Årdal kommune Budsjett 2015 Økonomi og handlingsplan 2015 - 2018

Økonomi
Tiltak for å oppnå budsjettbalanse
Med grunnlag i den økonomiske situasjonen til Årdal kommune, har det vore eit særs
krevjande arbeid med å kunne legge fram eit budsjett for 2015 i balanse.
Det fyrste grunnlaget synte ein underbalanse på om lag kr. 32 mill.. Talmaterialet har etter
dette fyrste utkastet vorte endra i nært samarbeid med tenesteområda for å få eit best mogleg
realistisk budsjett. Og ein viser i denne samanheng til det detaljerte budsjettet for 2015.
Framlegget til statsbudsjettet for 2015 og endra grunnlag for utskriving av eigedomsskatt på
kraftanlegg m.m., gav også nokre korrigeringar i talmaterialet.
For å oppnå budsjettbalanse handlar det alt vesentleg om å redusera netto driftsutgifter.
Med grunnlag i føreståande pensjonsavgangar, vakante stillingar og strukturendringar er det
for 2015 lagt inn eit varig nedtak på om lag 18 årsverk. Dette er innarbeida i talmaterialet, og
gjeld fylgjande;
Merkantile stillingar (stabane) 3,9 årsverk
Lærarar Farnes-/Tangen skule, vaksenoppl. 2,76 årsverk
Assistentar Farnes-/Tangen skule 2,30 årsverk
Sosialkontoret/NAV 0,5 årsverk
Reinhaldarar 2,52 årsverk
Strukturendring AD-bustad 6,0 årsverk
Med grunnlag i tidspunkt for iverksetting av pensjonsavgangar m.m. er effekten for 2015 lagt
inn med ein reduksjon av lønsutgiftene på om lag kr. 4,2 mill. (eks. pensjon/arb.avg.)
I tillegg er det lagt inn ein reduksjon på rammene til tenesteområda som inneber ytterlegare
nedtak tilsvarande 22 årsverk. Dette utgjer ein reduksjon på om lag kr 10,8 mill., og er fordelt
etter %-vis andel av totale lønsutgifter i 2015.
Tilråding
1. Drift
1.1. Budsjettframlegget for 2015 vert vedteken med dei endringane som kjem fram i F-sak
104/14.
1.2. Det vert etablert ei prosjektgruppe samansett av overordna leiing, leiar av personal og
hovedtillitsvald i Fagforbundet. Overordna leiing i dialog med leiarane av
tenesteområda, tek stilling til kor i organisasjonen nedbemanning skal gjennomførast.
Prosjektgruppa skal arbeide med bemanningsplan, kompetansekrav, ta stilling til
utlysing av ledige stillingar, etablere stillingsbank for overtallige, omplassering,
oppseiing, og orientere dei tilsette om prosess, oppseiing, framdrift m.m.
Prosjektgruppa sin framdriftsplan vert lagt fram for kommunestyret 18.12.14.
1.3. Skattemarginen vert fastsett til 10 %.
1.4. Forskotsskatt og forskotstrekk for 2015 på personlege skatteytarar vert skreve ut
etter høgste satsane som Stortinget har vedteke for inntekt og formue.
1.5. Kommunale avgifter, satsar og prisar vert endra frå 01.01.15, slik det går fram av
prislista som ligg som vedlegg til denne saka.