BUKUR DHE GJELBËR

E KALUARA NË ZË
8.NEKROPOLI I ROMAJËS
Kanë ekzistuar gjithsej 16 tuma, prej të cilave 3 janë gërmuar në vitet 70-ta, ndërsa të tjerat janë asgjësuar. Rezultatet
dhe gjetjet më të mira u arritën në “Tuma e Luftëtarëve”, me një pamje impozante dhe diametër 40 m dhe një lartësi prej
5 m. Përmbante 38 varre, të ndërtuara kryesisht me konstruksion gurësh dhe pllaka gurësh. Kishte tri faza ndërtimi dhe
përdorimi të nekropolit të Romajës, që lidhen me tri fazat e periudhës së hekurit. Gjetjet përbëhen nga enë qeramike të
përdorimit të përditshëm, vegla pune, armë e stoli. I përket grupit kulturor Glasinc-Mat të epokës së Hekurit.
TRASHËGIMI NË GUR
9.TUMA E GJINOCIT
Përmasat e saj monumentale, me diametër lindje-perëndim 84 m, diametër veri-jug 73 m dhe lartësi 9.80 m, është diçka
e veçantë për tumat (kodërvarret) e Kosovës. Është e ndërtuar kryesisht me dhe. Tuma ende nuk është gërmuar, por
punimet bujqësore pranë bazës së saj kanë zbuluar disa fragmente enësh të periudhës arkaike, që mund të lidhen me
këtë tumë dhe që mund të jenë të periudhës e Hekurit të zhvilluar, që lidhet me dardanët.
12