Create successful ePaper yourself
Turn your PDF publications into a flip-book with our unique Google optimized e-Paper software.
Gróttuvöllur verður<br />
Vivaldivöllurinn<br />
Viðtal við Jón von Tetzchner frumkvöðul<br />
Margir ráku upp stór augu þann<br />
23. janúar þegar tilkynnt var<br />
að Gróttuvöllur hefði skipt um<br />
nafn. Völlurinn skyldi framvegis<br />
heita Vivaldivöllurinn í framhaldi<br />
af samstarfssamningi sem<br />
knattspyrnudeild Gróttu og<br />
hugbúnaðarfyrirtækið Vivaldi<br />
Technologies gerðu með sér.<br />
En hvað var þetta Vivaldi, annað<br />
en ítalskt tónskáld frá 18. öld?<br />
Hver er maðurinn á bak við nafnið?<br />
Frumkvöðullinn Jón Stephensen von<br />
Tetzchner er uppalinn Seltirningur sem æfði<br />
fótbolta með Gróttu, gekk í Menntaskólann í<br />
Reykjavík og flutti að loknu stúdentsprófi til<br />
Noregs á vit ævintýranna. Jón er þekktastur<br />
fyrir að hafa stofnað hugbúnaðarfyrirtækið<br />
Opera en á tímabili var Opera-netvafrinn<br />
einn sá vinsælasti í heimi. Jón sagði skilið<br />
við Opera árið 2013 en hefur nú komið öðru<br />
hugbúnaðarfyrirtæki á laggirnar, einmitt<br />
Vivaldi sem er nú að ryðja sér til rúms í<br />
tækniheimum.<br />
Gróttublaðið heyrði hljóðið í Jóni sjálfum<br />
og spurði hann út í samstarfið við Gróttu<br />
og hvernig það hafi komið til: „Það kom<br />
fyrirspurn frá Gróttu um hvort að við hefðum<br />
áhuga á að kaupa nafnið á Gróttuvelli. Það<br />
tók okkur ekki langan tíma að svara þessu<br />
játandi enda mjög gaman að geta stutt sitt<br />
gamla félag á svona skemmtilegan hátt”<br />
segir Jón sem þykir greinilega vænt um sitt<br />
gamla bæjarfélag en þess ber að geta að fyrir<br />
tveimur árum opnaði hann frumkvöðlasetrið<br />
Innovation House á Eiðistorgi þar sem 18<br />
sprotafyrirtæki hafa vinnuaðstöðu.<br />
Vefvafrinn Vivaldi var settur á laggirnar aðeins<br />
nokkrum dögum eftir að Vivaldivöllurinn varð<br />
að veruleika. Það er því ekki úr vegi að spyrja<br />
Jón hvernig gangi hjá fyrirtækinu, nú þegar<br />
vafrinn hefur verið virkur í nokkra mánuði?<br />
„Viðtökurnar sem við höfum fengið hafa verið<br />
frábærar! Við höfum fengið yfir 2 milljónir<br />
niðurhala (e. downloads) og það án þess<br />
að vera með formlega útgáfu af vafranum<br />
tilbúna. Við gáfum út „Technical preview” í<br />
byrjun árs og fyrir nokkrum vikum sendum<br />
við beta útgáfu frá okkur. Notendur hafa lýst<br />
yfir ánægju með vafrann og þá hafa einnig<br />
verið skrifaðar margar jákvæðar greinar um<br />
hann.”<br />
Eins og komið hefur fram æfði Jón fótbolta<br />
með Gróttu á sínum yngri árum án þess<br />
þó, að eigin sögn í það minnsta, að skara<br />
fram úr. Það gerði hann síðar á sviði<br />
hugbúnaðarþróunar og viðskipta en Jón<br />
stofnaði fyrirtækið Opera Software sem naut<br />
mikillar velgengni. Við spyrjum Jón hvað þurfi<br />
til að komast á toppinn í því sem maður tekur<br />
sér fyrir hendur? „Þetta er auðvitað spurning<br />
um liðið. Ég vann með frábæru fólki í Óperu<br />
og geri það aftur í Vivaldi. Við höfum trú á<br />
því sem við erum að gera og erum þrjósk.<br />
Það eru mjög miklir hæfileikar í teyminu –<br />
starfsorka og þrjóska, það er lykillinn.” Gaman<br />
er að segja frá því að í sumar gaf Vivaldi<br />
starfsmönnum sínum Gróttutreyjur með<br />
merki Vivaldi framan á og endum við þetta<br />
spjall á að spyrja Jón hvernig starfsfólkið hafi<br />
tekið í þessar skemmtilegu gjafir? „Þau voru<br />
mjög ánægð með þetta. Gróttubúningurinn<br />
er flottur og fólk er ánægt með að Grótta sé<br />
okkar lið”. Gróttublaðið þakkar Jóni kærlega<br />
fyrir spjallið og óskar honum og hans<br />
fyrirtækjum áframhaldandi velgengni.<br />
13