kamp is Lekker tydskrif Mei 2020

ons in ‘n bloedige 37ºC, die eerste rooi
duine op die
suiderlike bank van die Kuiseb Rivier in
die woestyn ingery het. Vir baie van
ons, insluitend die vyf damespassasiers,
was dit 'n oomblik van “Wat – maak –
ek – hier”.
Conception Bay en die wrak van die Eduard Bohlenn die
wrak van die Eduard Bohlen
As jy nie vinning genoeg oor die kruin van ‘n duin gaan nie
dan gaan jy jou voertuig op die kruin hang.
Die Klein Doodsakker
Aan die begin van dag twee, ons eerste
dag in die woestyn, was ons almal saam
geroep deur ons gids en die reëls van
die woestyn was baie duidelik aan ons
verduidelik.
Reël nommer 1…bly in die spoor van die
voertuig voor jou! Dit gaan oor
veiligheid, ekologie en om die
omgewing so ongerep moontlik te hou.
Tweedens, alles wat in die woestyn in
gaan, moet saam met jou weer uitgaan.
En ja, as ek sê alles, dan bedoel ek alles,
selfs jou gebruikte toiletpapier. Hierdie
dag het ons deur die lang sandstrate
van die Namibwoestyn geneem, waar
die groot Gemsbok troppe nog volop is.
Vandaar sou ons minder en minder wild
sien soos ons dieper in hierdie
onvergeefbare plek ingery het. Dit
maak jou werklik klein en nederig voel.
Teen dag drie van boswa sleep in die
woestyn, het almal hulle voete begin
vind en daardie groot duine se op-en-af
ry het amper tweede natuur begin raak.
Omdat dit nog nooit voorheen gedoen
was nie, was daar niemand wat ons kon
leer hoe om ‘n 100 meter sand duin af
te ry nie. So na n bietjie “trial and error”
het ons vinnig geleer dat 1ste of 2de rat
in “lae bestek” die beste vir ons sou
werk. Die groot probleem het nie
noodwendig by die afry gelê nie, maar
ook die volgende duin wat voor jou lê,
moes weer uitgery word. Daarvoor het
ons dan, sodra jy amper onder op die
duin se voet was, vinnig na 3de rat
gewissel, om so veel as moontlik spoed
op te bou vir die duin voor jou.