You also want an ePaper? Increase the reach of your titles
YUMPU automatically turns print PDFs into web optimized ePapers that Google loves.
Fyrsti meistaraflokkur kvenna í<br />
sögu knattspyrnudeildar Gróttu<br />
Þrjár ungar Gróttustelpur hafa undanfarnar vikur unnið hörðum höndum að stofnun fyrsta meistaraflokks kvenna<br />
í sögu knattspyrnudeildar Gróttu. Síðastliðið sumar útskrifaðist árgangur ‘96 stelpna úr 2. flokki Gróttu/KR og fóru<br />
þær því að vinna að stofnun meistaraflokks svo þær geti áfram spilað fótbolta undir merkjum félagsins. Stelpurnar<br />
í 1996-árganginum byrjuðu að æfa fótbolta árið 2008 og myndaðist strax góður liðsandi hjá stelpunum sem hefur<br />
haldist allar götur síðan.<br />
Kvennafótboltinn á Seltjarnarnesi er á<br />
mikilli uppleið og sem dæmi má nefna<br />
að 27 stelpur eru skráðar í 7. flokk kvenna<br />
en fyrir tveimur árum voru aðeins<br />
örfáar stelpur á þessum aldri að æfa.<br />
Fótboltaáhugi stelpna fer ört vaxandi á<br />
Nesinu og er stofnun meistaraflokks er því<br />
stór liður í áframhaldandi uppbyggingu<br />
kvennafótbolta á Seltjarnarnesi.<br />
Gróttublaðið heyrði hljóðið í Jórunni Maríu,<br />
Karen Sif og Tinnu Bjarkar, forsprökkum nýs<br />
meistaraflokks.<br />
Hvað varð til þess að þið fóruð í það<br />
að stofna meistaraflokk?<br />
Það hefur lengi verið draumur okkar<br />
stelpnanna að stofna fyrsta meistaraflokk<br />
kvenna í Gróttu. Nú þegar við, sem erum<br />
fæddar árið 1996, gengum upp úr 2. flokki<br />
í haust ákváðum við að gera drauminn að<br />
veruleika. Okkur langaði að halda áfram að<br />
æfa fótbolta en gátum ekki hugsað okkur<br />
að fara í annað félag, völlurinn enda orðinn<br />
okkur sem annað heimili og Gróttuhjartað<br />
stækkað mikið í gegnum árin. Við vorum<br />
þrjár sem tókum málið í okkar hendur,<br />
fórum á fund bæjarstjórans, stjórnar<br />
knattspyrnudeildarinnar og aðalstjórnar<br />
Gróttu en allir tóku mjög vel í hugmyndina.<br />
Í kjölfarið var kvennaráði meistaraflokks<br />
komið á laggirnar. Kvennaráð meistaraflokks<br />
samanstendur af sex einstaklingum, þeim<br />
Guðmundi Ara Sigurjónssyni, Guðbjörgu<br />
Erlendsdóttur, Hafdísi Guðmundsdóttur<br />
Nielsen, Jórunni Maríu Þorsteinsdóttur,<br />
Karen Sif Magnúsdóttur og Tinnu Bjarkar<br />
Jónsdóttur.<br />
Hvenær mun meistaraflokkurinn<br />
byrja að æfa?<br />
Fyrsta æfing flokksins fór fram á<br />
Vivaldivellinum þriðjudaginn 17. nóvember<br />
og var hörkumæting. Alex, þjálfari 2. flokks<br />
kvenna, bauð okkur að vera með á æfingu<br />
2. flokks og þáðum við það með þökkum<br />
enda mjög spenntar fyrir að reima á okkur<br />
takkaskóna og byrja að æfa saman. Það<br />
mætti flottur hópur sem væntir þess að æfa<br />
fram eftir vetri og hefur stefnan verið sett á<br />
þátttöku í Íslandsmótinu næsta sumar, þá í<br />
1. deild kvenna.<br />
Hvernig verður meistaraflokkur<br />
kvenna fjármagnaður?<br />
Gaman er að segja frá því að við erum<br />
búnar að næla okkur í fyrsta styrktaraðilann,<br />
Björnsbakarí í Vesturbæ. Lógó bakarísins<br />
verður á stuttbuxum keppnisbúninga okkar<br />
og þökkum við þeim kærlega fyrir þann<br />
stuðning. Við erum svo búnar að senda inn<br />
erindi til ÍTS og vonumst eftir að fá styrk frá<br />
bænum eins og aðrir meistaraflokkar Gróttu.<br />
Það kostar sitt að kaupa bolta, búninga og<br />
borga þjálfara laun en við erum á fullu að<br />
leita að fleiri styrktaraðilum sem eru tilbúnir<br />
að vera með okkur í þessu verkefni!<br />
Eitthvað að lokum?<br />
Hafir þú áhuga á aðstoða okkur við<br />
fjármögnun flokksins eða að ganga til liðs<br />
við hann geturðu haft samband við Jórunni<br />
Maríu (jormtor@verslo.is) til að nálgast<br />
æfingartíma, allir eru meira en velkomnir!<br />
Það eru spennandi tímar framundan og<br />
við vonumst eftir góðum undirtektum og<br />
stuðningi næsta sumar.<br />
27