Create successful ePaper yourself
Turn your PDF publications into a flip-book with our unique Google optimized e-Paper software.
- 4 -<br />
Hordhac<br />
Horraantii 1980-yadii, dadka Reer Somaliland* waxay dayac fara badan kala kulmeen<br />
nidaamkii Siyaad Barre iyo saamayntii dagaalkii Ogaadeeniya ee 1977-8kii taas oo<br />
keentay: in magaalada Hargaysa laga waayo ama ay suququl noqdaan adeegyada<br />
asaasiga ah ee ay ka mid yihiin korontada, biyaha iyo daryeelka caafimaadka. Isla mar<br />
ahaantaana, waxa aad u kordhay cadaadiska siyaasadeed oo aad u baahay. Haddaba<br />
iyadoo ay jirto khatartaa aynu xagga hore ku soo xusnay, haddana kooxo dhalinyaro ah<br />
oo ay ka mid yihiin macallimiinta, injineerada, iyo dhakhaatiirtuba ayaa bilaabay hawlo<br />
iskaa wax-u-qabso ah oo ujeedadeedu ahayd in lagu caawiyo dadka reeer Somaliland.<br />
Waxay bilaabeen in ay nadiifiyaan isla markaana dib u hagaajiyaan Cusbitaalka Guud<br />
ee Hargaysa. Ganacsatada iyo duqayda maqaalada ayaa lacago u ururiyay cusbitaalka,<br />
sidoo kale hay’addii la odhan jiray Dhakhaatiirta Deg-degga ah ee Jarmalka (GED)<br />
ayaa iyaguna waxay dhaktarka ku kaabeen qalab dheeraad ah, shaqaale iyo maaliyadba.<br />
Abaalka iyagaa lahaaye, xaaladdii cusbitaalku si wayn ayay usoo roonaatay; kooxdii<br />
abaabulka lahaydna way soo caan baxeen.<br />
Si kastaba ha ahaatee, xukuumaddii waxay bilawday inay ka shakido kooxdan is<br />
abaabushay ee iskaa wax uqabsiga ku shaqaynaysa. Shakigiina wuxuu sii kordhay<br />
markii ay dawladdu gacanta ku dhigtay wargays la odhan jiray Uffo (oo ah isla meesha<br />
magaca kooxdii Uffo asalkiisu ka yimid). Wargayska waxa si qarsoodi ah u soo saari jiray<br />
laba xubnood, kuwaas oo u qaybin jiray uun dad ay kalson yihiin. Bilihii November iyo<br />
December ee 1981, wuxuu nidaamkii xadhig la tiigsaday 28 dhallinyaro ah oo lagu eedeeyay<br />
in ay ku hawllanyihiin dhaqdhaqaaqyo dawladda lagaga soo horjeedo. Maamulkii<br />
wuxuu inta badan bar-tilmaameedsaday dadkii u dashay qabiilka Isaaq-qa; qaar<br />
badan oo ka mid ah dadkii hawlahaa ku lug laaana lama xidh-xidhin<br />
Aqoonyahankii la xidhay waxa si is daba joog ah loogu waday waraysi iyo jidhdil joogto<br />
ah oo bilo qaatay. Markii dambe waxa Hargaysa ku dhex faafay in aqoonyahankii lagu<br />
xukumayo dil. Tani waxay cadho laxaad leh ku dhalisay dadweynaha reer Hargaysa,<br />
taas oo keentay in maalintii loo qoondeeyay maxkamadayntooda ee 20-kii Febraayo,<br />
ay ardayda iyo dadkii kalaba ay bilaabaan mudaharaad ballaadhan oo ay hor dhigaan<br />
dhismaha maxkamadda. Booliska oo gacan ka helayga Milatariga ayaa waxay aad u<br />
cadaadiyeen dibadbaxyada, halka arday badanna ku dhaawacmeen dibadbaxyadaasi.<br />
Maalintii koowaad ee dibad baxyadaasina waxa ku dhintay hal arday. Maalintaasi waxaa<br />
lagu xasuustaa magaca Dhagax Tuur. Inkasta oo ay iska caabbin fara badani jirtay,<br />
haddana dibad-baxyadii way sii socdeen oo ku faafeen magaalooyin kale.<br />
Dibad-baxyadaa daraadeed, xukuumaddii waxay ka noqotay xukunnadii dilka ahaa<br />
waxayna dhallinayrtii ku xukuntay xabsiyo heerar kala duwan ah oo u dhaxeeyay min<br />
saddex sano ilaa xabsi daa’in (oo markii dambe siddeed sanno ka bacdi la sii daayay).<br />
Dadka badankoodu waxay xukunkooda ku qaateen xabsigii aadka u qallafsanaa ee Labaatan<br />
Jirow oo xabsi sumcad xun ahaa oo ku yaallay koonfurta oo qofka lagu xidhayay<br />
qol gaar ah .
Change language