BUKUR DHE GJELBËR

90.SHTËPIA E FAMILJES SPASIÇ
Është ndërtesa më karakteristike e arkitekturës tradicionale
në Hoçë të Madhe, e ndërtuar në gjysmën e parë të shek.
XIX. Hapësira e gjerë në kat përbëhet nga dy dhoma gjumi
dyshe, një banjë dhe një e ashtuquajtur “Dhoma Jeru salim”.
Aty paraqitet ikona familjare, sjellë nga pelegrinazhi në
Jerusalem, së bashku me reliktet familjare. Kati përdhese
përbëhet nga dhoma e ditës, dhoma e gjumit, kuzhina
dhe një banjë. Pjesa tjetër e katit përdhese përbëhet prej
bodrumit të verës.
E KALUARA NË ZË
91.SHTËPIA E YMER QYSES
I takon shek. XIX. Është e ndërtuar me gurë dhe qerpiçë,
kati përdhese është me gurë, kurse kati i sipërm është i
ndërtuar me qerpiçë. Kulmi është i punuar me dru e i mbuluar
me tjegulla të lugëta. Gjithë kati i sipërm i kësaj shtëpie
del jashtë fasadës me tërë volumin e tij. Oborri i shtëpisë
është i shtruar me kalldrëm, dikur kishte edhe një bunar të
ndërtuar, sot nuk ekziston më.
88
92.SHTËPIA E GANI DUKAGJINIT
I takon shek. XIX dhe i përket arkitekturës klasike vendore.
Shtëpia përbëhej prej dy pjesëve, pjesa e haremit dhe e
mysafirëve, në vitin 1952 u rrënua pjesa e përparme, ajo
e mysafirëve. Shtëpia e cila ekziston sot ka pësuar transformime
me ndarjen në dy pjesë, por në tërësi ka ruajtur
vlerat e së kaluarës.
93.SHTËPIA E ISMET SOKOLIT
U ndërtua nga mesi i shek. XIX. Në katin e parë janë kthinat
e magazinave, në mes të shtëpisë ndodhet çardaku i
hapur, kurse shkallët prej gurëve të gdhendur, me anësore
prej hekuri të punuara nga farkëtarët prizrenas, mundësojnë
hipjen në katin e dytë. Në katin e dytë është çardaku i
mbyllur, i cili del jashtë katit me një pjesë të tij dhe mbahet
me shtylla druri. Çardaku ka formën e pesëkëndëshit dhe
ka dritare në të gjithë faqet. Fasada e jashtme ka zbukurime
të stilit barok, të punuara me një stil të rrallë artistik.
TRASHËGIMI MBI HARQE
63