg
lawm ho pab leej twg ntxiv?
(c). Yam tej laus kom koj txhob xyaum txhob ua
yog dabtsi?
3 – Sau 5 yam loj tseemceeb ntawm zaj lus kawm
1.
2.
3.
4.
5.
4 – Sau 300 lo lus txog “ua ib tug minyuam zoo”
16 | P a g e
WB YOG HMOOB – KAWMNTAWV HMOOB 2
L U B N E E J T O J S I A B Y A V D H A U
Lub neej tojsiab yav hluas thaum ub mas nyob tau
kaj nrig yam dej ntws ntshiab si pem tej toj roob
hau hav qhov dej qhov cav losyog tej kis zeb kis
tsua uas muaj ntses nuj ntses nias laim pes txias
thiab cua tuaj txias zias laj siab khiam. Tawm rooj
plaws yuav pom nplej pob kws thiab paj yeeb
txhawv tawg nra paug oov niab uas yuav pom
ntab muv mes ya ua npoj. Yuav hnov kab
nqosvias kab sevsem quaj nqaj to. Txhua hnub
ntxov yuav pom nas noog noj txiv xyoob txiv ntoo
quaj kho siab zim. Tsis tag li tseem hnov liab cuam nraj yig lauv tsaws thiab qaib qus quaj qua kau
nrhov nqaj to rau tej kaum dej kaum hav. Tawm rooj plaws tsuas pom hneev npua teb, tsov, dais,
nyuj qus, mos lwj thiab hneev kauv log laig.
Xav txog tuskheej lub neej nyob rau tojsiab uas txhua hnub ntxov thaum qaib qua thawj tsig yus
sawv los mus ntxuav muag, rau khau, txhuam hniav, tu cev, hnav ris tsho, nkaus hlo teeb tsom thiab
raj ncas tawm rooj plaws mus nrog hluas nkauj zom zeb tuav cos, kwv dej, pub qaib pub npua yam
tsis nco dhuav. Dhau ntawv ho maj nroos rov los npaj su ntim rau hauv nruab kawm thiab nkaus hlo
phom kub tshuaj thiab hneev taub khuam ntawm pwg thiab sia loo riam rau ntawm duav maj sawv
sis mus pauv hluas nkauj zog luaj teb ntov ntoo them teb cog nplej pob kws. Thaum hnub yuav poob
qho ho sawb sim los mus nrog hluas nkauj de nceb, de hmab taub hmab iab, txiav taws, txiav zaub
npuas zaub nyuj/nees tshawb nuag rov los tsev. Los txog tsev txo loo kawm thiab daws riam phom
hneev taub khuam kiag rau ncej tas txawm siv nkaus hlo phuam da dej maj nroos mus nrog hluas
nkauj da dej ntxhua khaub ncaws. Da dej tiav los txog tsev npaj hmo noj tag ces rov tu cev tsab zag
mus nrog hluas nkauj txuas lus sov siab kum yees txog rau thaum qaim hli nrig cua tuaj hliv lug,
nplooj xyoob nplooj ntoos laim pes txias thiab hnov dev tsem thiab kab civ liv quaj sib nrhav ces
mam los pw.
Thaum sau qoob loo puv txhab tsis muaj liaj teb ua
lawm ho yaum kwvtij phoojywg npaj tuav tshuaj
phom, hneev xub, hneev nti, nuvntses, vas, tsig, lau
qaib dib, yij mej txwv thiab dev raws nqaij mus yos
havzoov tua txhom tsiaj qus. kev yos nqaij mas muaj
siab npaum li txoj kev yos hluas nkauj thiab.
Thaum tuaj mus txog rau thaj chaw plob, sawdaws
maj nroos mus txiav nplooj tsawb nplooj kuj yem los
ua tsev pheeb suab thiab sau taws rauv cia. Hnub
17 | P a g e
WB YOG HMOOB – KAWMNTAWV HMOOB 2
qaij nroos tej kwvtij phoojywg sib faib kab leeg mus zov lub kaum dej kaum hav npaj tua nas ncuav
hooj twm, qaib qus thiab nraj yij. Tsaus ntuj ho maj nroos rov los rau tom chaw so/pw.
Ua hmo noj dhau plaws ho npaj teeb tsom thiab riam phom mus zov tua nploos. Tua nploos tawm
dhau los pw ib pliag txog caij nploos rov qab ho npaj mus tos tua nploos nkag qhov. Kaj ntug txoog
ho mus tua nas noog noj txiv tsawb, txiv vaj khaum, txiv ntseej, txiv qhib thiab txiv cev losyog dib
txhom tua nraj yij qaib qus.
Dhau ntawv rov los so noj tshais tiav ho kwv npev nqa vas mus txhom nuv ntses hav dej yam
lomzem xauv npo.
Lub neej thaum hluas paub tab nyob rau haujsab ces tsuas ua li no xyoo dhau xyoo. Zoo li hnub tsis
ntev hmo tsis ntau, ib sij tag ib xyoos dhau. Yam txhawj xeeb nyob rau yav tojsiab ces yog ntshai
tsam lam muaj mob muaj nkeeg vim nyob nrug deb kwstshuaj tsev khomob. Tsis tag li menyuam tej
kev kawm ntaub kawm ntawv kawm txawj kawm ntse kuj yog ib qho hnyav siab vim nyob deb nroog
deb kev vameej.
X Y A U M S A U
1 – Tshab txhais
Yos havzoov
Tojsiab
Sawb sim
Oov niab
Kaj nrig
2 – Lus nug
(a). Nyob tojsiab tawm rooj plaws pom dabtsi?
(b). Kev yos havzoov mus thaum twg?
(c). Yam koj nyiam lub neej tojsiab yog dabtsi?
(d). Yam txhawj xeeb nyob tojsiaj yog dabtsi?
3 – Sau 5 yam loj tseemceeb ntawm zaj lus kawm
1.
2.
3.
4.
5.
4 – Sau 200 lo lus txog “yam koj nyiam losyog tsis nyiam lub neej tojsiab”
18 | P a g e
WB YOG HMOOB – KAWMNTAWV HMOOB 2
L U B N E E J H A U V N R O O G N I M N O
Piv lub neej tojsiab rau lub neej hauvnroog mas
txawv npaum nyuj kub thiab nyuj plaub yog pom
ntsib thiaj paub.
Nyob rau hauvnroog tawm rooj plaws tsa zaj
muag saib ntawm taw mus rau puag ntuj kawg
tsuas pom tsheb loj tsheb me tsheb ciav hlau
khiav vig voog, neeg coob tis ua coob, tsev muaj
pua pua tshooj, tsuas pom nkoj huab dav hlau ya
yuj ua npoj thiab nkoj deg lub khiav dhau lub
tawm lis zoj.
Txoj kev ua lajkam yog tus yuamsij yuav qhib tau
hub nyiaj hub kub los them nuj them nqi, yuav vaj
yuav tsev, ncig ntuj ncig teb losyog yuav tej yam
yus ntshaw. Piv txoj kev khwv nimno rau lub neej tojsiab mas txawv npaum nyuj kub thiab nyuj
plaub. Nyob hauvnroog mas yus ua neej nrog nraim lub thavpheej (lubsij). Thaum lubsij nrov ces taw
poob nthav saum txaj los mus npaj mus kam. Sijhawm yog nuj yog nqi thiab sijhawm yog nyiaj thiab
kub. Kev leg lajtxheej ntawm yus ib niam txiv mas muaj qee zaum ob leeg kuj ua haujlwm sib txawv.
Tejzaum tus niam raug ua hmo ntuj hos tus txiv ho ua nruab hnub. Kev sib ntsib ntawm yus ib niam
txiv ces sib pom zoo li npausuav. Thaum lub hnub tsis tau tawm yus twb lawm. Thaum lub hli tawm
los yus mam maub nuag rov los txog chaw so. Ib hnub yuav tau ua haujlwm li 8 – 12 teev. Ib limpiam
yuav tau ua num li 5 – 7 hnub. Sim neej ntshaw hnub so Zwj6 thiab Zwjcim los nrog pojniam
menyuam tshaj plaws.
Ntos txog nuj nqi mas muaj npaum nplooj thiab them tsis paub tag xwsli; nqi tsev, nqi dej, nqi
hluavtawsxob, nqi povfwm vaj tsev, nqi povfwm tuskheej, nqi quav zis, nqi quavsw, nqi khomob, nqi
xovtooj, nqi vasxob, nqi nojhaus, nqi taubhau tsheb, nqi povfwm tsheb, nqi kev, nqi av thiab lwmyam.
Tej nyiaj khwv tau ces zoo tam “qhov ncej txhub qhov vawg, txiv yawg lawm txiv yawg”. Yeej tsis
nrog luag pom nyiaj pua txhiab losyog roob txhiab vim nuj nqi ntau npaum nplooj.
Qhov zoo ces tsuas yog muaj lajkam ua tsis tu ncua, muaj kev kawm rau tsevneeg, muaj noj muaj
hnav, nyob ze tsev khomob kwstshuaj thiab nyob nrog kev vameej ua neej.
19 | P a g e
WB YOG HMOOB – KAWMNTAWV HMOOB 2
X Y A U M S A U
1 – Tshab txhais
Txawv npaum nyuj kub thiab nyuj plaub
Limpiam
Yuamsij
Quavsw
Povfwm
2 – Lus nug
(a). Nyob hauvnroog tawm rooj plaws yuav
pom dabtsi?
(b). Sau 5 yam nuj nqi tseemceeb hauvnroog.
(c). Piav yam zoo ntawm lub neej hauvnroog.
3 – Sau 5 yam loj tseemceeb ntawm zaj lus kawm
1.
2.
3.
4.
5.
4 – Sau 300 lo lus txog “koj lub neej hauvnroog”
20 | P a g e
WB YOG HMOOB – KAWMNTAWV HMOOB 2
P A J H U A M
Txawj mloog pajhuam ua rau lub neej ruaj, yog tsis txawj mloog xav tias yog lus dag txuamyuaj!
H M O O B Y O G I B T U G ( 1 )
Kwv tij Hmoob
Yav thaum ntxov
Hlav tshwm nyob
Yav Suavteb
Hmoob txhua tus
Thiaj muab hu
Hmoob txhua tus
Txawm muab kho
Thiaj tsheej peem
Dhau ntawv ho
Nyob mus thoob
Raws li hnov
Nthuav ntsuam tshawb
Txawm ziag no txawv niamtxiv yug
Txhob sib ntxub
Hmoob cov yawg
Sib hlub plhws
Me Hmoob nej
Yog ntshav Hmoob
Kom kab ntsab
Cov thawj kav
Txhob sib thuam
Lub hauv paus
Raws nag hmo
Tsis hais Hmoob
Yog tau hnov
Tus tsis paub
Me yeeb ncuab
Lub neej ruaj
Txhob pheej tias
Dejcag huam
Tos zoov nphob
Thiaj nqua hu
Tej metub
nyob thoob txhua qhov
peb yog tib tsob
rau Vajloogzeb
uas khiav los mus
puav leej yog tib tug niamtxiv yug
VAJ TSAB LIS thiab txuas mus
nyob los tom qab no
lub npe mus ua lub xeem
zoo li ziag no
tau txia ua 4 hom Hmoob
rau txhua txhia qhov
muaj Hmoob Ntsuab Liab Dub Dawb
sawdaws yeej yog tib tug
los yuav tau sib hlub
tsis hais koj pab kuv pawg
los thooj siab koom ntsws
lawm yav tom ntej
nrog xav kom thoob
yuav tsum sib pab
raws li siab xav
losyog cov ruam
thiab sib nrig ntaus
ces yog li no
kuv nug yawg koob
nyob rau txhua qhov
txhob sib ua plaub
los maj mam qhuab
thaiv kom txhob muaj
vim yog sib qhia
tus ntse yuav kaus tus ruam
vim ntuj nag hlob
vim dej nag tu
kom Hmoob sib hlub
losyog mentxhais
21 | P a g e
WB YOG HMOOB – KAWMNTAWV HMOOB 2
Qhia tshaj hais
Kev sib tog
Ntuj thaum ub
Txhob muab leg
Peb sib puag
Qhov tseem ntsiab
kom lawv to nrog
nrog kev sib ntxub
tej laus ua tseg
ua chaw dub muag
mus taug kev tshiab
ces xaus li no tiag mog Hmoob!
TOS K O M L O J ( 2 )
Cov hluas! Yuav tau nrhiav kev txawj, mam li nrhiav kev txhawj! Txhob rawm maj lob, tsam nrhiav tau
tus poj losyog tus txiv tsis zoo ces nws ua yus mob!
Ntawm no yog sob lus paj…
Muab ntos tshaj
Nyob mus thoob
Thov kom nej
Qhov uas hnyav
Txhua hnub hmo
Tsuas pheej hais
Cov me yaus
Qhov zoo tshaj
Mam nrhiav poj
Thiaj los tuav
Tseem mos ab
Cheem nws ntxov
Caum maj rawm
Raws kom cuag
Cheem tseem me
Kev sib plhws
Nrhiav yuav nyab
Tos kom loj
Mam li nroo
Nej mloog nplig
Thov nej kho
Ua nyab vauv
Tsam me chim
Kis tau ntxhiab
Neej tsim nuj
Lob tau nrhab
Ua lub neej
rau menyuam Hmoob
rau txhua zeej teb
tig los nrog xav
yog muaj li no
tej metub ntxhais
txoj kev ua laus
nej txhob rawm maj
cia yus hlob loj
losyog txiv yuav
tau lub npe nyab
txhob muab luag kov
yeej meem mus kawm
kom raws tau luag
tej neeg txawj ntse
yuav tau mob ntsws
tso cia tom qab
losyog yuav poj
puv 18 xyoo
los yeej tsis lig
li hais los no
thiab nej xyaum pauv
tsis yog yoojyim
ntsib kev lwj siab
ces tsis kawm txuj
yuav nyob poob qab
yuav tsis ywj pheej
tsis raws siab xav
22 | P a g e
WB YOG HMOOB – KAWMNTAWV HMOOB 2
Tau poj kav
losyog txiv puag
Nyob muaj nyuag
ces ntsib txhawj xeeb
Muaj tseeb tseeb
nws tsis yog cuav
Thaum hlub dhuav
kuj yog ib qho
Tsheej tag hmo
los tseem sib ceg
Ua dev leg
li menyuam yaus
Muaj sib ntaus
thiab muaj sib cav
Tsis muaj hnav
thiab tsis muaj noj
Es kuv thiaj ntoj tuaj rau nej hnov tiag mog!
T X H A W B T U B N T X H A I S K A W M ( 3 )
Ib tsoom tub ntse ntxhais txawg…
Kuv ua yawg
nej niam nej txiv
Luag ntxhawv ntxhiv
zoo siab qhuas nej
Hais txog tej
nej tau kawm tiav
Kho mob hniav
losyog lwm yam
Tiav lajkam
kwstxuj lijchoj
Cov phoj phoj
kawm tau qavnum
Cov tshum tshum
kawm tau lajtxheej
Muab hais meej
metub mentxhais
Uas tau txais
daim ntawv degree
Kuv luag ntxhi
zoo siab kawg kiag
Ib mi pliag
tsis pes tsawg hnub
Nej ntsub ntsub
mus kawm tiav log
Rov los txog
li qhov npau suav
Tsis yog cuav
lawm tiag os lawv!
Ib tsoom tub ntse ntxhais txawg…
Kuv ua yawg
Kom nej tau
Loj huam pham
Muaj txoj hmoo
Mus zaum sawv
Mus kawm paub
Ua Hmoob tug
Ncha nto moo
Hais txog nyiaj
Qoob puv txhab
Kom nej muaj
foom rau hlob yau
txoj zoo lajkam
mus rau qib zoo
mus tuav ntaub ntawv
nrog luag tu plaub
nrog luag tu ntug
thiab ua qauv zoo
pem roob nram tiaj
kom ntws puv hnab
tsiaj txhu puv nkuaj
poj txiv zoo puag
23 | P a g e
WB YOG HMOOB – KAWMNTAWV HMOOB 2
Nyob muaj nyuag
Txoj siav ntev
Thov kom nej
Los kav tswj
Zaum luag ntshaw
Txog caij lawm
Yam txhuv nplej
Kom txawj hlav
Rau nej noj
Thaum ntuj tsaus
Zoo siab tshaj
Hmoob metub
Thiaj muab hais
Thov hais thiab
Kom nej rau
Caum maj rawm
Poj zoo puag
Thiaj tshwm khuav
Zoo dej caw
Lub zoo kaus
Kev nom tswv
Tsoos zoo npuas
Diav zoo qav
Lub zoo nkoj
Thiaj xub tau
Ho nroo chwv
Nkag tsis taus
Los txhob txhawj
Caum maj rawm
Tho txoj lw
Qhia kev khwv
nroo ntws puv tsev
yam li tus dej
nyob ciaj xeevtxwj
lub teb lub chaw
sawv los luag hawm
thov foom rau nej
poob nthav hauv av
ncoo ko puv toj
rau Hmoob de haus
nej ua tsau kaj
npaum tau pov kub
nrog rau mentxhais
ua kev txhawb siab!
hais rau cov yau
rau siab mus kawm
kom raws tau luag
thiab txiv zoo yuav
li lub siab ntshaw
thiaj xub tau haus
thiaj xub tau kwv
thiaj xub tau ua
thiaj xub tau hnav
thiaj xub tau noj
losyog dav hlau
nrog luag ua tswv
rau peb cov laus
thiab nkag tsis zawj
yeej meem mus kawm
nrog luag sib tw
ua qauv yam ntxwv
rau Hmoob cov hluas!
N r i a v l u s
Xav txog txoj kev phomsij dim tuag los ntawm lub neej ntsuag rau havtsuag, mas tsim nyog yuav tau
mus nrog luag sibtw kawm kom txog hnub tuag, vim tiam no thiaj tseeb lwm tiam yog cuav yav tom ntej
zoo li npausuav!
24 | P a g e
WB YOG HMOOB – KAWMNTAWV HMOOB 2
N T U A S N T X H A I S M U S U A N Y A B ( 4 )
Mentxhais, kuv yog koj txiv ntxawm…
Tig los kawm
txoj kev ua nyab
Muab piav tshab
rau koj ua ntxhais
Mloog kuv hais
ua ntej yuav mus
Khaws tej lus
uas kuv yuav tham
Mloog zoo tsam
koj ho hnov qab
Mus ua nyab
tsis yog uasi
Mus ib txhis
tsis yog hnub puav
Ho khiav khuav
rov qab loo tuaj
Yam zaub tshuaj
yuav laus luag tsev
Mus ua sev
yuav laus luag vaj
Ua zoo npaj
ua li vauv nyiam
Hwm vauv niam
vauv txiv vauv tij
Vauv yawm yij
vauv nkauj vauv muam
Txawm luag ruam
losyog txawj ntshe
Loj yau me
los yuav tau nplij
Hlub vauv tij
hlub poj hlub yawm
Ua zoo hawm
mi vauv tsev neeg
Kom ruaj nreeg
thiaj tau ntuj ntoo
Nplij tub roog
thiaj ncha nto moo!
N r i a v l u s
Mentxhais! Vauv poob ib teg nyiaj rau peb npab los zoo siab tias tau ib tug zoo nyab.
Peb tau vauv ib pob los zoo siab tias tau ib tug zoo vauv mus nrog koj nyob.
Mus ua neej yuav tsum coj kiab kiab thiaj tsis tag niamtxiv txoj kev cia siab.
Mus ua neej yuav tau sib sib hlub txhob tias yuav niaj hnub sib cav sib ceg liab muag tsuas,
tsam neb tua twm nphoo ntsev los peb ua neej ua tsav txaj txaj muag tuaj xyuas!
Mloog zoo zoo
kuv tej lus ntuas
Ho tshawb xyuas
tej yam luag nyiam
Nug txiv niam
seb noj dabtsi
Ua raws li
qhov luag xav tau
Npaj zaub hau
qe kib nqaij txhiab
Saib luag siab
rau lub samxeeb
Ho tig txheeb l uag phaj luag txim
Nyob ib sim
luag thiaj poog koj
Kev ua noj
txhob txib txiv ua
Tu qaib npua
txhob txib niam pub
25 | P a g e
WB YOG HMOOB – KAWMNTAWV HMOOB 2
Qhub tus hlub
Thiaj muab tham
Lub ntuj kaj
Xyaum tejlim
Ua luag nyab
Txhob txaj muag
Muaj pluas qab
Nyob ib txhis
Xyaum tu vaj
Nyob luag ntxhi
Muaj nyiaj kub
Yuav tau ntaim
Hlub niamtxiv
Rhawv kev dav
Tuam zoo choj
Yam tsob ncaug
Zoo thawj coj
yog tias nws kam
kom koj paub npaj
yus yuav tau tsim
rau txhua txhia fab
yuav tau nquag nquag
thiab txhob tub sab
txhob xyaum zais ntshis
txhob nkaum tom txaj
tu tsev huv si
tsis txhob qia dub
nyiaj choj nyiaj daim
pub tej laus siv
hlub neej hlub tsav
rau sawdaws ntoj
rau sawdaws taug
thiaj txawj huam loj
neb thiaj tau ua!
N r i a v l u s
Mentxhais! Luag tej laus ntuas ntxhais mas hais tias,
koj mus yog vauv ua licas ces koj ua li ntawv, tabsis kuv tsis hais li nawb.
Koj mus yog vauv tsis tsim txiaj, vaus mus tub sab tub nyiag, twv txiaj yuam pov thiab quav yeeb
quav tshuaj, mas koj tsis yeem mus ua li vauv ua tsam raug nyob nkuaj ces thaum ntawv peb pab tsis
tau los koj txhob quaj!
Ho piav ntuas
Txhob muab qhuas
Ua txij nkawm
Nyob ib txhiab
Qub kiav roj
Txhob qhuas khav
Tsam ho raug
Nco ntsoov rau
Coj kiab kiab
Yam qe qauj
Yog yam twg
Txhob nto phiv
Tsim kom muaj
Muab koj rau
txog txoj kev hluas
thiab txhob tham tawm
thiaj tsis txias siab
vauv thiaj hlub koj
tsuj nthi hauv av
yus tej qub nraug
vauv lub ntsis khau
hauv koj nruab siab
txhob xyaum ntau ncauj
thiaj tsis hnov tsw
luag tsis muaj siv
tias pluag ua luaj
yog koj xav tau
luag coj mus yuav
26 | P a g e
WB YOG HMOOB – KAWMNTAWV HMOOB 2
Los tseem tuav
Txhob lam ua
Mi vauv nyuag
Lub hom phiaj
Coj mus tab
Kom peem tsheej
Thiaj ntxhi chiv
koj txoj qab hlua
kom peb txaj muag
lawv poob teg nyiaj
xav tau zoo nyab
lub cuab lub neej
tawg paj txi txiv
rau koj ua ntxhais mog!
N r i a v l u s
Tsis tag xwb! Koj mus yog vauv noj qab qab los koj noj tsuag tsuag.
Vauv hnav zoo zoo los koj hnav ntuag ntuag.
Vauv siv nyiaj loj loj los koj txuag txuag.
Thaum vauv chim chim los koj luag luag.
Txawm vauv toob toob nkeeg los koj nquag nquag.
Xwv neb thiaj ua neej xws li luag!
T H O V H M O O B T I G X A V ( 5 )
Kwv tij Hmoob
Thov kom peb
Txhob pheej khav
Los sawv kheem
Xav kom thoob
Lub mob aws
Los puas tsuaj
Cov txawj ntse
Kwv tij muam
Txhob sib tawg
Txhob pheej hais
Hmoob cov yawg
Muab Hmoob liam
Txhob siab nkaus
Los rhuav tshem
nyob thoob ntiaj teb
tig los nrog xav
sawv ua thiv meem
yus kuj cuab Hmoob
thiab xav kom ntxaws
thov txhob tsim muaj
rau Hmoob lub npe
losyog cov ruam
thiab tub ntxhais txawg
sib cav sib cais
koj pab kuv pawg
thov txhob limhiam
pauv noj pauv haus
los muab Hmoob lem
Hmoob lub samxeeb!
N r i a v l u s
Hmoob cov yawg! Xav txog qhov Hmoob tsis muaj tebchaws thiab pw yam puav dai taw
mas tsim nyog sawdaws yuav tsum sib txhawb sib fwm kom luag ntshaw!
Mi Hmoob nyuag! Muaj lawm nco thaum pluag, rog lawm nco thaum yuag, pomkev lawm nco thaum
digmuag, txawj ntse lawm nco thaum ruag, ciaj lawm nco thaum yuav tuag, thov txhob tsim txom kom
Hmoob quaj ntsuag!
27 | P a g e
WB YOG HMOOB – KAWMNTAWV HMOOB 2
Hmoob cov yawg
Los sib qawg
Tho txoj lw
Mentxhais tub
Tig los tham
Ua lub keeb
Rau Hmoob neej
Kom tsheej cuab
Khiav kom dim
Uas sib tshom
Los peb taug
Ua yeeb yuj
Los peb nrhiav
Kom peem tsheej
Tus zeeg ib
Yeej txhua nrho
Yam zaj nab
Yam hauv tshuaj
Kom neeg ntsia
Thiaj nroo tawm
Kev sib tog
Muab zuaj pluam
Ncho cev tho
Nyob vam txhiab
Sib txhawb qaum
Sawv huam loj
Kom tsheej neeg
thov peb sawdaws
nyob ua ib qw
kom Hmoob sib hlub
los kuj tib yam
rau qhov haumxeeb
lub cag cawmseej
lawm yav pemsuab
tsheej ntseg tsheej yim
txoj kev cov nyom
sib ntxub sib ntxaug
txoj kev tshav ntuj
ua nag cawm siav
txoj kev vammeej
ua neej nce qib
hauv qab ntuj no
hauv txhua txhia fab
muaj zoo hwjhuaj
cawm neeg txoj sia
neeg tsa tes hawm
kom Hmoob ras txog
nrog kev sib thuam
kom tag xyoo no
los pib dua tshiab
kom Hmoob sibhaum
kom nce nto toj
thiab nyob ruaj nreeg
li luag lwm haiv mog Hmoob!
28 | P a g e
WB YOG HMOOB – KAWMNTAWV HMOOB 2
X Y A U M S A U
1 – Tshab txhais
Pajhuam
Hmoob yog ib tug
Tos kom loj
2 – Lus nug
Koj puas nyiam mloog pajhuam thiab? Vim
licas?
3 – Sau 5 yam loj tseemceeb ntawm zaj lus kawm #5
1.
2.
3.
4.
5.
4 – Sau 150 lo lus txog “koj zaj pajhuam”
29 | P a g e
WB YOG HMOOB – KAWMNTAWV HMOOB 2
K W V T X H I A J ( T X H I A J T X H A I S )
Cov suab seev qab zib liaj xwsli; ua huab ciav, niam yai, cas xyoo nuav, ab tam tseeb tam tseeb, ntuj
tsiag liag yuam lawv tej Hmoob, yaj lawm ntuj teb ntuj os…puav leej yog suab “kwvtxhiaj kwvchab”.
Txhua xyoo thaum txog “Hmoob lub tsiab 30” cov hluas yuav hnav zam tshiab khiv tawm hauv vaj tsev
tuaj mus nrhiav txij nrhiav nkawm thiab sawdaws npaj rwg tuaj mus sibtw hais kwvtxhiaj siblwv thiab
hais quas lub xyoo laus txais tos xyoo tshiab.
Kwvtxhiaj yog Hmoob li txujci puavpheej uas tej laus tau tsim los ua phajtshab rau txheej hluas coj mus
nrhiav vauv losyog nrhiav nyab. Tshaj ntawv, txheej laus tau muab Hmoob tej lus zuaj hais ua kwvtxhiaj
kom Hmoob lus tsis ploj, vim thaum ub cov laus tsis txawj ntawv li txheej nimno. Nram hav yog zaj puav
kwvtxhiaj sau los qhia cov hluas kom paub txog tus yam ntxwv lub suab seev.
T S I S R A U S I A B K A W M T X U J ( 1 )
1. Niam yais…
Thaum ub cas kuv no nim tsis rau siab kawm txuj thiab tsis mloog leej niam leej txiv tej mi lus qhub es
ziag no thiaj tau mus ua daim teb tiag luj lias tiv tshav lawm ntuj kub.
Thaum i cas kuv no nim tsis rau siab kawm ci thiab tsis mloog leej niam leej txiv tej mi lus qhia es ziag
no thiaj tau mus ua daim teb tiag luj lias tiv tshav lawm ntuj ziab cia.
2. Niam yais…
Zaum no es txhua hnub ntxov tsis tias yuav mus ua txoj mi kam loj uas tsuas tias yuav npaj tshais su
tiav lawm qam log mus pib ntua daim teb tiag luj lias tuaj rau tim toj es seb puas tau nrog luag noj nas.
Zaum no es txhua hnub ntxov tsis tias yuav mus ua txoj mi kam zoo uas tsuas hais tias yuav npaj
tshais su tiav lawm qam log mus ua daim teb tiag luj lias tuaj rau nram npoo es seb puas tau nrog luag
noj nyob thawm xyoo.
3. Niam yai…
Zaum no es yuav tau mus ua daim teb tiv tshav mum yav tiv nag es lub mi ntsej muag mas dub nciab
cuag raum qaib txiv yawg tsom iav mum twb tsis xav saib.
Zaum no es yuav tau mus ua daim teb tiv tshav mum yav tiv nag es tej me tes taw mas dub nciab cuag
khawv yeeb es twb pom kab teg mum nyob tsis tseeb.
4. Niam yai...
Tuaj ua teb li kuv no nas…leej niam thiab leej txiv om thaum tej mi txhiam laj txhiam xws zoo nqi ces
yus nim luag luag tsis taus uas tabsis thaum tej mi txhiam laj txhiam xws poob nqi ces yus ib mi niam
txiv xav ntaus nrignphau.
30 | P a g e
WB YOG HMOOB – KAWMNTAWV HMOOB 2
Tuaj ua teb li kuv no nas…leej niam thiab leej txiv om thaum tej mi txhiam laj txhiam xws zoo nqi ces
yus nim luag luag tsis vov hniav uas tabsis thaum tej mi txhiam laj txhiam xws poob nqi ces yus nim
xav tsa suab hlo nyiav.
5. Niam yai…
Leej niam thiab leej txiv, zaum no es yuav tau mus khwv ciaj yam khwv tuag los twb tsis tau nyiaj los
yuav txhij nqis yuav txhua es tawm rooj plaws nim txaj txaj lub mi qhov muag.
Zaum no es yuav tau mus khwv tuag yam nyob khwv ciaj los twb tsis tau ib kis nyiaj es tawm rooj
plaws luag saib yus niag ntsej muag ua teb no tsis tsim txiaj…ces nim chim lub laj xeeb xaus xi saum
npoo ntuj npoo hli es yog muaj dua lwm tiam no kuv mam mus thov dua ntawv saum nyuj vag teem
seb puas tau rov los ua dua ntiaj teb no ib tib neeg es kuv mam rau siab ntsuj ntso mus kawm txuj rov
kawm ci es seb kuv lub neej no puas tsim nuj nyob tsim nqi om!
X Y O O T S H I A B ( 2 )
1. Ua huab ciav...
Xyoo laus ploj xaus xyoo tshiab tawm tuaj lawm nas Hmoob…xyoo no ces yog Hmoobtxwjvajlaug lub
zoo xyoo rov zoo niaj es tseev kom Hmoob khwv nyiaj kub ntws sim lug los puv Hmoob lub ncauj
phiab es kom Hmoob ua neej nyob vam sawm dawb hau nris caug tsis muaj txiab es tseev kom
Hmoob zaum los luag saib muaj meej es sawv los luag saib muaj qab ntxhiab.
Xyoo laus ploj xaus xyoo tshiab tawm tuaj lawm nas Hmoob…xyoo no ces yog Hmoobtxwjvajlaug lub
zoo niaj rov zoo xyoo es tseev kom Hmoob khwv nyiaj kub ntws sim lug los puv Hmoob lub ncauj choo
es kom Hmoob ua neej nyob vam sawm dawb hau nris caug noj qab mus nyob zoo es tseev kom
Hmoob zaum los luag saib muaj meej es sawv los luag saib muaj lub koob moo.
2. Ua huab ciav...
Xyoo laus ploj tag xyoo tshiab tawm tuaj lawm nas Hmoob…zaum no tseev kom Hmoob nce toj los lub
zog loj es nqes hav los kom lub zog nchav es nyob li cov xav ua nom ua tswv los tseev kom nrhiav tau
pej xeem huab hwm los nrog luag kav es cev zoo kom Hmoob tau nrog luag hnav.
Xyoo laus ploj tag xyoo tshiab tawm tuaj lawm nas Hmoob…zaum no tseev kom Hmoob nqes hav los
kom lub zog nchav es nce toj los kom lub zog loj es nyob li cov xav ua nom ua tswv los tseev kom
nrhiav tau pej xeem huab hwm los nrog luag coj es pluas qab los kom Hmoob tau nrog luag noj os
mog.
3. Ua huab ciav...
Xyoo laus ploj xaus xyoo tshiab tawm lis nuag tuaj txog tej yas kab, zaum no tseev kom cov yuavkawm
txuj los kom tsim nuj es kawm ci los tsim nqi es yuav kawm txuj kawm ci los tseev kom mi txujci nkag
zws nyob puv plab, cov yuav ua lajkam lajluam nce toj nqis taug los kom khwv tau nyiaj kub ntws sim
lug los puv hnab es kom Hmoob nrog luag muaj 99 roob ntswg liaj ntev 88 roob ntswg iav ncab es cov
31 | P a g e
WB YOG HMOOB – KAWMNTAWV HMOOB 2
yuav tu tub tu kiv los tseev kom huaj vam nyob ua tsheej pab es tsis hais tus miniam losyog mitxiv ces
yuav tseg ncua fab kev nroo hlob yuav poj losyog yuav txiv nrab os mog.
Xyoo laus ploj xaus xyoo tshiab tawm lis nuag tuaj txog tej yas kev, zaum no tseev kom cov yuav
kawm txuj los kom tsim nuj es kawm ci los tsim nqi es yuav kawm txuj kawm ci los tseev kom mi txujci
nkag zws nyob puv cev, cov yuav ua lajkam lajluam nce toj nqis taug los kom khwv tau nyiaj kub ntws
sim lug los puv lev es kom Hmoob nrog luag muaj 99 roob ntswg liaj ncab 88 roob ntswg iav ntev es
cov yuav tu tub tu kiv los tseev kom huaj vam nyob ua tsheej tsev es tsis hais tus miniam losyog mitxiv
ces yuav tseg ncua fab kev nroo hlob yuav poj losyog yuav txiv me os mog.
4. Ua huab ciav...
Mi Hmoob zaum no ces lub phem niaj tau ploj pliag es lub zoo xyoo tau tshwm loo lawm ces tseev kom
mi nkauj rog thiab nraug leem nej nrhiav tau poj losyog txiv yuav, nyob li mi nkauj feb nraug fav thiab
poj nrauj yawg ntsuag ces tseev kom nej rov nrhiav tau tus zoo tav raws li txoj kev npau suav es tawm
rooj plaws nej thiaj tsis kho kho siab khuj khuav os mog.
Mi Hmoob zaum no ces lub phem niaj tau ploj pliag es lub zoo xyoo tau tshwm loo lawm ces tseev kom
mi nkauj rog thiab nraug leem nej nrhiav tau poj losyog txiv hlub, nyob li mi nkauj feb nraug fav thiab
poj nrauj yawg ntsuag ces tseev kom nej rov nrhiav tau tus zoo tav los nrog luag qhub es tawm rooj
plaws nej thiaj muaj lub ntsej lub muag luag lis ntxhub...ces nim cav zoo Hmoob siab tuaj luag lis zoj
es cia kuv muab lub lajxeeb lujxeeb khuam nkaus rau lub ntsis nroj es zaum no xyoo laus ploj xaus
xyoo tshiab tawm tuaj lawm ces tseev kom dej tshiab los Hmoob tau haus es qav tshiab los Hmoob tau
noj es kom Hmoob tej tub tej ntxhais ces sawv lim tsees los nrog luag ciaj tsw ciaj nom es sawv lim
tsees los nrog luag ciaj kwstxuj kwslijchoj es kom Hmoob los ua lub neej zoo tam ntua mi dejcag ntws
ntshiab si rov tim toj es zoo tam li niam nkauj hnub txiv nraug hli ci kaim kauj zees yug mi nroj tsuag
nyob mus hlob loj os mog!
T A U P U A G T S I S T A U Y U A V ( 3 )
1. Yaj lawm ntuj teb ntuj os…
Kuv mi qub nkauj xwb tus cev yiag quj qaim tus cev ncab, cas wb daj thiab deev zoo ua luaj li thaum i
nyob rau Nplogsab los cas lub ntuj tsis tiaj lub teb tsis tus es yuav tau muab koj tso plhuav rau ntuj
txoog lias tuaj teb tom qab es zaum no yuav muab koj lub cev nkauj xwb nco nco los nim tsis tau koj
los pw li ko rau ntawm kuv ib sab es tawm rooj plaws noj nqaij los twb tsis hnov qab.
Kuv mi qub nkauj xwb tus cev yiag quj qaim tus cev zuag, cas wb daj thiab deev zoo ua luaj li thaum
hluas nyob rau Lostsuas los cas lub ntuj tsis tiaj lub teb tsis tus es yuav tau muab koj tso plhuav rau
ntuj txoog lias tuaj teb tom sua es zaum no yuav muab koj lub cev nkauj xwb tshua tshua los nim tsis
tau koj los rau kuv puag es tawm rooj plaws twb tsis muaj lub ntsej lub muag luag.
2. Yaj lawm ntuj teb ntuj os...
32 | P a g e
WB YOG HMOOB – KAWMNTAWV HMOOB 2
Niam leej ntxhais tus kuv tau thawj zaug, koj puas paub tias ziag no laus laus qam nkoos dawb hau puj
paug lawm los kuv no tseem saub see yuj yees tias koj yog kuv li thawj tug tuaj puag thaum yau yau es
ziag no tseem muab koj nco nco lub ntuj kub tawm plaws lub mus ntuj tsaug.
Ntuj teb ntuj os niam leej ntxhais tus kuv xub xub tau hlub, koj puas paub tias ziag no laus laus qam
nkoos muaj ki rov mus muaj tub lawm los kuv no tseem saub see yuj yees tias koj yog kuv li thawj tug
tuaj puag thaum ub es ziag no tseem muab koj nco nco lub ntuj tsaug tawm plaws lub mus ntuj kub
mog.
3. Yaj lawm ntuj teb ntuj os...
Txoj hmoov tso leej neeg uas kuv tseem nco thawm hnub thawm hmo, koj puas paub tias laus laus
tshee nyuj hnyo twb mus tsis taus kev lawm los kuv tseem nco nco koj lub cev zeej xeeb zeej zim uas
thaum koj tseem hluas hluas zoo puav tam li txooj ncaug tawg paj paug txi txiv qwv lwg yuj es niam
ntxhais tsis tau lawm los cia tseg es muaj hnub koj laus tag kuv laus dua es mam nco qab ntsuj ntsoov
qaim qho koj tus ntsuj mam huab xyw seb puas tau rov mus puag koj dua ib zaug ntxiv rau saum ntuj
mog.
Txoj hmoov tso leej neeg uas kuv tseem nco thawm hnub thawm hmo, koj puas paub tias laus laus
tshee nyuj hnyo twb mus tsis taus kev lawm los kuv tseem nco nco koj lub cev zeej xeeb zeej zim uas
thaum koj tseem hluas hluas zoo puav tam li txooj ncaug tawg paj paug txi txiv qwv lwg yeej es niam
ntxhais tsis tau lawm los cia tseg es muaj hnub koj laus tag kuv laus dua es mam nco qab ntsuj ntsoov
qaim qho koj tus ntsuj mam huab xyw seb puas tau rov mus puag koj dua ib zaug ntxiv rau saum
ceebtsheej...ces nim chim chim siab ua luaj no los yuav tuag yuav tsis txawj plhis es...qhia koj paub
tias txawm kuv muaj cuab muaj yig lawm los kuv nim los ua lub neej nros ntshwb ntshi es tawm rooj
plaws tseem nco nco koj ntsia ntsoov rau saum lub hli es kuv tseem niaj hnub niaj hmo es muab koj
tham saub see yuj yees qhia rau kuv tej kwv mus tej tig es tiam mi neej no ntshe yuav muab koj lub
cev nkauj xwb nco nco mus tag niaj txhiab los ib txhis txog hnub kuv lub cev ntaj ntsug no tuag lis nthi!
N r i a v l u s
Ntuj os NKAUJNAG! Koj puas paub tias, kuv muaj cuab muaj yig tag, yam tsob ntoo twb yuav nkoj
cag, los tseem nco thiab tos koj npaum li TXIVPHAWNYUJ tos zaub hlav, tseem nco thiab tos koj
npaum li mi NROJTSUAG tos duab tshav?
33 | P a g e
WB YOG HMOOB – KAWMNTAWV HMOOB 2
C O G T X I V X Y O O B N T O O T E J N T A T O J ( 4 )
1. Ab tam tseeb tam tseeb yuam...
Cov muam thiab txiv ntxawm npawg, qhia nej paub tias hmo no ces yog niam qas tsi hmo? Hmo no ces
yog peb Hmoob txwjvajlaug thiab tej tub txawg ntxhais ntse hmo tuaj nrwb nrhiav nyiaj txiag kom nyob
ncoo ko npaj txhawm rau peb Hmoob kujcuab lub tsiab30 kev nqaum toj nqaum nruas kev rag txuj rag
ci uas los yuav txog tom ntej no mog Hmoob.
Ab tam tseeb tam tseeb yuam… cov muam thiab txiv ntxawm npawg, qhia nej paub tias hnub no ces
yog niam qas tsi hnub? Hnub no ces yog peb Hmoob txwjvajlaug thiab tej tub txawg ntxhais ntse hnub
tuaj nrwb nrhiav nyiaj kub kom ntws si los puv Hmoob lub ncauj hub npaj txhawm rau peb Hmoob
kujcuab lub tsiab30 kev nqaum toj nqaum nruas kev rag txuj rag ci uas los yuav txog tom ntej ub mog.
2. Ab tam tseeb tam tseeb yuam...
Peb mi kwvtij Hmoob, hmo no nej ntoj nuag tuaj txog sib ntua es yuav vam nej lub dag coj lub zog
muag es yuav vam nej tuaj txhawb nqis tuaj puag es kom peb Hmoob muaj txiag nplua nuj li kujcuab
nqis Mabsua mog.
Ab tam tseeb tam tseeb yuam...
Peb mi kwvtij Hmoob hmo no nej ntoj nuag tuaj txog sib zawv es yuav vam nej lub dag coj lub zog
sawv es yuav vam nej tuaj puag nqis tuaj txhawb es kom peb Hmoob nrog luag muaj txiag nplua nuj li
kujcuab haiv neeg dawb mog.
3. Ab tam tseeb tam tseeb yuam...
Peb mi kwvtij Hmoob, kom peb phaum laus nco qab ntsuj ntsoov tias, peb yuav tau tuaj npaj cog txiv
xyoob txiv ntoo rau tej mus ntav toj npaj txhawm rau peb tej tub tej ntxhais tau de noj es peb tej tub tej
ntxhais thiaj yuav muaj koob nto npe nrov ntxhe ntxhiav rau tiaj nrag mus tsis ploj mog Hmoob.
Ab tam tseeb tam tseeb yuam...
Peb mi kwvtij Hmoob kom peb phaum laus nco qab ntsuj ntsoov tias, peb yuav tau tuaj npaj cog txiv
xyoob txiv ntoo rau tej mus ntav fab npaj txhawm rau peb tej tub tej ntxhais kom tsis txhob tshaib plab
es peb tej tub tej ntxhais thiaj yuav muaj koob nto npe nrov ntxhe ntxhiav rau tiaj nrag rov lawm yajsab
mog.
4. Ab tam tseeb tam tseeb yuam...
Mi Hmoob, kheev lam tias peb ua tau li ces yeej muaj koob es tawm rooj plaws ces luag lwm kujcuab
ob cag yeej yuav cav zoj tag Hmoob tsob noob.
Ab tam tseeb tam tseeb yuam...
Mi Hmoob, kheev lam tias peb ua tau li ces muaj meej es tawm rooj plaws ces luag lwm kujcuab ob
cag yeej yuav cav zoj tag Hmoob lub zoo neej…ces nim zoo zoo Hmoob siab tuaj luag lis ntxhub es
tos kuv nim ua zaj ua ntxeev qhub los vim yog ntshaw ntshaw kom Hmoob nrog luag muaj txhab nyiaj
34 | P a g e
WB YOG HMOOB – KAWMNTAWV HMOOB 2
nqis txhab kub es kom Hmoob los ua lub neej nyob ci kaim kauj zees zoo puav tam li niam nkauj hli
thiab txiv nraug hnub es tawm rooj plaws seb luag lwm kujcuab ob cag puas yuav cav zoj tag Hmoob
leej mintxhais thiab mitub os mog?
N C A I M K W V T I J N K A U J M U A M ( 5 )
1. Niamyai…
Ntuj teb ntuj os kuv tej mi kwvtij nkaujmuam, hnub txooj nteg tuaj puag thaum ub es peb leej niam thiab
leej txiv yug tau peb nyob ua tsheej pawg rov ua tsheej pab los cas lub ntuj ua rog loj lub teb ua rog
nchav es zaum no peb tej mi kwvtij nkaujmuam ib leeg thiaj tau khiav mus nyob rau niaj ib sab es
tawm rooj plaws los twb tsis muaj leejkwv leejtig thiab nkaujmuam khiav khuav ua phajpeeb nyob lawv
qab es nyob kaj siab lug ces tsis luaj twg uas yog raug plaub coj nyob raug ntug los twb tsis muaj kwv
muaj tig thiab nkaujmuam nyob twg nqis nroos tuaj rov nrog pab es xav txog tsis quaj los lub kuamuag
nim poob lis nthav.
Ntuj teb ntuj os kuv tej mi kwvtij nkaujmuam, hnub txooj nteg tuaj puag thaum ub es peb leejniam thiab
leejtxiv yug tau peb nyob ua tsheej pab rov ua tsheej pawg los cas lub ntuj ua rog loj lub teb ua rog
sawv es zaum no peb tej mi kwvtij nkaujmuam ib leeg thiaj tau khiav mus nyob rau niaj ib rab chaw es
tawm rooj plaws los twb tsis muaj leejkwv leejtig thiab nkaujmuam khiav khuav ua phajpeeb nyob nrog
rawv es nyob kaj siab lug ces tsis luaj twg uas yog raug plaub coj nyob raug ntug los twb tsis muaj kwv
muaj tig thiab nkaujmuam nyob twg nqis nroos tuaj rov nrog daws es xav txog tsis quaj los lub
kuamuag nim poob lis tshaws om.
2. Niamyai…
Ntuj teb ntuj os kuv tej kwv tej tig tej nkaum los tej muam ib sij huam es tus dej sib yig lim tsum thiab
zoov laj teem nim quas txhiab txhiab npaug es nyob deb ua luaj no yog puv 120 xyoo no leej twg yuav
tuaj kho kuv khau es tuaj ntim kuv ib lub tsho laus es xav txog tsis quaj los lub kuamuag nim sib tw
tshau.
Ib sij huam tus dej sib yig lim tsum thiab zoov laj teem nim quas txhiab txhiab roob es nyob deb ua luaj
no yog puv 120 xyoo no leej twg yuav tuaj kho kuv nrhoob es tuaj ntim kuv ib tshob qoob es xav txog
tsis quaj los lub kuamuag nim sib tw poob os mog.
3. Niamyai…
Kaj ntug xib zus nim tsis pom zoj tag mi hnub qub ntab es kho siab ua luaj no kheev lam tias lub ntuj
no txawj txoog lub teb no txawj qaws es rov qaws zoj peb tej mi kwvtij nkaujmuam rov mus nyob ua ib
pab es pluag los thiaj xav noj tsuag muaj los thiaj xav noj qab es nyob thiaj zoo siab ciaj neeg es
txawm tuag lim nthi los thiaj zoo siab ciaj dab mas mog.
Kaj ntug xib zus nim tsis pom zoj tag mi hnub qub ntsau es kho siab ua luaj no kheev lam tias lub ntuj
no txawj txoog lub teb no txawj qaws es rov qaws zoj peb tej mi kwvtij nkaujmuam rov mus nyob sib
sau es ua neej los thiaj li tsis chim ua dab los thiaj li tsis npau es ua neej los thiaj xam muaj es txawm
35 | P a g e
WB YOG HMOOB – KAWMNTAWV HMOOB 2
tuag lis nthi los thiaj nyob xam tau…ces nim cim lub lujxeeb xaus xi daim mus nplooj qhua es yog xab
nyeej lwm tiam rov muaj dua no kom peb nco ntsoov rov los thawj ua kwvtij thiab nkaujmuam dua es
peb li mus nyob thooj teb los koom tsua es peb li mus koom ib dab dej mus ntxuav muag es peb thiaj
tsis sib sib nco mum nyob sib sib tshua os mog!
X Y A U M S A U
1 – Tshab txhais
Kwvtxhiaj
Phajtshab
Siblwv
2 – Lus nug
(a). Kwvtxhiaj muaj nuj nqis licas rau Hmoob?
(b). Feem ntau kwvtxhiaj siv rau lub caij twg?
(c). Txhua tus puas muaj feem xyuam hais tau
kwvtxhiaj?
3 – Sau 5 yam loj tseemceeb ntawm zaj lus kawm #5
1.
2.
3.
4.
5.
4 – Sau 150 lo lus txog “koj zaj kwvtxhiaj”
36 | P a g e
WB YOG HMOOB – KAWMNTAWV HMOOB 2
N K A U J / Y A S U A B
Yog yuav sau kom tau zaj nkauj zoo muaj quag mas tsis yoojyim, nov tsuas yog qee zaj li tuskheej txoj
kev tshajlij sau tsim.
X A V K O M H M O O B M U A J T E B C H A W S L I L U A G ( 1 )
Tuskheej li txoj kev npau suav
Xav kom Hmoob muaj tebchaws li luag
Tau nrog tuav tus chij nrog lub tsev dawb
Lub hnub tawm ci thoob Hmoob daim av
Muaj dej cag ntws nto thoob Hmoob zej zog
Hluav taws xob cig ntsa iab ntsa paug
Nkojhuab tshebhlau khiav ya ua npoj
Ntshe tiam no tsuas yog npau suav xwb
Hmoob! Txawm tias peb tsis muaj daim av nyob
Yam tsob kua txob tsis tau dej yug
Los kom txhua tus ua neej nyob sib sib hlub
Seb puas muaj hnub Hmoob nrog luag muaj tug?
Me nroj tsuag npuj npaim tsaws txhua
Yav hauj sab muaj dej tsaws tsag
Pem roob tiaj nrag los muaj tswv tag
Cas Hmoob thoob qab ntuj ho tsis muaj tug
Hmoob! Txawm peb qiv luag toj yug yaj tais tsau ntxhai
Los kom peb txawj sib hais tsis txhob sib cais sib ntxub
Seb puas muaj hnub Hmoob nrog luag muaj tug?
Seb puas muaj hnub Hmoob nrog luag muaj tug?
Tusau: Meej Yaj, Brisbane
Lusdhos: Yeejhuam
37 | P a g e
WB YOG HMOOB – KAWMNTAWV HMOOB 2
N E E J N T S U A G C I A J ( 2 )
Lub ntuj es! Yog tiag los yog npau suav
Ib sij huam ntuj ua tsov teb ua rog
Thiaj ncaim tso niamtxiv kwvtij nkaujmuam
Thiaj tau tuaj ua ntsuag nyob kho siab khuav
40 xyoo no yus tuaj nyob ib rab chaw
Tawm rooj plaws ua dabtsi tsis muaj tus txhawb
Ua neeg siab dawb los raug luag cem
Yus ua zoo los tau lub npe phem
Ib vuag mus yus tuaj nyob ib roog ntuj
Tseg ncua niam txiv lub npe tsis hu
Tos yus nco tau tuaj nyob rau ib qho
Zaum mi no ua dabtsis los tsis tuaj zog
40 xyoo no yus tuaj nyob dai luag togzos
Muab xav los ntshe yog tim txoj hmoo
Yog puv ib pua nees nkaum xyoo
Ntshe yuav tsis muaj tus tuaj tu moo (x2)
N Y O B Z O O X Y O O T S H I A B ( 3 )
Nyob zoo xyoo tshiab peb Hmoob sawdaws
Xyoo laus ploj lawm xyoo tshiab tawm los
Tuaj peb sib cog nqaumtoj nqaumnruas
Tsis hais laus hluas tuaj peb rag ci
Hnub no xyoo tshiab rov tig los poob
Tuaj peb tsa Hmoob ncej ntxheb ncej ntxhoos
Kom peb haiv Hmoob noj qab nyob zoo
Kom peb haiv Hmoob ua neej nto moo
Hmoob kwvtij zoo caij peb tau sib ntsib
Los peb sib fim tham kev noj haus
Los peb sib sau pov pob tham kev nkauj nraug
Saib nyuj sib nraus hais kwvtxhiaj nta ntua
Mi Hmoob neej tsa qab roob qab ha
Xyoo laus ploj tag xyoo tshiab tawm tuaj
Los peb sib puag nyob ua ib pab
Mojthem nqagkab kom Hmoob ciaj vag
38 | P a g e
WB YOG HMOOB – KAWMNTAWV HMOOB 2
P O M K O J D H A U ( 4 )
Maivmaum yuas Maivmaum
Thaum pom koj dhau
Kuv pib vwm mob taubhau
Vim xav tau koj:
Los puag
Los nwj
Los hnia
Los saib
Los ntsia
Koj zoo puav tam lub paj tawg tshiab (2x)
Xav tau koj:
Los deev lub siab
Los deev lub ntsws
Los hlub los plhws
Maivmaum yuas Maivmaum tus kuv nco
Yog muaj hmoo tau koj los ua kuv poj
Nce toj yuav soj nqis hav yuav kav
Tawm rooj plaws yuav luag lis nyav
Maivmaum yuas Maivmaum tus daisiab
Yog tau koj los rau kuv lub xwb ntia
Tau koj los kho kuv lub siab los rau kuv nwj kuv hnia
Ntshe tsawg tiam los yuav hlub koj npaum li txoj sia
Maivmaum yuas maivmaum tus siab daifo
Yog muaj hmoo tau koj los kho kuv tsho
Sim neej yuav cia koj nyob ntxuav taw sov so
Es kuv mam mus (khwv los rau koj noj x2)
Maivmaum yuas Maivmaum tus luag lis nyav
Thaum pom koj tag kuv pib vwm cuag hlwb ntas
Vim xav tau koj los:
Los lawv kuv qab
Los ua kuv tab
Los rau kuv kav
Koj yog txhua yam rau kuv (2x)
Xav tau koj:
39 | P a g e
WB YOG HMOOB – KAWMNTAWV HMOOB 2
Los ntoj los thuv
Los ntxiv los ntxhua
Los hlub los puag
Maivmaum yuas maivmaum tus neeg zoo
Yog muaj hmoo tau koj los rau kuv ncoo los xyav kuv moo
Sim neej yuav cia koj nkaum ntxoo nyob hauv vajloog
Tawm rooj plaws mus ua qoobloo los yuav tsis nroo
Maivmaum yuas maivmaum tus luag lis ntxhi
Yog muaj hmoo tau koj los ua kuv li
Tawm rooj plaws ntshe yuav luag lis ntxhi
Thaum no pom lub hnub los yuav tias yog lub hli
Maivmaum yuas maivmaum tus nco tshua
Yog muaj hmoo tau koj los rau kuv puag los rau kuv yuav
Sim neej ntshe yuav hlub koj tsis dhuav
Txawm koj txib ncaj txib nkhaus los yuav (nkag lis nuav x2)
40 | P a g e
WB YOG HMOOB – KAWMNTAWV HMOOB 2
K U V Y E E J K U V H A I S ( 5 )
Tus neeg uas siab dub siab nkhaus
Cas kuv hlub koj npaum twg los tsis txaus
Kuv ntoj kuv thuv koj npaum li tus mlom
Los koj tsis lees txais thiab tsis pom
Tus neeg uas siab coob siab txia ntshav
Txhua yam kuv ua tsis zoo li los cas
Yam uas kuv muaj ces muab rau koj tag
Koj saib nws zoo li dag
Nev! Nev! Kuv yeej kuv hais!
Ziag no koj tso kuv tseg tsis muaj tus zes koj quaj niag nplaig hlauv leg
Ziag no koj tso kuv cia tsis muaj tus hlub tus ntsia
Zaum no tau lub npe poj nrauj tsis muaj tus xauj
Nrhiav npaum twg los tsis ntsib ncauj vim tsw npaum lub (qe qauj x3)
Tus neeg uas siab limhiam
Kuv hlub koj npaum li txoj sia
Los koj saib tsis muaj qab ntxhiab
Kuv thuv koj npaum li lub ntuj daim av
Los koj tseem cia kuv los kua muag ntshav
Tus neeg uas siab dub siab nkhaus
Thaum kuv tseem hluas zoo nraug
Koj cuaj kaum los yuav ua kom tau
Ziag no koj hlub txaus koj hnov tsw paus
Nev! Nev! Kuv yeej kuv hais!
Ziag no tau lub phem koob yam lub hnub twb yuav dhau tim npoo roob
Zaum no tau lub npe poj tso nrhiav tsis tau tshais tsis tau hmo
Zaum no nyob ntshaus ntsho mam xav txog ces lig lawm (puas yog x3)
41 | P a g e
WB YOG HMOOB – KAWMNTAWV HMOOB 2
R O V P U A G K O J N R U A B D A B N T U B ( 6 )
Cas-nag-hmo kuv rov tau puag koj nruab dab ntub
Tsim dheev los hu ua ciav tsis yog tiag tiag
Tsuas hnov cua tuaj txia zias nag poob tawv to
Kuv ib ce tshee hnyo hais tsis tau ib los
Yim xav txog koj lub plhu mos
Yim ua rau kuv txoj pa tu nrhawv nrho
Rov nco nco koj lo lus qab zib
Siab quaj dhawv dhi kua muag ntws nto
Los ntshai quaj nrov tsam tus hlub ho hnov
Hmoob-poj-niam koj puas nyob zoo los nyuaj siab
Pom koj yim pliag hauv nruab dab ntub
Rov ua rau kuv nco wb txoj kev hlub
Nco txog thaum ub wb nyob uake
Ua liaj ua teb nyob rau yajsab
Hmoob leej mi zoo tabzag
Ntshe yog lub ntuj los nag
Kuv-thiaj-tau-pom koj tus ntsuj mam
Losyog koj tseem seev yees txog kuv nas (x2)
R A U S I A B K A W M N T A W V ( 7 )
Menyuam Hmoob es…
Menyuam Hmoob thoob qab hli
Kom sawdaws rau siab ntso mus kawm ci
Thiaj tsim nqi niam txiv tu yus lub hws si
Thiaj tsim nqi niam txiv pus yus txoj kev tuag dim
Vim Hmoob niam txiv raug tsim txom los ntau xyoo
Vim pojyawmkoob raug txom nyem los ntau tiam
Menyuam Hmoob es…
Menyuam Hmoob thoob qab ntuj
Kom sawdaws rau siab ntso mus kawm txuj
Neej tsim nuj los ntawm kev kawm
Txoj kev ntshaw thiaj yuav muaj tseeb
Lub mi neej thiaj yuav zoo (x2)
42 | P a g e
WB YOG HMOOB – KAWMNTAWV HMOOB 2
Y E E J V I B N A I S C H A W T S H U A ( 8 )
Ab! Tam tseeb x3…… wb wv wv wv ws …….
Tus neeg uas kuv tau loj hlob nrog x2
Hmoov tsis txog tsis tau koj los ua kuv poj
Los vim yog koj niam koj txiv coj koj mus Meskas
Tim kuv niam txiv siab dag nyob txog xyoo 1.9.9.3
Thaum ntawv kawg kev thiaj mam li lawv qab tuaj
Txoj hmoov tsis muaj koj twb mus ua nyab dua…
Hnub no kuv rov los txog yeej thojnam Vibnais x2
Lub ncauj tsis hais lub siab quaj dhi
Nco txog thaum i 30 xyoo dhau los
Rov nco txog koj lub plhu mos lo lus qab zib
Tiamsis ntsia twg los tsis pom koj li…
Yim los taug wb tej qub kev
Yim ua rau kuv rov nco nco koj lub npe
Xav txog koj ces lub plawv mob cuag rwj aws ncus
Thiaj seev yees hu seb koj puas hnov x2…… wb wv wv wv ws …….
Ab! Tam tseeb x3…… wb wv wv wv ws …….
Tus neeg uas kuv tau loj hlob nrog x2
Hnub no rov los txog wb tej chaw nyob chaw so
Kuv lub siab fabhnyo rov nco nco txog koj
Hnub no rov los pom wb tej qub kev uas wb kwv dej
Rov los txog xum peb uas wb mus kawm lej
Ho pib nce mus rau saum roob 10npaj
Tig saib ob cag tsuas pom nroj tsuag hlav ntsuab xiab
Ho tig mus ntsia wb lub tsev kawm ntawv
Los txawv txawv nphob xuav tsis zoo li qub lawm…
Yim los taug wb tej qub dawm
Yim hnov nas noog quaj zom zaws
Yim ua rau kuv rov nco nco wb txoj kev kawm
Thiaj seev yees hu seb koj dua twg lawm x2 ….w wb wv wv wv ws wm…
43 | P a g e
WB YOG HMOOB – KAWMNTAWV HMOOB 2
Z O O S I A B H N U B Y U G ( 9 )
Zoo siab hnub yug koj (3x)
Thov kom koj noj qab nyob zoo
Muaj txoj hmoo khwv noj nplua nuj
Yam lub ntuj tsuas muaj txawj tshav
Nyob luag nyav thiab nyob luag ntxhi mus ib txhis
Zoo siab
Zoo siab
Zoo siab
Zoo siab
Zoo siab
Zoo siab
Luag los mab! Hib! Hib! Luag los mab! Haj! Haj!
Z O O T A W V T S A M T X A I J P L A W V ( 1 0 )
Koj xav tias koj zoo nkauj cuag li neeg txua dhos
Los kuv yeej tsis quav ntsej hlo (ob lub suab)
Koj xav tias koj zoo nkauj cuag li niam nkauj ntsuab ntsia tsis paub dhuav
Los kuv thov tsis yuav (ob lub suab)
Txawm tias koj tau PHD, tau tsev LUXURY thiab tau tsheb MERCEDES
Los kuv yeej tsis ntshaw koj li (ob lub suab)
Vim kuv ntshai tsam ces:
Koj zoo nkauj sab nrauv
Tiamsis lwj kas sab hauv
Noj los noj ntau
Rau los rau zoo khau
Chim los chim npau los npau
Thiab limhiam dhau
Vim kuv ntshai tsam ces:
Koj lam luag lis nyav
Tiamsis lub siab tsis dav
Koj tsis hlub neej tsis hlub tsav
Thiab tsam koj ua kuv los kuamuag ntshav
Tsis thab……kuv yeej tsis thab (x2)
44 | P a g e
WB YOG HMOOB – KAWMNTAWV HMOOB 2
Koj xav tias koj zoo nkauj cuag li nkauj see
Twg pom los ntshe xav tau xav deev
Los kuv yeej tsis ntseeg
Koj xav tias koj zoo nkauj cuag li nkauj Suav
Ntsia tsis paub dhuav
Twg pom los ntshe xav tau xav yuav
Los kuv yeej tsis qhuas
Koj xav tias koj zoo nkauj tiag tiag
Lub mi cev yiag txias li cev mos sias
Yim saib yim tsis xav tso cia
Los kuv yeej tsis ntsia
Koj xav tias koj zoo naib zoo soj
Twg pom los ntshe yuav tua nco
Los kuv saib koj tsis zoo noj
Vim kuv ntshai tsam ces:
Koj lam luag lis ntxhi
Tiamsis lub siab dub txig
Tsam koj tsis hlub kwv tsis hlub tig
Vim kuv ntshai tsam ces:
Koj zoo nkauj daim tawv
Tiamsis txaij nruab plawv
Quav los quav cawv
Thiab pw lig lig mam li sawv
Tsis ntshaw…kuv yeej tsis ntshaw {ob lub suab (x2)
45 | P a g e
WB YOG HMOOB – KAWMNTAWV HMOOB 2
T E B N C H U A V T H I A J K O O M T S I S T A U D A B D E J N T X U A V M U A G ( 1 1 )
Ib sij huam lub ntuj tawg lub teb nchuav
Hmoob thiaj koom tsis tau dab dej ntxuav muag
Ib sij hawm lub ntuj nchuav lub teb tawg
Hmoob thiaj koom tsis tau dab dej ntxuav taw
Hmoob! Cas txoj hmoov tsis muaj
Lub ntuj paim zoj lub teb paim zuav
Hmoob thiaj plam plhuav mus thoob qab ntuj
Mus nyob sib nrug tsis muaj tus coj tus hlub
Xav txog thaum Hmoob nyob thooj teb koom chaw
Hmoob tshuab ib khawv tojroob hauvpes sawv
Xav txog thaum Hmoob nyob ua ib cuab
Hmoob nthe ib suab deeg txog ntuj ntsuab
Hmoob! Cas lub tebchaws tsis tus
Ib leeg thiaj mus nyob rau ib roog ntuj
Mus nyob sib nrug tsis muaj tus coj tus hlub
Muab xav txug kuamuag poob ntws lug (x2)
46 | P a g e
WB YOG HMOOB – KAWMNTAWV HMOOB 2
H L U B T H A W J Z A U G - S U A B K H A W V K O O B ( 1 2 )
Pruj thaiv…tiam sis ov…
Xam phaj los xa maj, tsuj yig naj leem, laij kub laij sis yeem,
haim chij li los haim kus, tsuj xeeb li los haim kus!
Tiam sis ov…
Tus neeg uas kuv hlub thawj zaug
Koj puas tseem nco tias kuv no yog koj li hluas nraug
Kuv tseem nco tias koj yog kuv li hluas nkauj
Yog tsis muaj koj ntshe kuv no yeej tsis paub tias ntiaj teb no muaj chaw ntoj?
Uali koj ne yog tsis muaj kuv koj puas paub tias ntiaj teb no muaj chaw thuv?
Thov qhia koj paub tias kuv tseem pom koj zem zuag nyob nruab dab ntub
Tseem nco txog wb txoj kev hlub yav dhau los
Wb hais lus mos lus muag sib puag nyob ntuj teb tag hmo
Koj kuv wb hlob loj nyob ua ib zog nyob ua ib ke
Tiamsis txog kawg txoj hmoov tsis saws koj los ua kuv sev
Tiamsis ov…
Txoj hmoo tso tus neeg uas kuv nco
Txoj hmoo rub tus neeg uas kuv hlub
Txawm tias ziag no lub cev nyob deb los thov kom nplooj siab nyob ze
Txawm tias wb ua neej plam los thov txog nruab dab rov tau uake
Tiamsis ov…
Tus neeg kuv hlub
Yeej meem ua siab tus tus nrog luag ua neeg kom txog thaum laus
Yog luag ntxub ntxaug thiab cem ntaus koj
Ua siab rov los kuv tseem nyob tos
Niaj hnub niaj hmo thov ntuj thov teb
Kom wb no rov tau los nyob uake
Pruj thaiv tiamsis ov…
Cais neej rau ntawm ntiag cais dab rau nraum toj
Tseev kom tau koj los ua kuv poj ua ntej kuv ploj
Cais neej rau ntawm ntiag cais dab rau nraum tsuag
Tseev kom rov tau koj los rau kuv puag ua ntej kuv tuag
Pruj thaiv tiamsis ov…
Txheev leej leej cim leej leej, txheev com li los leem txhij!
47 | P a g e
WB YOG HMOOB – KAWMNTAWV HMOOB 2
T H A U M D A V H L A U Y A T U S ( 1 3 )
Thaum lub dav hlau ya nto ntuj…
Lub siab puas tsus txoj pa yuav tu
Vim tig mus hu los tsis pom koj lawm
Lub siab yuj plaws kua muag ntws tshaws
Ke zaum ke sawv ntsia mus saib tiaj nrag
Tsuas pom roob hav khiav ua plag nplas
Zaum no nas xav tias ncaim lawm tsis yog dag
Cas tsis yog dag es yuav yog tiag tiag
Kuv tso koj cia nyob rau Nplog sab
Kuv ya rov qab mus rau Auvtaslias
Zoo yam nag tshia poob ib vuag dua
Yuav thaum twg thiaj rov tau sib cuag (x2)?
Thaum lub dav hlau ya tus yees…
Kuv sawv tsees mus saib ob cag ncig lees
Zoo li ntuj qeeg huab cua sib tw ya
Kuv txoj pa txoj sia yuav rho
Xav txog koj tej lus hlub hlub
Ua rau kuv txoj pa me zuj zus
Tsuas hnov lub plawv mob mob
Yam li pos chob nyob hauv nruab nrog
Yim xav txog koj yim nyob ntshaus ntsho
Rov nco nco thaum koj nyob ntawm ib sab
Thaum wb txuas pa wb pw ua ib txag
Cas tsis yog dag es yuav yog tiag tiag
Kuv tso koj cia nyob rau Nplog sab
Kuv ya rov qab mus rau Auvtaslias
Zoo yam nag tshia poob ib vuag dua
Yuav thaum twg thiaj rov tau sib cuag (x2)?
48 | P a g e
WB YOG HMOOB – KAWMNTAWV HMOOB 2
T H O V H M O O B S I B H L U B ( 1 4 )
N r i a v l u s
Cov yawg! Lub zog yog los ntawm koj txhawb kuv kuv txhawb koj,
sawdaws yuav tau sib hlub & sib pab npaum li thaum muaj ib tug nce hauv toj.
Kom nco tias, zoov ntsuab vim muaj ntuj nag yug,
lub neej tsheej vim ib leeg hlub ib tug!
Menyuam Hmoob thoob sis plaws thoob qab ntuj
Tsis hais Hmoob Dub losyog Ntsuab Liab Dawb
Thov kom sawdaws sib hlub thiaj tau ntuj ntoo
Yuav tau sib poog thiaj ncha nto moo...
Hmoob yuas Hmoob!
Lub neej zoo yuav tsum sib pab kho
Txhob sib nto nce toj nqis taug
Txhob pheej qhuas koj do pliaj kuv zoo nraug
Los…los peb sib pab nrhiav kev kom tau rau Hmoob taug (2x)-2leeg hais
Hmoob neej tsa los peb sib pab kom ciaj vaj
Yam lub hnub thiaj ci mus thoob tiaj nrag -2leeg hais
Hmoob yuas Hmoob! Los peb txhawb nqa peb tus coj
Hmoob lub npe thiaj tsis pawv ploj
Yam tsob ntoo thiaj yuav huam loj-2leeg hais
Hmoob yuas Hmoob!
Lub neej zoo yuav tsum sib pab kho
Txhob sib nto nce toj nqis taug
Txhob pheej qhuas koj do pliaj kuv zoo nraug
Los…los peb sib pab nrhiav kev kom tau rau Hmoob taug (2x)-2leeg hais
49 | P a g e
WB YOG HMOOB – KAWMNTAWV HMOOB 2
X Y A U M S A U
1 – Tshab txhais #1
Nkauj/yasuab:
Nkojhuab:
Tshebhlau:
Ua npoj:
Qiv luag toj yug yaj:
2 – Lus nug
(a). Koj puas xav kom Hmoob nrog luag muaj
tug? Vim licas?
(b). Txawm Hmoob tsis muaj tebchaws los
puas tsim nyog Hmoob sibhlub?
3 – Sau 5 yam loj tseemceeb ntawm zaj lus kawm #1
1.
2.
3.
4.
5.
4 – Sau 150 lo lus txog “koj zaj yasuab”
50 | P a g e
WB YOG HMOOB – KAWMNTAWV HMOOB 2
D A B N E E G
Mloog dab neeg ces chim puav zoo li tseeb chim puav zoo li dag, txawm li ntawv los yeej muaj lub ntsis
thiaj muaj lub mag!
T H A U M U B T X I V N E E J Y U G M E N Y U A M ( 1 )
Ntuj thaum ntxov ntxov los txheej ub txivneej yog tus yug menyuam. Thaum
txivneej mob plab yug menyuam mas txivneej quaj peb hnub peb hmos thiaj
yug tau. Thaum yug tau los tus menyuam luaj li tus muvdoom xwb. Txhua
zaus thaum txivneej nyob nruab hlis mas txivneej yuav kom pojniam mus
nrhiav nyuj twm ntxhuav ntxhw los tua rau txivneej noj. Pojniam pom tias
yog yuav nrhiav nyuj twm ntxhuav ntxhw los tua rau txivneej noj mas yog ib
qho nyuaj dhau. Vim li ntawv pojniam thiaj haub yaum kom txivneej ho
muab pauv rau pojniam yug. Pojniam cog lus tias, nws yug nrov plog luaj
lub tog thiab pojniam tsuas noj qaib xwb.
Q A I B & Q A V ( 2 )
Ntuj los txheej thaud thaud los txheej ntxhee, muaj ib hnub
qaib txawm mus hais rau qav tias, qav ua cas thaum ntuj yuav
los nag nej qav pheej quaj meemtxom ntsuav? Puas yog nej
paub ntuj sia tias ntuj yuav los nag? Qav teb tias, peb paub
tiag, thaum ntuj yuav los nag ces nws ua rau peb taubhau
hnyav hnyav thiab peb taubhau dias ua voj ua viag ces peb
thiaj quaj.
Dhau ntawv, qav txawm ho ntxig nug rau qaib tias, qaib ua
cas thaum ntuj yuav kaj nej qaib pheej qua ua rau peb qav
tsim duj dheev nruab dab ntub? Puas yog nej paub ntuj sia?
Qaib ncaws ncaws taubhau tias, peb paub tiag, thaum ntuj
yuav kaj ces peb hnov txias txias peb pob tw ces peb thiaj
cuab suab qua.
Tom qab qav thiab qaib ib leeg ntxig nug ib tug tas ces nkawv txawm nyas npaj tswv yim tuaj sib sim
seb puas muaj tseeb li qhov nkawv hais tseg.
Qaib tos txog rau thaum ib tag hmo uas qav tsaug zog looj hlias ces qaib txawm mus tso quav rau
saum qav taubhau ua rau hnyav qav taubhau thiab meemtxom qav pw tsis tswm ces qav txawm pib
quaj qig qag. Thaum no qaib mam luag haj...haj...tias, qav yuas qav aw! Cas yuav dag ua luaj, twb yog
peb tso quav rau nej taubhau xwb los nej tseem qhuas tias ntuj yuav los nag!
51 | P a g e
WB YOG HMOOB – KAWMNTAWV HMOOB 2
Thaum qaib ua li rau qav tag ces qav txawm npaj tswv yim mus pauj kua zaub ntsuab. Qav tos qaib pw
looj lom ces qav txawm maj mam nkag mus pw rau hauv qaib qab plab ua rau txias qaib ces qaib
txawm pib ntxuaj tis cuab suab qua kuj kub lug kuj kub lug. Thaum no qav thiaj qw npuaj teg nthaug
taw tias, qaib dag yuas qaib dag! Twb yog peb qav los nkaum rau ntawm nej qab plab xwb los nej
tseem qhuas tias yog ntuj yuav kaj! Ua tag li ces qav txawm paj paws ntsos paj paws ntsos khiav rov
mus nkaum lawm. Muab los ntawm Pos VAJ, Brisbane, Australia.
H M O O V T S I S A W M T H I A B Y A W M S A U B ( 3 )
Thaum ub! Muaj ib tug lub npe hu ua Hmoovtsisawm, nws
yug tau los rau tsev neeg pluag uas ib txwm diav zoo noj tsis
txhua, daim tsoos zoo tsis tau nrog luag npua thiab nkauj
zoo los yeej tsis tau nrog luag puag dua.
Muaj ib hnub Hmoovtsisawm txawm mus pe thov
Yawmsaub tias, nws ua neej nyob txom nyem ntsuav, tawm
rooj plaws tsis nrog luag muaj lub ntsej lub muag luag, yog li
xav thov kom Yawmsaub muab nws pauv mus ua ib tug
ntses. Yawmsaub teb tias, tsuav yog koj yeem ces yuav
pauv los pauv. Yawmsaub txawm muab Hmoovtsisawm
pauv mus ua ib tug minyuam ntses khiav yuj yeev rau hauv
qab thus dej, ua ciav ntses noj ntses thiab noj neeg (Shark)
ya ntxiag ua tav nkhaus cees yuav los muab Hmoovtsisawm
nqos. Thaum no nws tau khiav poob plig tag mus txim nkaum rau tej nreej zeb.
Dhau ntawv nws tau quaj thov Yawmsaub tias, thov Yawmsaub ho muab nws txia mus ua ib tug
ntsaum. Yawmsaub kuj tias, yuav pauv los pauv. Pauv zoj Hmoovtsisawm ua kiag ib tug minyuam
ntsaum maub nuj nuag rau qhov ub qhov no. Ua ciav poj qaib coj ib pab minyuam rheeb kab khawv
khuav yuav los muab nws noj ua rau nws poob plig tag.
Ntxiv ntawv nws rov quaj lua pe thov Yawmsaub tias, thov koj sim ho muab kuv pauv mus ua ib tug
noog nyob rau saum ntoo. Yawmsaub teb tias, yuav pauv los pauv. Rov muab Hmoovtsisawm pauv hlo
ua ib tug minyuam noog ya plho rau saum ib tsob ntsis vaj khaum. Nws saib zoj rau ob sab thiab saum
qaum ntuj ntsuab na has pom plas taub laub ua qhov muag hlaws hlaws thiab pom liaj dav ya yuj lawv
lias yuav los muab nws khaws. Thaum no nws thiaj txhos caug rov pe thov Yawmsaub kom muab nws
pauv los ua tib neeg dua. Thaum no Yawmsaub tias, kuv tsuas pab koj zaum kawg lawm xwb, seb koj
yuav ua dabtsi tiag? Nws thiaj quaj dhi ua kua muag kua ntswg ntws si tias, kuv yeem rov pauv mus ua
tib neeg, txawm yuav txom nyem los mam ua tiag nyiajntxeem. Yawmsaub thiaj rov muab nws pauv los
ua neeg.
Zaj dabneeg no yog ib qho kev kawm rau cov tub ntxhais ruag, tub ntxhais ntsuag, cov lov ceg dig
muag, mi poj nrauj yawg ntsuag, cov muaj pluag thiab rog yuag kom nyias ho txaus siab rau nyias
52 | P a g e
WB YOG HMOOB – KAWMNTAWV HMOOB 2
tuskheej. Sawdaws ua neej nyob pheej nyias txoj hmoo. Yog yus txoj hmoo tsis sawm tsis duav ces
txawm quaj ntxeev tiaj khwb rwg los yeej tsis raws txoj kev npausuav. Nco tias, peb ua neej nyob tus
pluag los pluag tus muaj los muaj muaj, chim puav yus yuav zoo siab chim puav yus yuav tau quaj, yog
li rov saib tuskheej kom muaj tshuaj!
N T S U A G T H I A B L I A J T S W ( 4 )
Puag ntuj txheej tshoj thaud, Liajtsw ua neej nyob rau daim luajpua
ces txhij toob puaj yam uas noj tau ces Liajtsw noj txhij noj txhua.
Muaj ib hnub Liajtsw txawm los hais rau nws tus tub ntsuag zov nyuj
tias, ntiaj teb li toobxib noj tau ces kuv noj txhij noj txhua. Kuv mas
thiaj tsim nyog ua neeg. Ntsuag txawm teb tias, hlob Liajtsw, koj
tseem noj tsis tau txhua. Liajtsw teb tias, ua li tseem tshuav dabtsi
thiab?
Ntsuag tias, tshuav ib yam, yog koj xav noj no npaj tagkis kuv mam
coj koj mus. Kaj ntug txoog hnub ci iab tim npoo ntuj ces Ntsuag
txawm coj Liajtsw nce mus rau puag pem ib lub roob siab siab uas
txog kiag rau qhov ncov ncov uas ua rau nkawv sab thiab tshaib plab
heev. Thaum no Ntsuag txawm thau hlo nws cov mov kuam cej kuam xua coj los ntse dej rau Liajtsw
noj. Liajtsw yim noj yim qab, nws noj npaum twg los zoo li tsis tsau plab. Thaum Liajtsw noj tag nws
txawm hais rau Ntsuag tias, qab dhau hwv lawm, koj ntim ib qho rau kuv nqa mus noj nram tsev.
Ntsuag txawm ntim tau ib qho li hais rau Liajtsw nqa los noj. Thaum los txog tsev Liajtsw txawm muab
coj los ntse dej noj li thaum nkawv mus noj pem roob tabsis nws tsis qab li zaum tag lawm. Thaum no
Liajtsw hais rau Ntsuag tias, cas kuv muab qhov mov los noj ho tsis qab li thaum wb mus noj pem roob
lawm? Ntsuag hais rau Liajtsw tias, hlob Liajtsw, yog koj xav noj thaum twg no kuv mam rov coj koj mus
noj dua. Muab los ntawm Nomxyooj VAJ, Wenshan Pajtawgla, China.
53 | P a g e
WB YOG HMOOB – KAWMNTAWV HMOOB 2
Y A W M H M O O B L A U G T H I A B L O O J M E M (5)
Ntuj txheej ub thaud los txheej i muaj ib yawm
Hmoob laug txawj saib memtoj memav kawg li.
Txhua zaus thaum muaj ib tug neeg laus qaug mas
yimneeg ntawv twb yuav tau mus vamkhom yawm
Hmoob laug tuaj pab saib loojmem.
Yawm Hmoob laug no tshajlij heev txog fab saib
memtoj memav vim li ntawv tsoom Hmoob thiaj tau
siv nws nce toj nqis hav. Hmoob ntseeg tias, yog
muab tej laus coj mus tso ncaj rau loojxeeb lub yistoj
mas tsoom xeebntxwv nyob tuaj tom qab yuav ciaj
kwstxuj kwslijchoj, yuav muaj hnav muaj noj thiab
yuav huajvam huajtxhaij nyob mus puv toj. Yog muab
tej laus coj mus tso ncaj rau loojxeeb lub yistxwv mas
tsoom xeebntxwv nyob tuaj tom qab yuav ciaj tswv
ciaj vajntxwv thiab tawm rooj plaws yuav muaj peebzeej peebmuas muab thiaj kwv.
Yawm Hmoob laug tau mus saib loojmem nce toj nqis taug los tau ntau xyoo ntau niaj uas yeej muaj
povthawj timkhawv pom tias nws pab tau tsoom Hmoob coob leej tsimtxiaj thiab nrab plaj txhawv zoj
zoo ntsuag kub ntsuag nyiaj. Yawm Hmoob laug lub zoo koob zoo npe tau nrov mus thoob yajsab rov
nram tiaj. Tawm rooj plaws tsoom Hmoob qhuas yawg tej sis ntxiaj.
Yawm Hmoob laug tau siv nws rab peevxwm kev tshajlij pab tsoom Hmoob los txog rau thaum nws
laus nkoos. Thaum no nws peb tug tub thiaj tsa ncauj nug lawv txiv tias, tsuas hnov ntiaj tog qaum pes
cav qhuas koj txoj kev txawj kev ntse saib loojav loojmem. Peb kuj xav paub tias, yog txog koj ua txiv
lub cawvxeeb no qhov twg thiaj yog qhov tseeb? Cov tub nug yawm Hmoob laug zaum ib zaum ob los
yawg tsis teb lawv. Ua mus ua tuaj muaj ib hmos cov tub rov nug leej txiv zaum peb dua. Zaum no leej
txiv thiaj teb tias, nej nug kuv peb zaug lawm ces yuav qhia los qhia. Leej txiv txawm tias, yog txog kuv
lub cawvxeeb thaumtwg ces muab kuv lubcev pov rau lub qhovntuj nram peb qab zog xwb. Thaum
lawv cov txiv tub sib tham li no ces ua rau ib tug hluas nraug nyob nraum zoov tau hnov qhov tseeb.
Tsis ntev hnub tsis ntau hmo yawm hluas nraug txiv txawm mob ntawg ntiag tuag kiag ces tus hluas
nraug txawm coj nws txiv mus pov rau lub qhovntuj raws nraim li tau mus nyiag hnov yawm Hmoob
laug cov lus hais. Yawm hluas muab nws txiv mus pov kiag rau lub qhovntuj tau ib hmos kaj ntug xwb
ua ciav lub qhovntuj cia li rais ua kiag ib lub pas zaj loj li loj ntsuab xiab meemias.
Thaum no yawm Hmoob laug saib tsis qoos tes vim nws paub tseeb tias, yeej yog yawm hluas tuaj mus
hnov lawv cov txib tub tham lawm ntag. Thaum no yawm Hmoob laug thiaj npaj nyiaj tsuag tsuag rau
nws peb tug tub mus yuav nyuj yuav nees yuav ntaub yuav xov nram nroog los ua luam. Thaum cov
54 | P a g e
WB YOG HMOOB – KAWMNTAWV HMOOB 2
tub mus dhau plaws lawm, yawm Hmoob laug thiaj muab kiag nws peb tug nyab ntim zam tsab zag
ntshis mus ntxias deev tus hluas nraug.
Lawv peb kwvtij mus ua luam tau ib xyoos rov los txog tsev ua ciav lawv peb tug pojniam muaj peb plab
minyuam thiab yug tau los txog yog peb tug minyuam kabntsig. Lawv peb kwvtij chimsiab dhau txawm
rho loo ntaj muab peb tug minyuam ntxus pov tseg. Thaum leej txiv tau pom li ntawv leej txiv chimsiab
quaj vwm leg tias, nej tsis tsim txiaj ces yog kuv tuag thaumtwg no nej muab ib txog hlua khi kuv cajdab
cab nce toj yog txoj hlua tu twg ces nej muab kuv faus twg seb nej puas nrog luag ciaj nom ciaj tsw
lawm xwb?
Muab hais los tseev yus txawj yus paub tiamsis yog yus hmoov tsis txog tsis sawm ces txog kawg yus
yeej tsis tau li lub siab ntshaw. Muab los ntawm Txhijfwm Vaj, Brisbane
X Y A U M S A U
1 – Tshab txhais #4
Dabneeg:
Liajtsw:
Ntsuag:
Luajpua:
Kuam cej kuam xua:
Dabneeg:
2 – Lus nug
(a). Liajtsw noj ntiaj teb toobxib puas tau txhij?
(b). Vim licas Ntsuag ho coj Liajtsw nce mus
pem ib lub roob siab siab?
(c). Cas thaum Liajtsw los txog tsev ho noj tsis
qab lawm?
3 – Sau 5 yam loj tseemceeb ntawm zaj lus kawm #4
1.
2.
3.
4.
5.
4 – Sau 150 lo lus txog “koj zaj dabneeg”
55 | P a g e
WB YOG HMOOB – KAWMNTAWV HMOOB 2
S A U N T A W V
Kev sau ntawv mas muaj ntau hom tiamsis yuav ntos
tsis ntxaws. Saib qee tsab li hauv qab:
C A W P H O O J Y W G N O J S U S ( 1 )
Tim 14, 3 hlis 2016
Nyob zooTejlim,
Koj puas yuav xyeej sijhawm tuaj nrog kuv noj sus uake
rau hnub Zwj6 (Sat) tim 5, 6 hli 2016 thaum 5teev tsaus
ntuj ntawm Avliab lub Vajpaj li zaum tag? Kuv muaj qee
yam tshwjxeeb yuav qhia rau koj.
Fim koj rau qhov tseeb,
Kajsiab
N T A W V C A W N O J T S H O O B ( 2 )
Wb Lojhuam & niam Lojhuam VAJ zoo siab caw koj Tshajyeej LAUJ & tsevneeg cov muaj meej mom
tuaj koom wb tus ntxhais
Suam VAJ
Thiab tus vauv
Nroontws TSHEEJ
Rooj tshoob rau
Hnub: Zwjcim (Sun) 20/07/2016
Sijhawm: 1teev tavsu
Chawnyob: 100 Arrow Street, ARROW QLD 4505
Xovtooj: 07 3800 1111
Uatsaug ntau!
56 | P a g e
WB YOG HMOOB – KAWMNTAWV HMOOB 2
N T A W V T U S I A B ( 3 )
Tim 9, 9 hlis 2015
Fim txog Nchaivqiam,
Pab tusiab uas tau hnov txog qhov koj niam tau tagsimneej. Kuv tauv tau zoo tias, yuav mob koj siab
npaum licas thiab nws yuav nyuaj koj npaum twg rau thawj ob peb hnub.
Txais kuv txoj kev hlub tshua.
Fim koj rau qhov tiag,
Txoovlajkab
57 | P a g e
WB YOG HMOOB – KAWMNTAWV HMOOB 2
N T A W V N R H I A V H A U J L W M ( 4 )
Xavtau LIS
21 Rachel Drive
CRESTMEAD QLD 4118
Xovtooj: 07 3800 0023
Tsev Khomob Kujcuab
P. O. Box 777
QLD 7777
Tim 20, 7 hli 2016
Hawm txog hlob Txawjzoo,
Nqisua: lajtxheej kws khomob
Kuv txaus siab xav tso npe rau txoj lajtxheej kwstxuj khomob uas koj tau tshaj tawm rau hauv Tsev
Khomob Kujcuab ntawv xovxwm tagkis no.
Kuv muaj 25xyoos txwm thiab samsim kawm tiav kwstxuj khomob los ntawm tsev kawm ntawv qib siab
UQ. Kuv tshajlij rau fab tshuaj ntsuab thiab hno koob heev raws nraim li tus neeg koj xav tau. Tsis tag li
xwb, kuv kuj hais npliag ntau yam lus xws li; Hmoob, Suav, Nyablaj thiab Askiv.
Yog koj xav paub txog kuv tus cwjpwm yamntxwv, koj ntxig nug mus rau kuv tus xibfwb Cuajkhaum
THOJ ntawm UQ. Nws tus xovtooj yog 07 3802 0263.
Daim phiaj CV thiab ntawv pov thawj tom nrog nraum qab.
Cia siab tias yuav tau txais xov zoo los ntawm koj.
Fim koj rau lub samxeeb siab,
Xavtau LIS
58 | P a g e
WB YOG HMOOB – KAWMNTAWV HMOOB 2
N T A W V S I B X Y U A S ( 5 )
567 Blair Ave
ST PAUL MN 55609, USA
Tim 7, 7 hli 2016
Nyob zoo yij Xeevtsim thiab tsevneeg,
Txij thaum koj thiab kuv wb tau sib ncaim hauv yeej thojnam Vibnais tuaj mus rau Mejkuj thiab
Auvtaslias yog ib lub caij ntev dhawv li 20xyoo txwm uas wb tsis tau sib ntsib thiab sib tshau xov.
Hmoov muaj naghmo kuv thiab pojniam tau ntsib koj tus kwv Xeevsawv nkawv ib niam txiv uas nkawv
tuaj ncig teb tsham chaw txog rau ntawm Sydney Opera House uas yog thaj chaw deev siab rau tsoom
neeg ncig ntuj ncig teb hauv Australia. Uake ntawv peb kuj tau sib yaum mus noj ib pluag mov thiab tau
sib tham tauv pem ntev loo li 2teev. Tham mus tham tuaj nkawv kuj tau piav txog koj thiab tsevneeg rau
wb.
Yawm yij! Sib ncaim ntev loo ua li koj thiab tsevneeg noj nyob licas, muaj tsawg tus menyuam thiab ua
dabtsi? Ntawm kuv thiab tsevneeg sawdaws puav leej noj qab nyob nyab xeeb thiab txhua tus puav
leej leg lajtxheej qavnum txhua nrho. Hais txog menyuam ces wb muaj 3 tug li thaum ub peb nyob
uake. Nimno lawv puav leej tiav txiv tiav niam, muaj poj muaj txiv thiab muaj nyuag txhua. Zoo li tsis
ntev tabsis xeeb ntxwv twb loj hlob puv tsev. Yus ces txawm siv laus tshee hnyo yam lub hnub twb
yuav poob qho.
Fabpeem tau tsevneeg duab no ho xa ib daig tuaj pub saib ua neejmuag vim tseem nco nej cov niam
txiv tub lub qawv rau nruab plawv.
Hauv qab yog kuv li chawnyob, xovtooj thiab vasxob:
100 Eildon ST, PARKRIDGE SOUTH QLD 4125, AUSTRALIA
Xovtooj: 61 7 3972 7777;
Vasxob: yeejtsimvaj@gmail.com
Tos nrhw tias yuav tau txais xov los ntawm koj thiab tsevneeg sai.
Tseem nco,
Dab laug Yeejtsim VAJ
59 | P a g e
WB YOG HMOOB – KAWMNTAWV HMOOB 2
S A U N T A W V R A U H L U A S N K A U J ( 6 )
Tim 14, 2 hlis 2016
Nyob zoo Nkaujhli,
Zoo siab uas naghmo tau nrog koj txuas lus tim tsevkawm. Qhia koj paub tias, tom qab nrog koj tham
tag, kuv lub plawv pib npau qig qug cuag ua kas, pw tsis tsaug zog noj mov tsis qab, cheem tsis tau
tuskheej thiaj sau tsabntawv no tuaj taug koj kab. Vam tias koj yuav tsis xav licas.
Nkaujhli, txawm koj muaj tus hlub thiab tsis muaj los thov cog phoojywg puas tau? Thov xovtooj thiab?
Tos ntsoov koj cov lus teb!
Nyiag hlub thiab nco,
Muajtsim Lis
S A U N T A W V T E B H L U A S N R A U G ( 7 )
Tim 25, 2 hlis 2016
Nyob zoo Muajtsim,
Hmoob tej tub tus luag lis nyav, thaum nyeem koj tsabntawv tag kuv pib vwm cuag hlwb ntas, haus dej
daig nru noj mov daig dab thiab xav tsawg zaj los kawg yuav teb koj rov qab.
Hais txog tus hlub tseem xaiv tsis tau yog muaj siab cia saus tiag tseem muaj lub hau kev dhau.
Xovtooj: 0432 397 382
Tsis hlub txhob dag,
NKaujhli Tsab
60 | P a g e
WB YOG HMOOB – KAWMNTAWV HMOOB 2
X Y A U M S A U
1 – Tshab txhais #4
Kws khomob:
Lajtxheej:
Kujcuab:
Hais npliag:
2 – Lus nug
(a). Xavtau tshajlij dabtsi?
(b). Xavtau paub tsawg yam lus?
(c). Xavtau kawm ntawv tiav qib twg?
3 – Sau 5 yam loj tseemceeb ntawm zaj lus kawm #4
1.
2.
3.
4.
5.
4 – Sau 150 lo lus txog “koj tsabntawv”
61 | P a g e
WB YOG HMOOB – KAWMNTAWV HMOOB 2
K E E B K W M D A B N E E G H M O O B Q E E Y A M
Yog yuav ntos piav txog Hmoob li lijxwm keebkwm
mas muaj ntau lub qhov tshwm. Cia muab zuag
zuaj qee yam muaj nuj nqis los qhia tej tub ntxhais
ki. Tus zeemmuag yog xav kom tej menyuam
thiab haiv Hmoob txawj sib haub sib khi ua ib cuab
ib yig zoo yam lub hnub hli sib pab ci kaj tshav rau
daim av thiab toj roob hau hav yug cawm nroj
tsuag hlav.
L U B N P E H M O O B ( 1 )
Xyov tem qhov tseeb lub npe “Hmoob” losyog
“Peb Hmoob” ncau tshwm los qhov twg? Tej laus
thaum ub tsis txawj ntaub tsis txawj ntawv losyog
tej zaum lawv kuj ho txawj ntawv tabsis tau raug
txwv los ntawm Huabtais Suav tsis pub Hmoob
thiab lwm haiv neeg tsawg siv lawv tej ntaub ntawv zwm ceev khaws lawv li txujci puavpheej keebkwm
qhov tseeb tseg qhia rau tej xeeb leej xeeb ntxwv. Qeeyam uas tau hnov ces tsuas yog tej laus hais
tawm ntawm lub ncauj tshwm ntawm lub ntswg ib txheej dhau ib tis xwb. Tsam puav qee tug hais tau
tshaj losyog luv lawm los kuj muaj.
Txawm licas los dabneeg Hmoob tau hais tseg tias:
Chiv keeb thaum lub hauv paus ntuj tsim teb xeeb xeeb tau Hmoob Poj thiab Hmoob Yawm rau saum
daim av luaj pua uas ntev tuaj yug tau 3 kwv tij. Thaum 3 kwv tij loj hlob tiav hlaub tiav txiv ces lawv
thiaj xav tau ib lub tswv yim tias, cia muab lawv hu ua “Peb Hmoov”. Peb hmoov txhais tias, 3 txoj
hmoov zwm uake. Ntev los tom qab no Hmoob txawm muab los lus tias “Peb Hmoov” no hu siav npe
ua “Peb Hmoob”.
L i s T x a i s K e e b k w m V i b n a i s
Kwv yees li hauv xyoo 1982, LIS Txais uas yog thawj tswj saib
xyuas keebkwm thiab kev cai dab qhuas Hmoob nyob rau hauv
lub yeej Thojnam Vibnais, xeev Loei, Thaibteb, tau puab ib tug
txoov mlom peb lub taubhau tseg. Qhov ntawv taw qhia rau tej
tub ntxhais ki tias yog “Peb Hmoov” losyog “Peb Hmoob”.
VWJ Zoovtsheej, YAJ Ntxoovyias thiab Txivplig Nyiajpov
(Fr. Yve Bertrais) “Haiv Hmoob Livxwm”, ho ntsuam tshawb
tau tias:
62 | P a g e
WB YOG HMOOB – KAWMNTAWV HMOOB 2
Suav txij li peb Hmoob tiam neeg los txog rau lub zwj ceeb no ntshe yuav muaj li ntawm 6000 xyoo.
Hmoob txheej laus thaud yog thawj pab uas tau nkag mus rau txoj kev txawj ntshe twjlij vammeej. Li
ntawv thiaj tseem hnov tej laus hais tias, “Hmoob txoj kev txawj ntse txheej laus thaum ub ci ntsa iab”.
Lub cim hais txog “Peb Hmoob” txujci puavpheej ces yog Txiv Yawg (Chi You) tsim tsa “Peb Hmoob”
lub Kujcuab sawv.
Txiv Yawg yog Hmoob txheej tshoj thaum ub thawj tug Yawgkoob thiab Huabtais uas loj thiab muaj
koob nto npe tshaj. Kwvyees li 6000 xyoo los, Txiv Yawg tau coj haiv Hmoob los tsim zej zog thiab ua
liaj ua teb cog qoob cog loo nyob rau suam av ntug dej Tshajcab thiab Dej Haijhuj (Houei Hu) hauv
Suav daim av uas ntseeg tau tias thaum ub yog Hmoob Pojyawm kav.
Hmoob lub “Kujcuab Cuaj Lig Ntuj” yog ib lub Kujcuab uas tau raug tsim los ntxov tshaj plaws nyob rau
lub qab ntuj. Txiv Yawg tau sau cov suam teb chaws nyob ntu dej Tshajcab thiab dej Haijhuj los nyob
rau hauv nws qab hwj chim thiab thiaj tau tsim muaj “Peb Hmoob Cuaj Lig”. Lub npe Cuaj Lig yog 9 pab
neeg sib sua koom txoos uake. Ib lig yog 9 pab kwv tij sib zwm loos uake. Cuaj Lig yog 81 pab kwv tij
uas Huabtais Txiv Yawg yog tus thawj. 81 leeg ntawv yog 81 tus thawj coj ntawm lawv cov pab pawg.
Dhau li Kujcuab “Hmoob Cuaj Lig Ntuj” uas Huabtais Txiv Yawg tsim tsa lawm tseem muaj dua lwm lub
npe hu ua Gu San Miao (Kujcuab Peb Hmoob). Lo lus tias San Miao Guo yog Peb (3) Hmoob thiab Jui
Li Guo yog Hmoob Cuaj Lig Ntuj muaj chaw sib nqi, xws li;
1. Hmoob Cuaj Lig Ntuj thiab Peb Hmoob puav leej yog Hmoob tsa.
2. Hmoob Cuaj Lig Ntuj yog sau 81 pawg kwv tij Hmoob los ua ib Kujcuab.
Muaj ib phau ntawv hu ua Hai Wai Nan Jing tau sau tseg tias:
Lub Kujcuab “Peb Hmoob” yog nyob ntawm tus ntug dej Ntshav Zi Shui sab hnub tuaj. Cov pej xeem
San Miao (3 Hmoob) nyiam qhuas heev. Lo lus San Miao kuj muaj ib txhia hu ua San Mao.
Qhov tseeb lo lus “Miao” los “Mao” cov ntawv Suav txheej thaum ub nyeem ob lo lus no ua tib lub suab
xwb. Lub suab Miao tsuas txawv me ntsis Mao xwb. Hos lub npe Miao thiab Mong tsuas yog txawv li
Yaj thiab Yeeb xwb. Lub suab hais sis tiamsis lub ntsiab tseem thooj.
Dhau li ntawd, nyob rau keebkwm sawdaws yuav pom tau tias muaj dua ib tiam tshiab mas cov haiv
neeg tej npe kuj raug hloov lawm thiab. Xws li; nimno haiv neeg Suav lub npe hu ua “Han” los vim lub
hauv paus thaum ub muaj ob tug hu ua “Yeebtim” thiab “Fajtim” tau tsa muaj Huabtais Ham Tshoj.
Nimno Hmoob rov hu Hmoob ua “Peb Hmoob” los twb yog txheej laus thaum ub Huabtais Txiv Yawg
tsa Hmoob lub Kujcuab hu ua “Peb Hmoob”. Li ntawv lub npe “Peb Hmoob” yog los qhov no los.
Yog yuav piav txog Huabtais Txiv Yawg mas muaj ntau phau ntawv thiab ntau tus kwstxuj tau sau xyav
txog yam zoo thiab phem ntawm Txiv Yawg tiamsis yuav tsis muab tham kom ntxaws. Cia muab
Hmoob tus kwstxuj hu ua Sij Paa Thaaj (Shi Ban Tang) lub xeem YOOSXWM hauv xeev Fuj Naj zaj
kwv txhiaj chiv keeb huam yuaj (Xiang Shan Xiang Nian) sau qhuas txog Txiv Yawg rau sawdaws tau
nyeem li hauv qab:
63 | P a g e
WB YOG HMOOB – KAWMNTAWV HMOOB 2
Txiv Yawg yog Hmoob thawj tus Huabtias, sim neej tsis txawj ntshai.
Txiv Yawg ntse tsis muaj twg piv tau, nws lub cev xws li hlau.
Txiv Yawg tshuab ib khawv, toj roob hauv pes ya sis zawv.
Txiv Yawg qw ib suab, deeg txog hnub qub puag ntuj ntsuab.
X Y A U M S A U
1 – Tshab txhais
Peb hmoov:
Txiv Yawg:
Livxwm:
Peb Hmoob cuaj lig:
San Miao:
2 – Lus nug
(a). Lub npe Hmoob tshwm los licas?
(b). Lo lus Miao losyog Mao puas muaj ntsiab
lub sib thooj?
(c). Listxais tus txoov mlom peb lub taubhau
qhia txog dabtsi?
3 – Sau 5 yam loj tseemceeb ntawm zaj lus kawm
1.
2.
3.
4.
5.
4 – Sau 150 lo lus txog “yam koj kawm tau los ntawm Hmoob lub npe”
64 | P a g e
WB YOG HMOOB – KAWMNTAWV HMOOB 2
H M O O B L U B X E E M ( 2 )
Kev tshawb fawb tooj hmab taug hlua txog Hmoob lub xeem los kuj tseem ua xyemxyav paub tsis
ntxaws. Txhua yam tau khaws ces tsuas yog txheej laus hais ua dabneeg rau sawdaws. Txawm licas
los xij, tos ho muaj lub paj tawg txi lub txiv los twb yog muaj lub hauv paus ua keeb chiv.
Tej laus hais dabneeg tias:
Yav thaum ntxov ntuj raug teb tsim tsim tau Nkaujntsuab thiab Nraugnab losyog Hmoob Niam thiab
Txiv rau lub tiaj nrag. Dhau ntawv Nkaujntsuab thiab Nraugnab ho sib sau ua neej ces txawm yug tau
12 leeg tub uas tau muab tis npe hu ua VAJ, TSAB, LIS….. Thaum cov tub hlob loj tiav txiv ces lawv 12
leeg tub thiaj los tuav 12 lub luag lajtxheej qavnum li nram no:
Tus Npe Tuav lajtxheej qavnum
1 LIS Lis tuamthawj (yog tsoomfwv)
2 VAJ Vaj hwjhuaj (tsoomfwv saib fab khomob)
3 TSAB Tsab kavcai (tsoomfwv saib fab kev cai lijchoj)
4 YAJ Yaj ntomoo (tsoomfwv saib fab txawv tebchaws)
5 MUAS Muas tswjfwm (tsoomfwv saib fab pejxeem)
6 XYOOJ Xyooj tsachij (tsoomfwv saib fab tivthaiv tebchaws)
7 THOJ Thoj tuavruaj (tsoomfwv saib fab kev noj haus)
8 LAUJ Lauj yeebyam (tsoomfwv saib fab kev cai dabqhuas thiab homkhaj)
9 KOO Koo xavhais (tsoomfwv saib fab xovtooj cua)
10 KWM Kwm khawscia (tsoomfwv saib fab nyiaj txiag)
11 HAWJ Hawj xavtau (tsoomfwv saib fab ntaub ntawv)
12 VWJ Vwj xavzoo (tsoomfwv saib fab kho kev mus los sib cuag)
Tej laus ib txheej hais dhau tis thiab kho sau los ntawm Adam LEE (Commandant LEE Ong), “Dabneeg
& txujci Hmoob 1999, AUSTRALIA”.
Muab tshawb ntsuam taug tus cag hlav mas thaum ntej tsuas muaj 12 lub xeem li saum toj xwb, tiamsis
kov ntev los tom qab no qee pab kwvtij tsawg ho txia mus ua 6 lub xeem ntxiv, xws li; xeem
Phab/Tswb/Khab/Ham/Tsheej/Faj. Tsis tag li xwb, cov hluas lub zwj ceeb no ib txhia kuj tau pauv lawv
lub xeem mus ua lawv txiv lub npe raws li Mabdawb, piv txwv, Lojhauv xeem VAJ pauv mus ua Lojhauv
Tswvkaub (Tswvkaub yog Lojhauv txiv lub npe).
Ho tig ntsuam txog Hmoob lub xeem yav Tuamtshoj mas Hmoob kam muaj ntau dua li ntawm ibpuas
tawm lub xeem.
Raws li nyeem saib daim phiaj teev saum toj ntshe yuav tsis yog cuav vim tseem pheej hnov thiab pom
txheej laus nimno ntos txog 3 lub xeem, xws li; VAJ, TSAB, LIS nyob rau txhua zaus thaum tej laus khi
tes losyog txheev khawv koob. Tej laus ntseeg tias, 3 lub xeem no yog 3 lub xeem uas muaj txujci
65 | P a g e
WB YOG HMOOB – KAWMNTAWV HMOOB 2
hwjhuaj losyog leg lajtxheej qib siab uas yuav pov puag tau tsoom Hmoob uas tsis hais neej dab los
yeej ntshai thiab hwm hawm nyob rau yav ntuj thaum ub.
Khwvhuam Hmoob pojkoob yawmtxwv hais ntxiv tias:
Thaum ub Hmoob yeej yog nrhau hlav loj hlob los ntawm tib tsevneeg uas Hmoob ib txwm sib hlub
thiab sib pab heev. Txhua zaus thaum Hmoob thiab Suav tau muaj kev sib tawm tsam txog ciam dej
ciam av Hmoob yeej yog tog yeej vim Hmoob yog ib tsa neeg uas thooj siab koom ntsws tshaj. Thaum
huab tais Suav pom tau tias, yog tsis nrhiav ib lub niam tswv yim los txov txo kujcuab Hmoob mas tsam
muaj ib hnub lub tebchaws Suav ho poob mus ua Hmoob tug. Thaum no huab tais Suav thiaj haub
ntxias Hmoob tias, kom Hmoob muab lub npe pauv mus ua lub xeem li haiv neeg Suav xwv tej
menyuam thiaj pom qab sib yuav. Hmoob tsis nco xeev ras txog Suav lub tom txwv rooj ntxiab txawm
cia li tau ua li Suav hais. Txij ntawv los ces Hmoob txoj kev sib raug zoo sib hlub cia li tsuag zuj zus
lawm, piv txwv, muaj koj pab kuv pawg losyog cais koj yog koj kuv yog kuv koj yog lub voj kuv yog yav
hnyuv.
X Y A U M S A U
1 – Tshab txhais
Tuamtshoj:
Xovtshoj:
Hwjhuaj:
Txujci:
Khwvhuam:
2 – Lus nug
(a). Hmoob lub xeem tshwm sim los licas?
(b). Vim licas Suav thiaj kom Hmoob muab lub
npe pauv mus ua lub xeem?
(c). Uacas txheej nimno pheej tseem siv Vaj,
Tsab Lis txhua zaus muaj kev khi tes losyog ua
khawv koob?
3 – Sau 5 yam loj tseemceeb ntawm zaj lus kawm
1.
2.
3.
4.
5.
4 – Sau 150 lo lus txog “puas tsim nyog Hmoob sibhlub?”
66 | P a g e
WB YOG HMOOB – KAWMNTAWV HMOOB 2
N P O J P O B , P O G N T A U B Y A W G N T A W V ( 3 )
Hmoob tau los zwm txoos ua ib sob tau ntau pua xyoo los
vim Hmoob nyob muaj fajtim huabtais, muaj zoo ib lub
lujxeeb thiab muaj liaj ia tebchaws. Kwv yees li 900 xyoos
dhau los Hmoob tau muaj ob tug thawj hau hu ua
Pogntaub Yawgntaub, Pogntawv Yawgntawv Yaj thiab
ob tug thawj tubrog hu ua Liajdawb thiab Ntxoovdoog.
Ua ntej losyog uake rau thaum Pogntaub Yawgntawv thiab
Liajdawb Ntxoovdoog lawv kav ntug mas muaj Hmoob ib
tug ntxhais hu ua Muamnkaujsee uas yog ib tug ntxhais
muaj peevxwm txog fab muab ntaub ntxuaj tau xubvos
losyog maustxwv ya.
Lawv kav ntuj los tsis ntev txawm muaj Suav txom fav tuaj
txeeb txhav Hmoob li nrim dej nrim av ntau zaus los Suav
puav leej yog tog swb puas tsuaj. Suav saib tsis qoos tes
Suav thiaj lam dag kom sawdaws tseg fab kev sib ntaus sib tua thiab kom sawdaws los nyob thooj zej
koom zos. Thaum no Suav txawm ntsuam nrhiav Suav haiv neeg tag nrho tau ib tug tub hluas zoo
nraug tshaj plaws tuaj ntxias tham Muamnkaujsee uas txog rau qhov Muamnkaujsee nkawv tau swb
dua cev hais dua lus ces nkawv txawm sib yuav. Suav yuav Muamnkaujsee mus tau 3 xyoos ces Suav
txawm khawb tau ib lub qhov tob txij caj dab ces Suav txawm muab Muamnkaujsee pav ciaj faus sawv
ntsug rau hauv lub qhov. Suav pib txhub av hauv kotaw los txog rau Muamnkaujsee lub cajdab ces
Suav thiaj nug tias, Hmoob lub lujxeeb nyob qhov twg? Ua mus ua tuaj Muamnkaujsee thiaj qhia
Hmoob lub lujxeeb rau Suav ces Suav mam muab Muamnkaujsee tua. Thaum no Suav civ tov civ yam
tuaj nyiag Hmoob lub lujxeeb txog rau thaum plam rau Suav tes ces Suav thiaj rov tig loo ua rog raws
Hmoob txog rau qhov Hmoob swb tebchaws. Thaum no Liajdawb Ntxoovdoog nkawv tau pheej hmoo
tiv thaiv Hmoob txog rau thaum cov Hmoob hla dhau dej liab los mus rau sab ub ces nkawv thiab ib
tsoom tub rog thiaj mam raug Suav txov suaj kaum rau ntug dej liab sab tid.
Ob tug hau nom uas coj tau Hmoob los mus rau dej liab sab ub thiab khiav tho toj lug pes peem siav
tuag los txog rau teb chaws Xovtshoj ces yog Pogntaub Yawgntaub Pogntawv Yawgntawv vim li no
tsawg xeem Hmoob los thiaj hais tias, peb pogsuab yawgsuab ces yog Pogntaub Yawgntaub Pogntawv
Yawgntawv. Qhov tseeb tiag nkawv tsuas yog Hmoob ob tug thawjnom uas coj tau haiv Hmoob dim
txoj kev phomsij hauv kev tuag los xwb.
Txij ntawv los rau tom qab no, Hmoob Xovtshoj hais kwv txhiaj tag mas yuav tsum xaus rau lo lus tias,
“chim/cim lub lujxeeb losyog chim lajxeeb”. Nws txhais tias, Hmoob chim rau lub lujxeeb uas plam
rau Suav tes es Hmoob thiaj swb Suav rog thiab Hmoob cim Hmoob lub lujxeeb cia. Limchij li ntawv
Hmoob Xovtshoj thiaj pheej muab khaub hlab los xaws lub npoj pob pov ua chaw cim xeeb txog Hmoob
67 | P a g e
WB YOG HMOOB – KAWMNTAWV HMOOB 2
lub lujxeeb uas tau poob rau Suav tes. Lub lujxeeb ces loj thiab zoo nkaus li Hmoob lub npoj pob pov
nimno.
Qhov txawv tias cas Hmoob Suav ho tsis pov pob mas vim tias, yog Hmoob Suav pov pob ces Suav
yuav ntaus nqi tias, Hmoob tseem nco Hmoob lub lujxeeb heev ces Suav yuav rov ua rog rau Hmoob.
Muab los ntawm Txoojsuav Vaj, Avliab, Laos.
X Y A U M S A U
1 – Tshab txhais
Lujxeeb:
Chim lujxeeb:
Pogntaub Yawgntawv:
2 – Lus nug
(a). Liajdawb Ntxoovdoog nkawv muaj txiaj
ntsim licas rau Hmoob?
(b). Vim licas Hmoob Xovtshoj ho pov pob?
(c). Cas Hmoob Suav ho tsis pov pob?
3 – Sau 5 yam loj tseemceeb ntawm zaj lus kawm
1.
2.
3.
4.
5.
4 – Sau 150 lo lus txog “yam koj kawm tau los ntawm lub npoj pob”
68 | P a g e
WB YOG HMOOB – KAWMNTAWV HMOOB 2
H M O O B N Y O B T H O O B Q A B N T U J T A G N R H O ( 4 )
Suav phauntawv nthuav feeb txog Suav li kujcuab neeg
xyoo 1990 (census 1990) tau teev tsevneeg Hmoob tseg li
nram no:
Xeev (Zos)
Kuijtsau (Guizhou)
Huna (Hunan)
Yusna (Yunnan)
Xistshuas (Sichuan)
Kuabxib (Guangxi)
Hupai (Hupei)
Dej quas Haimnam
(Hainan Island)
Lwm lub zos me
Pejxeem Hmoob (leej)
3,686,900
1,557,073
896,712
535,923
425,137
200,702
52,044
43,544
Tagnrho 7,398,035
Ink Hmong Magazine 1997, USA.
Muab zuag zuaj cov tebchaws muaj Hmoob nyob tias coob npaumtwg?
Tebchaws
Suav (China)
Lostsuas (Laos)
Nyablaj (Vietnam)
Asmeskas (America)
Thaib (Thailand)
Maimyama (Myanmar)
Fabkis (France)
Nkisyas (Guiana)
Auvtaslias (Australia)
Khasnasdas (Canada)
Asntseestisnaj (Argentina)
Ntsawsmasnis (Germany)
Nestawslias (Netherlands)
Pejxeem Hmoob (leej)
7,398,035
460,000 (2005)
1,068,189 (2009)
260,000
151,080 (2002)
20,000
15,000
3000
3,517 (2016)
1,600
169
60
28 (2016)
Hmoob thoob ntiajteb tagnrho 9,380,861
Ink Hmong Magazine 1997, USA, https://en.wikipedia.org/wiki/Hmong_people,
Estimates from U.S. Census 2010,
Dr. Nicholas Tapp and Dr. Gary Yia Lee,
Hmong Australia Festival 2015.
69 | P a g e
WB YOG HMOOB – KAWMNTAWV HMOOB 2
T X O J K E V H L U B
Txoj kev hlub thaum zoo mas qab laj siab, thaum phem ces iab li
iab. Txoj kev hlub thaum zoo ces qab li suab thaj, thaum phem iab
cuag tsib nraj.
T X O J H M O O V T S O T U S N E E G K U V N C O ( 1 )
Lojhuam thiab Pajvuam txoj kev hlub tau tshwm sim rau lub zos
Phajluj nroog Mooscab xeev Xiaskhuam tebchaws Nplog.
Lojhuam thiab Pajvuam tau nyob thooj zej koom zos thooj teb
koom chaw rau lub zos Phajluj uas ib sab yog toj kub zeb dawm
kub tsua, hauv nruab nrab raws txoj ntug kev loj yog nras liaj nras
teb tus thiab ib sab yog toj teb roob nqeeb roob tauj. Txhua hnub
ntxov yuav pom ntxim lib, diab, tseev thiab noog liab txia ya quaj
cuag tsi qab vag tsib taug. Tsa muag saib ncig lees lub zej zog
yuav pom tauj khaub rhuab, tauj ntxhw, hav nqeeb, xyoob
puj/tuam tswm, hav txiv yeem, pob zeb pob tsuas, teb npleg, teb pob kws thiab teb liaj puv toj puv hav.
Tawm rooj plaws tseem hnov puj daum dab laug quaj nqaj to tim ntug tsua. Tsaus ntuj yuav hnov qav
liaj quaj qog qees. Phab tsua ntawm sab ntug dej Phajluj yuav pom nas ntab dai daj vog. Hauv tus dej
Phajluj tseem pom ntses khiav zom zaws.
Yuav tsis qhia txog Lojhuam thiab Pajvuam txoj kev hlub tias chivkeeb huamyuaj tshwm sim licas vim
piav ntau ntshav nce taubhau. Lojhuam thiab Pajvuam tau ua nkauj nraug thiab sib hlub yam kawg siab
kawg ntsws loj hlob rau Phajluj txog rau duas nkawv txiav txim siab los sib sau ua ib cuab tabsis hmoov
tsis muaj Pajvuam tus phauj tus tub tau tuaj nqis tsev hais Pajvuam txog rau qhov cov laus txiav txim
siab yuam laub Pajvuam rau phauj tus tub yuav. Thaum ntawv tsis hais Lojhuam losyog Pajvuam tau
nyuaj siab ntxhov plawv, pw tsim tsis xav sawv. Chim siab dhau tsuas hnov mob lub taubhau, mov tsis
nco noj dej tsis nco haus, ntuj kaj nrig los zoo li ntuj tsaus.
Lawv tau tuaj nqis tsev hais Pajvuam tau 3 hnub 3 hmos raws Liajlwg Rhwvmws txoj kab tshoob kev
kos txog rau qhov lawv saws tau Pajvuam mus ua lawv nyab, hos Lojhuam ces nyob nros ntshi de tes
nruj nrho tuaj tom qab.
Xyoo ntawv Lojhuam lub siab lub ntsws zoo li lwj tag thiab nws mob cuag rwj aws ncus, yim xav txog
Pajvuam nkawv txoj kev hlub yim ua rau Lojhuam txoj pa yuav tu. Yim taug nkawv tej qub ke yim ua rau
Lojhuam rov nco nco Pajvuam lub npe. Tawm rooj plaws thiab rov txog vaj los pom Pajvuam tus duab
roos Lojhuam tag, Lojhuam ntsia lub ntiaj teb ua plag nplas. Txawm li ntawv los Lojhuam ua tiag
nyiajntxeem phoj phoj txoj sia los tau ib ntus, txoj kev chim kev tu siab mam xam ploj zuj zus.
Hmoov tsis muaj lub tebchaws Nplog tau poob rau tog sablaug koojsam hauv xyoo 1975 thaum lub 5
hlis ntuj. Thaum ntawv Pajvuam thiab Lojhuam tsevneeg nyias xia nyias huas kev khiav peem siav tuag
70 | P a g e
WB YOG HMOOB – KAWMNTAWV HMOOB 2
plos zoov plos tsuag hauv tebchaws Lostsuas ua neeg thojnam los mus rau Thaibteb. Hmoov muaj
Lojhuam thiab tsevneeg tau tho toj lug dawm los tawm rau Thaibchaw thiab ho tshaulim tuaj mus rau
Meskas hauv xyoo 1978.
Thaum tuaj txog rau Memkuj, Lojhuam tau mus kawm tiav txoj lajtxheej kho tshuab cuatxias (air
conditioning career) thiab tau los ua lajkam thiab yuav poj niam ua neej xws teb xws chaw.
Lub caij nyoog tau ncaim yam tus dej tsis tig rov, nag hmo tau ncaim tsis muaj hnub los. Xav tsis txog
tias, 10 lub xyoo tom qab Pajvuam thiab Lojhuam yuav tau sib ntsib nyob rau Memkuj yam tsis nco
fajseeb. Muaj ib hnub Pajvuam lub cuatxias tuag tsis ua hauj lwm, nws txawm tau tshawb hauv vasab
pom Lojhuam txoj lagluam kho tshuab cuatxias. Nws tsis paub tias yog Lojhuam thiab nkawv ib leeg
yeej tsis paub ib tug tias, ciaj los tuag vim sib ncaim tau ntau dua 10 lub xyoo yam ntuj teb ntsiag moo.
Lojhuam tau mus txog rau tim Pajvuam tsev thiab mus kho Pajvuam lub tshuab tag raws li qhov nws
tau hu Lojhuam. Thaum Lojhuam yuav luag cev tes qhib Pajvuam lub qhov rooj Lojhuam saib tim daim
phab ntsa ua ciav pom nws daim duab luag nyav 10 lub xyoo dhau los dai rau tid. Daim duab ua rau
Lojhuam ceeb ib plhaw thiab xav tias yog tiag losyog npausuav? Lojhuam rov saib dua ib muag thiab
thiaj tsa ncauj nug tias, tus muam! Daim duab no yog leeg twg thiab muab qhov twg los? Nws teb
Lojhuam tias, twb yog kuv. Thaum ntawv Lojhuam mam ua zoo saib nws zoo zoo, nws los kuj mam tsa
muag saib Lojhuam, nkawv ib leeg thiaj rov cim tau ib tug tabsis Pajvuam lub ntsej muag daj tag thiab
txaj muag heev rau Lojhuam {vim nws tus txiv nkawv nyob rau cov tsev ntiav sib npuab (tsev xauj
apartment) me me ti ti yam txom nyem ntsuav; nraum qab tsib taug twb cog tsis tau tsob tauj dub noj;
nws tus txiv los tseem quav luam yeeb, quav dej quav cawv pw lig tsis xav sawv}. Nws cia li muab
Lojhuam tib thawb rau nraum zoov thiab kaw qhov rooj nrov npoog. Nws ua li rau Lojhuam los vim yog
nws lub vaj lub tsev sw zaws, tsw quav luam yeeb thiab cawv ntxiag. Thaum Lojhuam mus kho cuatxias
hauv nws lub txaj yeej tsis paub tias tog twg yog hauvncoo thiab kotaw.
Thaum tsav tsheb rov los tsev Lojhuam nim xav twj ywm tias, ntuj os Pajvuam! Cas koj nim tuaj ua neej
txom nyem ntsuav os tus neeg kuv lub siab tseem daifo, yog muaj hmoo tau koj los ua kuv poj los kho
kuv tsho, sim neej yuav cia koj nyob ntxuav taw sov so es kuv mam mus khwv los rau koj noj. Sim neej
yog lam tau koj los rau kuv puag los rau kuv yuav, ntshe yuav hlub koj tsis dhuav, lub zoo vaj tse los
yuav yuav rau koj nyob thiab lub zoo tsheb caij los yuav peem rau koj kom txhua. Tiam no ntshe yog
npausuav lawm xwb os tus muam! Yeejhuam Vaj Australia
71 | P a g e
WB YOG HMOOB – KAWMNTAWV HMOOB 2
X Y A U M S A U
1 – Tshab txhais
Tshuab cuatxias:
Tsev ntiav:
Phoj phoj:
Siab daifo:
Nqis tsev hais:
2 – Lus nug
(a). Vim licas Lojhuam thiaj tsis tau Pajvuam?
(b). Uacas Pajvuam ho kaw Lojhuam qhov rooj
nrov npoog?
(c). Lojhuam puas qhuvxim Pajvuam thiab yog
Lojhuam tau Pajvuam no nws puas zoo siab?
3 – Sau 5 yam loj tseemceeb ntawm zaj lus kawm
1.
2.
3.
4.
5.
4 – Sau 1000 lo lus txog “koj txoj kev hlub”
K O J P H U A K U V L U B P L A W V ( 2 )
"Tsis muaj dabtsis yuav mob npaum qhov koj muab kuv lub plawv phua kiag tawg ua ob sab ntshav
tsuag laws tawm plaws zoo li cov me dej nag ntws nto ntawm kuv ob lub qhov muag los! Quaj tsis nrov,
yim xav kua muag yim ntws tawv to. Lub neej no koj siab phem tshaj tsis hais tiam no lwm tiam tsawg
tiam los kuv yuav tsis zam txim rau koj".
Lub sij hawm ntawd yog xyoo 1989 uas kuv tau ntsib ib tug tub hluas zoo nraug txawj hais lus npe hu
Lajxeeb. Lajxeeb yog ib tug neeg zoo nraug txawj hais lus ntxim tsis txawj dag, kuv xav tias yog nws
tuaj tham kuv no ntshe kuv yeej kam yuav nws nrog nws koom ib lub neej txog hnub kawg vim pom
xwb twb nyiam lawm. Lajxeeb ua hauj lwm nyob rau ntawm lub chaw ua npe rau tib neeg mus txawv
tebchaws.
Muaj ib hnub kuv tus phauj kom kuv ua nws luag mus ntxiv npe rau tim Lajxeeb lawv qhov chaw ua
hauj lwm, Lajxeeb txawm pom kuv thiab nug tias kuv npe hu licas, xeem dabtsi? Kuv qhia tag ces nws
txawm hais ntxiv tias ib chim tuaj nrog kuv hais lus puas tau? Kuv teb tias tau kawg. Kuv xav tias nws
72 | P a g e
WB YOG HMOOB – KAWMNTAWV HMOOB 2
lam hais dag xwb, tabsis tsaus ntuj nws txawm tuaj tiag. Kuv zoo siab heev thiab xav tias yog tiag los
dag. Tej zaum nws yeej muaj nws hluas nkauj lawm lam tuaj ua si xwb, tabsis dhau ntawd los nws kuj
tau tuaj txhua hmo.
Wb txoj kev hlub kuj loj hlob zuj zus thiab muaj kev sib swm heev tuaj li lawm. Lajxeeb tau hais rau kuv
tias nws tsuas muaj kuv ib leeg xwb, kom kuv txhob siab coob rau nws. Kuv yeej ntseeg txhua lo lus
uas nws tau hais rau kuv. Thaum wb txoj kev plees nkauj nraum zoo heev li no lawm nws tau hais rau
kuv kom kuv swb cev rau nws, kuv teb nws tias cia wb sib tau tso txhua yam yeej yog nws li tag lawm
kom txhob maj. Thaum kuv tau hais li no rau nws ces nws tsuas chim li chim rau kuv xwb thiab hais tias
yog kuv tsis kam ces xam tias kuv tsis hlub nws. Txog thaum kawg kuv tsis xav kom nws chim kuv thiaj
tau hais dua lus swb dua cev kom nws siab nqig.
Lajxeeb tau mus tsev luag ntxhi lawm tabsis kuv txhawj tias ib hnub yog nws tsis yuav kuv ces ntshe
yuav tu kuv siab tag ib sim neej. Dhau no los tau ib ntus kuv tias kom wb sib yuav no los nws tias tos hli
xiab tso, txog hli xiab kom yuav los nws tias sijhawm tsis zoo tos sijhawm zoo tso. Nws dag kuv ib hnub
dhau ib hnub ib hlis dhau ib hlis, tabsis nws pheej tseem tuaj ntawm kuv thiab vim xav siv kuv lub cev
nkauj xwb.
Thaum kawg kuv lub cev kuj tau xeeb tub, kuv hais rau nws los nws tias kuv dag xwb. Hnub hmo dhau
mus cheem tsis tau caij nyoog, kuv lub cev pojniam loj zuj zus tuaj, Lajxeeb mam paub tias kuv cev
xeeb tub lawm tiag. Thaum nws pom li no nws cia li tsis tshua tuaj cuag kuv lawm. Muaj ib hmos kuv
tau hais rau nws tias kom nws cia li coj kuv mus xwb, nws tau hais rau kuv tias, tsis muaj nyiaj, tos nws
tij laug xa nyiaj tim Meskas los tso mam tuaj yuav kuv. Qhov tseeb tiag nws tsis yog tham kuv xwb,
tabtsis tham ib tug ntxhais nyob ntawm lawv tsev, wb ob leeg thooj txhij muaj tus nraug Hmoob siab
dub siab phem no minyuam tib si.
Muaj ib hmos nws tau tuaj hais rau kuv tias, nws yuav qhia ib qho dabtsi rau kuv kom kuv txhob cem
thiab txhob chim rau nws. Nws hais rau kuv tias, nws tau tham ib tug hluas nkauj muaj minyuam lawm
thiab, niam thiab txiv yuav kom nws yuav tus ntxhais ntawd. Kuv tso los nws dim, tua los nws tuag vim
nws tsis xav muaj lub neej muaj niam hlob niam yau kom nyuaj siab yad tom ntej. Thaum kuv hnov nws
cov lus no tag ua rau kuv lub siab phua rhe, ib ce tuag tag tsis muaj zog li lawm. Chim siab npau taws
xav muab nws tua tsuav mos mos los yeej tsis zoo kuv siab li.
Lajxeeb tsis yog rhuav tshem kuv lub siab xwb nws tseem rhuav tshem kuv lub cev hluas nkauj, muab
kuv lub plawv phua rhe ua ob sab, kuv cia li ua tus neeg vwm plaub hau tsis nco ntsis, mov tsis nco noj,
plab tsis nco tshaib, kaus hniav tsis nco txhuam zoo yam tus neeg mob feeb tsis meej pem. Thaum
ntawv kuv xav tias txoj kev tuag ntshe thiaj yuav pab tau kuv lawm xwb. Yog cov laus paub ces lawv
yuav muab kuv tua txhoov pub dev. Tus txiv neej siab phem no hais ntxiv rau kuv tias, kom kuv txhob
73 | P a g e
WB YOG HMOOB – KAWMNTAWV HMOOB 2
mus thawj nws, kuv mus thawj nws ces nws yuav muab kuv rub tawm nraum zoov, yog kuv tuag ces
nws nqa nyiaj tuaj pam kuv xwb, yog kuv nyob twj ywm ces mam nqa nyiaj tuaj kho.
Ua cas tus txiv neej uas ib txwm zoo zoo ntawd nimno nws cia li tig los ua ib tug txiv tsov uas nyaum li
nyaum es txav ze yus thaum twg ces zim hniav zaig yuav tom yus. Nws hais ntxiv tias, yog nws tsis dim
kuv ces nws yeem mus dai tuag. Lub sijhawm no ua cas kuv cia li yog zoo li ib tug poj dab uas nws
ntshai tshaj plaws. Thaum kuv paub li no kuv xav tias tsis tsim nyog tuag rau tus txiv neej siab phem no
lawm, kuv muaj nws ib nplooj siab lawm los cia kuv mam yug thiab kuv mam hlub thiab tu tus minyuam.
Muab xav los ntshe yog vim kuv txoj hmoo yeej los li no. Tsis ntev tom qab lawv kuj coj nyiaj tuaj kho
kuv, kuv txiv lawv cem kuv heev tabsis vim yog lawv yug ces lawv cem tas los lawv kuj hlub kuv li qub
thiab.
Txoj hmoo muaj kuv kuj yug tau ib tug metub ntxim hlub, nws kuj loj hlob plhis plho yam tsis muaj mob.
Wb ob niam tub tau tuaj nyob nros ntshi rau lub tebchaws vammeej los muaj hmoo kuv tus metub kuj
tau mus kam ntawv tiav ua ib tug kwstxuj khomob ua hauj lwm ntawm ib lub tsev khomob loj nyob rau
ntawm ib lub xeev uas Hmoob nyob coob tshaj nplaws. Txij hnub ntawd los txog hnub no kuv yeej tsis
tham ib tug txiv neej Hmoob ntxiv li lawm vim kuv xav tias ntshe txiv neej txhua tus siab yuav phem ib
yam nkaus.
Rov qab los tham txog tus txiv neej siab phem ntawd, nws tau yuav tus viv ncaus Hmoob uas muaj nws
minyuam nrog kuv uake ntawd thiab nkawd ob niam txiv tau tuaj mus nyob rau tebchaws Auvtaslias
lawm. Tom qab no nws tus poj niam nkawd kuj tau sib nrauj lawm thiab vim txoj kev tham hluas nkauj
coj tus cwj pwm li yad thaum hluas. Tsis ntev tag los no nws nug tau kuv xov tooj ntawm kuv ib tug
phauj uas nyob teb chaws Auvtaslias, thiab nws tau hu xovtooj tuaj nrog kuv tham ib zaug. Thaum nws
hu tuaj, nws hais tias, nws xav nrog kuv tham? Kuv nug nws tias koj yog leej twg? Nws teb kuv tias,
nws yog kuv ib tug zoo phooj ywg yad tag los thaum ub lawm xwb. Kuv hais rau nws tias, yog koj tsis
qhia tias koj yog leej twg ces kuv yuav tsis nrog koj tham. Thaum kawg nws ua tsis tau tes nws thiaj li
qhia rau kuv tias, nws yog Lajxeeb (tus txiv neej siab dub siab phem uas tau muab kuv tso pov tseg
thaum nyob Thaibteb). Nws thov kom kuv zam txim rau nws tej yam uas nws tau ua txhaum dhau. Nws
txawm tau ua phem nrog kuv lawm los thaum ua nkauj ua nraug wb yeej muaj qhov zoo thiab kom kuv
zam txim, txhob xav yad tag los lawm.
Kuv tau hais rau nws tias, thov kom txhob hu xovtooj tuaj thab plaub lawm, vim wb ces twb tag rau 30
xyoo dhau lawm. Nij hnub no kuv tsis muaj ib tug phooj ywg hu ua Lajxeeb lawm. Lajxeeb ces twb tuag
tau 30 tawm xyoo dhau mus lawm. Thaum kuv hais li rau nws ces nws ua txuj quaj quaj thiab hais tias
txawm licas los nws twb cog tau ib nplooj siab rau kuv lawm, tsis xav ntawm kuv los kom xav ntawm tus
minyuam. Tej lus nws hais yeej tseem tsis tau tag tabsis kuv cia li muab lub xovtooj khwb kiag cia.
Txoj kev khaum tau caum cuag nws lawm, tus viv ncaus ntawd los tsis yuav nws, ntawm kuv los nws
plam, nimno nws ua lub neej ncav tsis cuag ob tog.
74 | P a g e
WB YOG HMOOB – KAWMNTAWV HMOOB 2
Licas los xij, tom ntej no kuj tsis paub tias dabtsi yuav tshwm sim mus ntxiv vim kuv tus metub sij nij
hnub nug kuv tias nws txiv yog leej twg? Nws txiv nyob qhov twg? Nws txawm kawm ntaub ntawv siab
npaum cas los nws xav muaj txiv li luag tej thiab. Chim puav tej yam no tau ua rau kuv lub hlwb khiav
rov qab rov quav tsis paub xyov yuav ua licas?
Li ntawv los, kuv tau txiav siab tu nrho tias, tus txiv neej limhiam siab dub siab ntais ntuj uas tau phua
kuv lub plawv puas ntsoog ntawd ces tag li no lawm xwb. Tsis hais tiam no lwm tiam tsawg tiam los
yuav tsis ntsib nws ntxiv lawm! Muab los ntawm Nyiaj Nkaub Xyooj www.3haivhmoob.com
N C O T X O G H N U B T U A G ( 3 )
Toj Tsua Dawb yog ib lub zos muaj pob zeb pob tsuas vij ob sab, thaum sawv ntxov koj yuav pom hnub
tuaj ci ntuas nas noog quaj zom zaws kho siab khuav. Lub zos no yog qhov chaw tshwm sim txoj kev
hlub tias" Nco Txog Hnub Tuag".
Kuv tau ntsib Maivyeeb thaum xyoo 1974 - 1975 nyob rau lub zos Tiajtsuadawb tebchaws Lostsuas.
Lub sijhawm no nws muaj hnub nyoog li 15 xyoo hos kuv muaj li ntawm 16 xyoo. Lawv lub tsev nyob
tsis deb pes tsawg ntawm peb. Wb yeej loj hlob los uake tabsis tsis xav tias muaj ib hnub yuav ua nkauj
ua nraug li. Maivyeeb wb nij hnub mus kawm ntawv ib lub tsev kawm tabsis koj yeej tsis hais lus rau
kuv hos kuv los yeej tsis hais lus rau koj li tabsis hnub ntawv cuag li lub ntuj rub wb txoj kev nkauj nraug
los mus uake kom wb sib hlub. Sijhawm thaum rov los tsev, Maivyeeb ua ntej hos kuv lawv qab ces kuv
txawm pom ib tug mem poob ntawm kwj ha, kuv khaws tau thiab xav tias tej zaum yog nws tus. Kuv
nqa khiav khiav los thiab hu tias: "Koj tos tso", nws teb kuv tias ua cas? Kuv hais rau nws tias, khaws
tau ib tug mem ntawm kwj ha tsis paub tias puas yog koj tus? Maivyeeb saib saib nws cov tag ces
txawm teb tias yog kawg mas ua tsaug nawb. Kuv teb tias tsis ua cas os. Dhau no kuv txawm hais rau
nws tias thov ua phooj ywg puas tau nab? Nws tias tau kawg mas. Kuv txawm hais ntxiv tias, puas kam
ib chim tuaj nrog koj tham? Maivyeeb teb kuv ntxiv tias, tsum kiag tsam nej cov hluas nkauj cem kuv
ov. Kuv thiaj hais rau nws tias kuv tsis muaj hluas nkauj os. Wb txawm nyias los nyias tsev lawm.
Hmo ntawd kuv tau mus nrog nws tham thiab txij ntawd los wb sib swm zuj zus ib tug tso tsis tau ib tug
tseg li lawm. Hnub twg yog nws mob losyog tsis khoom tuaj lawm mas kuv saib lub ncauj ke ua zog
koog. Hnub twg kuv tsis mus los nws yeej zoo ib yam li ntawd thiab. Vim txoj kev hlub uas ib tug tseg
tsis taus ib tug wb tau cog lus tias noj 30 xyoo 1974 txuas 1975 ntawd wb mam sib yuav, tabsis tsiab
30 xyoo ntawd kiag xwb Hmoob tuaj zij kuv tus muam lawm ces kuv txiv lawv cheem kom kuv muab
ncua tseg ib ntus tso. Thaum no Maivyeeb los quaj kuv los quaj tsis paub tias xyov puas yuav sib tau
vim lub tebchaws ua voj ua viag muaj tsov rog qhov txhia chaw. Tau kiag 5 lub hlis tom qab xwb peb
tau tawg tebchaws. Kuv tsevneeg tau khiav tuaj mus rau Thaibteb thiab hla tuaj rau sab Meskas lawm.
Lub siab mas quaj dhi kho siab khuav noj tsis qab pw tsis tsaug zog. Yim xav txog Maivyeeb yim ua rau
75 | P a g e
WB YOG HMOOB – KAWMNTAWV HMOOB 2
kuv feeb tsis meej hos nws los ntshe yuav zoo ib yam nkaus li kuv thiab.
Kuv lam tuaj txog rooj teb Meskas no xwb los kuv yeej tsis yuav pojniam li vim kuv tsis pom ib tug yuav
zoo li nws, yuav hais lus haum kuv, thiab tus me ntxhiab yuav tsw li nws tus. Nyob rau xyoo 2002 tag
los ntawd kuv tus kwv wb tau mus rau tebchaws Lostsuas, rov mus saib tej qub phooj qub ywg thiab tej
qub zej qub zog, wb ncig ntau qhov chaw tag lawm ces wb mam li ho los rau Lav 52. Thawj hnub wb
mus noj 30 rau ntawm tshav pob Lav 52, wb tau pom ib tug ntxhais zoo nkauj heev li tuaj pov pob, kuv
tus kwv nyiam heev wb thiaj mus nug nrog txuas lus. Wb tau pov pob ib pliag thiaj nug tias ua li nws
txiv npe hu licas, lawv nyob puas deb ntawm tshav pob no thiab? Tus ntxhais no qhia tias nws txiv hu
ua Nyiajhuas tabsis tau tag sim neej li 7-8 xyoo los no lawm. Kuv nug ntxiv tias ua li koj niam puas tuaj?
Wb xav mus saib nej tsev thiab. Nws thiaj teb tias, kuv niam tuaj kawg yog tus kwv kaus liab saib
Hmoob hais kwv txhiaj nrad, yog neb xav nrog kuv niam tham no kuv mam mus hu los.
Thaum tus ntxhais hluas nkauj no hu tau nws niam los txog, thiaj hu wb tias, nyob zoo ob tug metub,
neb tuaj Meskas teb tuaj lod? Kuv teb tias, yog kawg. Tus niam tais no nug ntxiv tias, thaum ub nej
nyob lub zos twg ob tug tub? Kuv teb nws tias, thaum ub peb nyob lub zos Tiajtsuadawb xyov nej puas
paub li os phauj. Kuv lam muab nws hu ua phauj vim tsis pom qab hu licas. Ces nws txawm nug ntxiv
tias, nej nyob lub Zos Tiajtsuadawb no ua li koj niam koj txiv npe hu licas? Kuv qhia kuv txiv npe rau
nws tag ces nws nug tias, ua li koj yog tus tub npe hu licas? Kuv hais rau nws tias kuv yog tus hu ua
Tubtxos. Thaum kuv teb tus niam tais no cov lus tag xwb ces kuv cia li pom nws ob lub kuamuag ntws
kiag ntawm sab plhu los thiab nws quaj li quaj xwb ua rau kuv ntshai tag li tias ntshe kuv txhaum plaub
lawm los ua cas zaum no.
Kuv thiaj tau nug tus niam tais no tias, koj quaj dabtsi os phauj? Tsis yog kuv hais lus siab koj lawm los
thov zam txim nawb mog. Nws tsis teb li, nws nres ib pliag thiab thiaj teb kuv tias, koj yeej tsis paub kuv
li lawm puas yog Tubtxos? Kuv teb tias, kuv tsis paub koj lawm es koj ho yog leej twg os phauj? Nws
thiaj li hais rau kuv tias, Tubtxos! Kuv yog koj tus Maivyeeb, koj puas tseem nco tau tus Maivyeeb uas
koj tias koj ib txwm hlub nws. Koj tus Maivyeeb uas nyob ntawm lub zos Tiajtsuadawb nas. Nws
paub lawm vim kuv qhia kuv npe thiab kuv niam kuv txiv rau nws hos kuv tsis paub nws vim nws laus
tsis zoo li tus thaum ub lawm. Thaum sijhawm Maivyeeb tau hais cov lus no rau kuv ces kuv mam li
quaj thiab mus tuav nkaus nws sab tes tias, puas yog koj os Maivyeeb? Yog tiag los npausuav wb
nyias laus nyias tag lawm. Lub sijhawm no yuav luag tagnrho cov niag Hmoob hauv tshav pob cia li los
ntsauv wb ob leeg. Muaj tej tug lawv kuj nrog wb quaj vim wb ua tau tu siab heev.
30 tawm xyoo hnub no kuv rov ntsib tus neeg kuv hlub los kuv twb laus tag, plaub hau do tag tsis zoo li
tus qub thaum xyoo 1974, hos Maivyeeb ces laus tag tawv nqaij ntsws tsis zoo li tus qub lawm thiab.
Txawm yuav zoo li no los ob leeg yeej zoo siab tias rov ntsib tus neeg yus ib txwm hlub ib txwm nco.
Tus neeg laus txawm hloov cev nqaij lawm los wb ob lub siab tsis tau hloov. Maivyeeb hais rau kuv
tias, kuv lam mus ua neej lawm xwb kuv lub siab lub ntsws yeej nyob ntawm koj los txog hnub no, tab
76 | P a g e
WB YOG HMOOB – KAWMNTAWV HMOOB 2
txawm tias kuv tuag lawm los tiam no kuv zoo siab vim tau ntsib tus neeg kuv hlub lawm os mog. Kuv
tau muab kuv ob sab me tes los so nws lub kuamuag thiab plhws lub taubhau kom txhob quaj lawm.
Thaum ntawv saib sab twg los neeg los ntsia wb coob dhau yog li kuv thiaj kom Maivyeeb tus ntxhais
coj peb mus tim Maivyeeb tsev. Wb tau nrog nkawd ob niam tub mus tsev mas kuv yim xav yim nco
thiab qhuv xim ib tug neeg uas kuv tau hlub hlub mus lawm.
Thaum mus txog tim Maivyeeb tsev, nws ntes tau ob tug qaib los tua rau kuv tus kwv wb noj nyob rau
hmo ntawd. Noj mov tag ces wb tau rov los pw tom tsev tosqhua lawm. Kaj ntug tagkis, peb tau rov sib
ntsib nram tshav pob dua. Kuv tau hais rau Maivyeeb tias, wb mus yos ntau qhov chaw los wb lub caij
lub nyoog txog ces tagkis xwb wb twb yuav tau rov mus Meskas teb lawm. Nyob nco txog kuv thiab
mog. Ua li koj puas kam nrog kuv mus nyob Meskas teb? Kuv tsis yuav pojniam los txog hnub no twb
yog vim koj xwb. Nws thiaj teb tias, kuv laus lawm kav tsij mus nrhiav ib tug hluas hluas kom phim koj
mog. Kuv mloog mas nws yog tus thaum ub kuv ib txwm hlub xwb. Kuv thiaj hais rau nws tias, tiam no
yog tsis tau koj kuv yuav tsis yuav pojniam mus ib sim neej cia fab lwm tiam seb puas tau koj lawm
xwb?
Thaum kuv hais cov lus no tag Maivyeeb thiaj tias, koj nim hlub kuv npaum ko ntag? Kuv teb nws tias,
kuv hlub koj npaum no mas. Kuv cog lus rau nws tias, kuv rov los txog Meskas kuv yuav ua ntaub
ntawv los tos kom tau koj mus nrog kuv nyob. Txawm tau koj rau yav laus los kuv yeej zoo siab. Lub
sijhawm dhau sai kawg nkaus, zoo li ib pliag txawm siv tag ib hmos. Kaj ntug tag kis kuv tus kwv wb
twb yuav los tsev lawm tiag, Maivyeeb thiab nws tus ntxhais tau tuaj saib wb, thiab tua tau ob tug qaib
tuaj ntim wb su. Hos kuv muab tau ib phav dauslas rau nws. Kuv tus kwv ho muab tau 4 puas dauslas
rau tus ntxhais.
Thaum lub dav hlau ya dhau plaws lub tshav dav hlau Vavtais lawm kuv lub siab khuam nkaus rov tuaj
tom qab, lub kuamuag poob nthav, saib zoj rau ob cag tsuas pom roob hav thiab huab cua sib tw ya,
kuv txoj sia me zuj zus, rov zoo kiag li lub caij thaum ub Maivyeeb wb sib ncaim thaum xyoo 1975 dua.
Kuv lam los lawm xwb tabsis lub siab lub ntsws muab tso tag nrho rau Nplogteb. Yim xav yim ua rau
kuv rov nco nws lub npe, rov nco nws lub cev nkauj xwb thiab rov nco tej qub ke thaum ub taug. Xav
tias ntshe Maivyeeb los yeej txawv tsis deb kuv kiag li thiab. Thaum los txog kuv pib ua tej ntaub ntawv
tos Maivyeeb tuaj, tabsis txoj hmoo tsis zoo tau ob hlis tom qab xwb nws tau mob heev heev thiab tag
sim neej lawm. Txoj kev mob zaum no tus ntxhais qhia kuv tias, kws khomob hais tias yog mob
Maivyeeb lub plawv. Hnub kuv hnov tsab xovtooj tias nws tag sim neej lawm, kuv cia li ncua kam tsis
mus ua vim tsis qab siab. Zaum no kuv rov mus Lostsuas teb los ntshe yuav tsis ntsib ib tug neeg kuv
tau hlub ntxiv lawm. Txoj kev ntsuag teb ntsuag chaw thiab txoj kev tuag los txiav wb txoj kev hlub thiaj
tag lawm.
Kuv tau txiav txim siab tsis yuav pojniam thiab twb mus ua haujsam tau 3 lub xyoo lawm los kuv lub
siab yeej tsis kaj haj tseem mob kub lug xav txog Maivyeeb tag li. Ntshe yuav nco nws mus txog hnub
77 | P a g e
WB YOG HMOOB – KAWMNTAWV HMOOB 2
kuv tuag kiag thiaj mam tsis hnov qab lawm. Txoj kev hlub "Nco Koj Txog Hnub Tuag" los xaus li no.
Thov kom Maivyeeb mus zoo thiab fab lwm tiam kom wb rov tau los ua nkauj nraug thiab tau ua txij ua
nkawm li lub siab ntshaw! Muab los ntawm Nyiaj Nkaub Xyooj www.3haivhmoob.com
78 | P a g e