Create successful ePaper yourself
Turn your PDF publications into a flip-book with our unique Google optimized e-Paper software.
Kría á flugi<br />
Knattspyrnufélagið Kría var stofnað í ársbyrjun 2014 og í sumar tók liðið í annað sinn þátt<br />
í 4. deild Íslandsmótsins. Sem fyrr var Kríuliðið einungis skipað uppöldum Gróttumönnum<br />
en 30 leikmenn komu við sögu í sumar. Samstarf Gróttu og Kríu var áfram til fyrirmyndar en<br />
liðsmenn Kríu höfðu veg og vanda að dómgæslu hjá 2. flokki karla og kvenna. Þá var einnig<br />
gott samstarf með 2. flokki karla sem í sumar hét Grótta/Kría til að leikmenn 2. flokksins gætu<br />
fengið tækifæri til að stíga sín fyrstu skref í meistaraflokki með Kríu.<br />
Annað árið í röð endaði Kría í 3. sæti<br />
í sínum riðli og var því einu sæti<br />
frá því að komast í úrslitakeppni 4.<br />
deildar. Kríumenn lögðu 3. deildarlið<br />
Víðis í fyrstu umferð bikarkeppninnar<br />
og voru svo hársbreidd frá því að<br />
sigra Álftanes í framlengdum leik á<br />
Vivaldivellinum. Eiríkur Ársælsson<br />
var sigursæll á lokahófi Kríu en hann<br />
var kjörinn leikmaður ársins ásamt<br />
því að fá gullskóinn sem markóngur.<br />
Eiríkur gerði sér lítið fyrir og skoraði<br />
11 mörk í 12 leikjum í 4. deildinni og<br />
var markahæstur í D-riðli. Pétur Már<br />
Harðarson tók við þjálfun Kríu fyrir<br />
síðasta tímabil en Pétur á að baki yfir<br />
28<br />
100 meistaraflokksleiki fyrir Gróttu og<br />
starfar sem yngri flokka þjálfari hjá<br />
félaginu. Blaðamaður Gróttublaðsins<br />
heyrði hljóðið í Pétri Má sem kvaðst<br />
ánægður með tímabilið: „Ég er að<br />
mestu leyti sáttur en það hefði<br />
vissulega verið gaman að komast í<br />
úrslitakeppnina. Þetta er góður hópur<br />
sem tók alltaf vel í þær æfingar sem<br />
voru settar upp. Ég held að framtíðin<br />
sé björt hjá Kríu. Sérstaklega ef þetta<br />
góða samstarf við Gróttu heldur<br />
áfram svo að efnilegir leikmenn úr 2.<br />
flokki fái að spila meistaraflokksleiki<br />
með Kríu áður en þeir taka skrefið<br />
upp í Gróttuliðið. Ég tel að það<br />
gagnist báðum félögum.“ Segir<br />
Pétur aðspurður um samstarf<br />
Gróttu og Kríu og framtíðarhorfur 4.<br />
deildarliðsins. Að lokum spyrjum við<br />
Pétur hvort hann telji að einhverjir<br />
þeirra leikmanna sem léku með Kríu<br />
í sumar eigi erindi í Gróttuliðið í 2.<br />
deildinni á þessu tímabili? „Í liðinu frá<br />
því í sumar eru klárlega strákar sem<br />
gætu gert góða hluti með Gróttu.<br />
Það er bara undir þeim komið hvort<br />
þeir séu tilbúnir til að eyða meiri tíma<br />
í æfingar og koma sér í betra form.<br />
Aðalmálið er að mæta og fá að prófa í<br />
nokkrar vikur.“