You also want an ePaper? Increase the reach of your titles
YUMPU automatically turns print PDFs into web optimized ePapers that Google loves.
Bjarki Már í Kólumbíu<br />
Bjarki Már Ólafsson er Gróttufólki að góðu kunnur en hann hefur um árabil verið virkur í starfi<br />
knattspyrnudeildarinnar, bæði sem leikmaður og þjálfari. Á liðnu tímabili þjálfaði hinn 21<br />
árs Seltirningur 5. og 6. flokk kvenna og 7. flokk karla við góðan orðstír. Nú er hann hins vegar<br />
staddur í fátækrahverfi í Bogatá, höfuðborg Kólumbíu, þar sem hann fæst við knattspyrnuþjálfun<br />
fyrir milligöngu AUS, skrifstofu alþjóðlegra ungmennaskipta.<br />
Með aðstoð nýjustu tækni náði Gróttublaðið tali af Bjarka einn sólríkan dag í Suður-Ameríkulandinu.<br />
Hvernig kom það til að þú ert nú staddur<br />
í gríðarstóru fátækrahverfi í höfuðborg<br />
Kólumbíu?<br />
„Fyrir tveimur árum settist ég niður<br />
með sjálfum mér, setti mér markmið og<br />
þrepaskipti þeim. Eitt af þrepunum var að<br />
fá víðari sýn á lífið til þess að ná þessum<br />
markmiðum mínum sem ég hef í þjálfuninni.<br />
Ég hef verið alinn upp í nokkuð „þægilegu“<br />
umhverfi og mér fannst bráðnauðsynlegt<br />
að sjá allar hliðar lífsins til þess að þroskast<br />
sem einstaklingur. Fátækrahverfi í Bogotá<br />
var kjörinn vettvangur þar sem að<br />
fótboltamenningin hér er mjög rík og mig<br />
langaði sömuleiðis að ná betri tökum á<br />
spænsku eftir nokkurra ára nám í skólanum.<br />
Einnig heillaði saga landsins mig og ég var<br />
viss um að ég hefði eitthvað fram að færa í<br />
daglegu lífi barnanna hérna.“<br />
Því skal ekki andmælt að Seltjarnarnes<br />
á 21. öldinni sé þægilegt umhverfi!<br />
Aðstaðan, áskorarnirnar og væntingarnar<br />
hljóta að vera harla ólíkar. En fótboltinn<br />
þekkir þó engin landamæri eða hvað?<br />
„Það er fegurðin í þessu að það er alveg sama<br />
hvar þú ert í heiminum, hver bakgrunnur<br />
þinn er og hver vandamálin eru heima fyrir<br />
þá er leikurinn alltaf spilaður á sama hátt.<br />
Ég sé það hér, eftir að hafa rætt við börnin,<br />
að það að komast út á fótboltavöll er hjá<br />
mörgum nokkurs konar flótti frá ofbeldinu<br />
og vandamálunum heima fyrir. Þetta er<br />
eitthvað sem krakkarnir elska og alla dreymir<br />
um að geta fetað í fótspor stórstjarnanna<br />
í kólumbíska landsliðinu sem margar hafa<br />
einmitt svipaðan bakgrunn.“<br />
Forvarnargildi íþrótta er óumdeilt<br />
og góðar fyrirmyndir eru sannarlega<br />
mikilvægar. Segðu okkur aðeins nánar frá<br />
aðstæðum þeirra sem þú ert að þjálfa.<br />
„Krakkarnir sem eru í prógramminu hjá<br />
okkur búa flest í hverfinu Ciudad Bolívar,<br />
þar sem verkefnið er staðsett. Hverfið er<br />
stórt og þar ríkir gífurleg fátækt. Börnin eiga<br />
það sameiginlegt að koma frá fátækum<br />
fjölskyldum og er ofbeldi heima fyrir partur<br />
af daglegri upplifun margra þeirra. Í hverfinu<br />
eru fjöldamörg gengi starfrækt og einnig<br />
12<br />
hefur örlað á virkni hryðjuverkasamtakanna<br />
FARC svo börnin sem eru hjá okkur eru vön<br />
hlutum sem við sem búum á Íslandi getum<br />
vart gert okkur í hugarlund. Aðstæður til<br />
þjálfunar eru kannski ekki upp á marga<br />
fiska, það eru að jafnaði 50 krakkar á æfingu,<br />
fjórir boltar, nokkur vesti og tveir vellir - eitt<br />
moldarsvað og annar malbikaður. Krakkarnir<br />
kippa sér ekkert upp við það þó það sé ekki<br />
einn bolti á mann, þau elska að hittast á<br />
vellinum og fá að spila saman.“<br />
Þá að heimahögunum. Hvað stóð upp úr<br />
á knattspyrnuárinu með Gróttu?<br />
„Tímabilið var í alla staði frábært og dýrmæt<br />
reynsla fyrir mig. Markmið ársins var að starfa<br />
í fyrsta skipti sem þjálfari í fullu starfi og ég er<br />
gífurlega þakklátur fyrir tækifærið og traustið<br />
sem Grótta sýndi mér. Auk þess að þjálfa<br />
5. og 6. flokk kvenna og 7. flokk karla, var<br />
ég aðstoðarþjálfari í 2. flokki karla og stýrði<br />
afreksstarfi deilarinnar. Hápunktur sumarsins<br />
var að leiða 6. flokk kvenna út á Kópavogsvöll<br />
í úrslitaleik A-liða á Símamótinu. Þetta var<br />
ótrúlega viðburðaríkt sumar og dýrmætt í<br />
reynslubankann.“<br />
Hvað er svo framundan hjá þér?<br />
„Planið hjá mér er nokkuð einfalt. Ég fer að<br />
ferðast um Suður-Ameríku í janúar og tek<br />
mér tvo mánuði í það ásamt kærustunni<br />
minni. Að því loknu kem ég heim og fer<br />
í tímabæra hjartaaðgerð, hjartalokuskipti<br />
nánar tiltekið. Þá tekur við u.þ.b. mánaðar<br />
bataferli. Þegar ég hef náð mér að fullu flyt ég<br />
til Stokkhólms þar sem ég mun halda áfram<br />
að vinna að markmiðum mínum sem þjálfari<br />
en þar mun ég setjast á skólabekk og læra<br />
íþrótta- og þjálffræði.“<br />
Gróttublaðið þakkar Bjarka fyrir spjallið og<br />
sendir honum bestu kveðjur af Nesinu!
Change language