kamp is Lekker tydskrif Mei 2020

More documents

Recommendations

Info

Fotos en teks deur Alex Kock Die Karoo, ‘n plek na aan my hart..... D is Vrydagmiddag, ons is in die bakkie en oppad weg vir die langnaweek, waar ons in die mooie Klein Karoo gaan kamp. Vanaf Paarl is dit so 210km op die N1 tot in Laingsburg, waar ons dan die afdraai neem op die R323. ‘n Verdere 47km is Porcupine Rest camp, waar ons gaan kamp opslaan vir die naweek. In die middel van nêrens, op ‘n grondpad, sover as wat die oog kan strek, sien ons uiteindelik die bord wat aandui dat Porcupine Rest Camp op regterkant geleë is. Ons word hartlik ontvang deur die vriendelike dame en eienaar, Joy. Porcupine Rest Camp is ‘n russtop vir reisigers op die R323. Daar is ietsie om die keel nat te maak , asook lekker etes om van te kies, en dan natuurlik, die 3 bosveld-kamppeerplekke om te oornag (River Camp, Karee en Sweet Thorn). Na ons ietsie gedrink het by die Overlander kroeg , ry ons af na ons kamppeerplek. Die kamp is ongelooflik; dis lekker ruim en goed beskut met die mooiste doringbome. Die kamp het egter geen krag nie, maar bied goeie ablusie en opwas fasiliteite, met lei-water wat vanaf die boorgat voorsien word (ek sal aanbeveel dat jy vars drinkwater saamneem). ‘n “Donkey boiler” word voorsien vir lekker warm water. Die doodse stilte met die vars reuk van Karoobossie is net die plek waar ons wil wees. Ek maak dadelik vuur om te verseker dat ek ‘n lekker warm stort later die aand kan neem. Ons slaan tent op en rig onsself gemaklik in. My vuur brand hoog, want vanaand is dit niks ander as Karoo lam en roosterkoek, gepaard met ordentlike rooiwyn, só gepas vir die dié omgewing.
Dit is die volgende oggend en my eerste prioriteit is om die ketel op die gas stoof te kook, want hoe kan jy die dag begin sonder ‘n lekker koppie koffie? Die oggend in die Karoo is ongelooflik, dis ‘n stilte wat jy nie vir iemand kan beskryf nie. Met die vars, skoon lug, en ‘n tortelduif wat bo jou in die doringboom koer, hoe kan jy dan met die verkeerde voet uit die bed opstaan? Na ontbyt is ons in die bakkie om vandag dié wêreld te gaan verken. Terug op die R323, draai ons regs in die rigting van die Seweweekspoort. Die Poort is iets besonders om deur te ry van begin tot einde en strek 17km lank, met die mooiste rotsformasies om elke draai. Aan die einde van die Poort kom ons uit aan die ander kant van die gebergtes, op die R62. Links is Calitzdorp, ons draai regs Ladismith toe vir die beste kaaskoek; hoe dan anders, dis mos kaaswêreld die. Ons is oppad terug kamp toe, maar maak eers ‘n draai op Zoar, ‘n klein gemeenskaps-dorpie, waar een van my grootste drome bewaarheid word: om op ‘n tradisionele donkiekar te ry. Na vele navrae op die dorp word ek uiteindelik verwys na Samuel, die welbekende “donkiekar-man,” soos die gemeenskap hom beskryf.
Page 1 and 2: Mei 2020 HIER word stories gebou HE
Page 3: Forever en vir altyd Mpumalanga Bad
Page 6 and 7: Dit is wanneer jy die Skepper se na
Page 10 and 11: My dag was gemaak, Samuel het sy do
Page 12: Porcupine Rest camp Route 323, Vlei
Page 17 and 18: Conqueror, op die heel eerste karav
Page 19 and 20: ons in ‘n bloedige 37ºC, die eer
Page 21 and 22: gedoen en so n bietjie op roete in
Page 23: Ice Cold Anywhere!
Page 26 and 27: Our Seatcovers are made using a syn
Page 36 and 37: E X C L U S I V E M O D E L A D D E
Page 38 and 39: Top 10 Travel & Holiday Guides

kamp is Lekker tydskrif Mei 2020

Create successful ePaper yourself

Delete template?

Save as template?