kamp is Lekker tydskrif Mei 2020

Vas sit was ‘n daaglikse rialiteit, maar dit was deel van die ervaring.
E
k sit vandag in ‘n Suid Afrika, ‘n land wat
nooit weer dieselfde sal wees na hierdie
COVID-19 “Lockdown” nie.
Ons is so bevoorreg om die buitelewe en
skoonheid van ons Afrika natuur te kan geniet en
te deel met ons kinders…so in daardie lig het ek
besluit om een van my wonderlike ervarings met
julle te deel.
Om ‘n karavaan of sleepwa in die Namibwoestyn
te sleep, voeg jy 'n heel nuwe dimensie by ‘n
Karavaantoer. Vergeet maar so ‘n bietjie wat jy
gedink het jy weet van karavaan sleep en 4x4 ry,
want jy gaan terug skool toe.
Laat my hierdie verhaal begin deur te sê dat die
vooruitsig om 'n karavaan in die Namibwoestyn
te sleep, vergelyk kan word met die skoonste en
mees geïsoleerde manier om die beste tyd van
jou lewe te hê.
E
n op die einde van die toer het almal in ons
groep eerstehands tot dieselfde
gevolgtrekking gekom… As jy eers die
vertroue in jou voertuig, boswa en gids gekry het,
dan voel daardie groot duinhellings, wat ons
menig male per dag moes aandurf, soos tweede
natuur.
Ons het slegs Conqueror waens gebruik, want
danksy die vakmanskap en betroubaarheid van
die Conqueror produkte, was hierdie toer
waarskynlik meer om uit te vind of die gewone
man die oënskynlik onmoontlike taak sou kon
oorkom.
Hierdie toer het oor vyf dae en 640km gestrek.
Ons het weggetrek vanaf Windhoek en ons eind
bestemming was Walvisbaai. Ons roete het ons
vir sowat 300km deur die beeldskone Khomas
Hochland en Homeb vlaktes geneem tot by die
Kuiseb Rivier. Die werklikheid het ingeskop toe