NuevasTecnologiasTraenNuevasTendencias

Galicia baixa a súa fenda
dixital entre homes e mulleres
ata o 3,9%
Está por debaixo da media española segundo os datos
do Observatorio da Sociedade da Información e a
Modernización da Xunta // Entre 19 e 44 anos, elas
navegan máis // Santiago, cun 9 por cento, é un dos
municipios onde se rexistran as diferenzas con maior
claridade
EL CORREO GALLEGO / Xabier Sanmartín C. / 17 de agosto de 2013
A fenda dixital de xénero no uso de Internet en Galicia sitúase en 3,9 puntos
fronte aos 5,2 da media estatal (dato do INE, Instituto Nacional de Estadística).
Un 55,5% das mulleres galegas e un 59,4% dos homes galegos fixo
uso da chamada rede de redes nos últimos tres meses.
Son datos do estudo A Sociedade da Información en Galicia desde unha
perspectiva de xénero, publicado onte polo Observatorio da Sociedade da
Información e a Modernización de Galicia (Osimga), entidade creada pola
Xunta de Galicia e adscrita á Axencia para a Modernización Tecnolóxica de
Galicia (Amtega).
Ollando o traballo polo miudo e indo o comportamento por idades: na
franxa dos 16 aos 44 anos as mulleres de Galicia superan aos homes no
uso das TIC (Tecnoloxías de Información e Comunicación). A partir das 45
primaveiras, a tendencia invértese, cun rexistro moi desfavorable para as
mulleres entre os 65 e os 74. Para Marcus Fernández, un dos responsables
de Banda Ancha, programa de tecnoloxía que bótase na emisora pública
Radio Galega e subdirector da revista Código Cero, este balance subliña
que o uso das ferramentas dixitais camiña cara a certa normalidade entre a
poboación galega.
Nuevas Tecnologías traen nuevas tendencias | Capítulo 14 | 77