You also want an ePaper? Increase the reach of your titles
YUMPU automatically turns print PDFs into web optimized ePapers that Google loves.
exannulata. Sjaldgæfar plöntutegundir á landsvísu eru mosinn heiðahnubbi, Didymodon<br />
asperifolius og fléttan Biatora helvola.<br />
Varp mófugla er mjög þétt (41,4 pör/km²) í rústamýravist en tegundir fremur fáar. Lóuþræll<br />
og heiðlóa eru einkennistegundir. Þúfutittlingur er einnig mjög áberandi og hvergi eins<br />
algengur á hálendinu (12,1 par/km²) og í rústamýravist. Andfuglar eru einnig áberandi,<br />
einkum heiðagæsir og eru rústamýrar landsins meðal mikilvægustu varpsvæða þessarar<br />
tegundar á landinu og þar með í heiminum. Álftir eru líka algengar, sem og hávella og kjói.<br />
Smádýralíf er lýsandi fyrir aðstæður í rústamýravist og einkennist af votlendistegundum þó<br />
tegundir sem lifa að öllu jöfnu í þurrara umhverfi og aðrar sem alast upp í tjörnum auki á<br />
fjölbreytileikann. Tvívængjan mókryppa, Megaselia sordida, er afgerandi algengust, einkum<br />
í virkum rústamýrum. Tvívængjan Themira dampfi sem elst m.a. upp í gæsaskít er<br />
sömuleiðis algeng. Aðeins ein bjöllutegund telst algeng, þ.e. mýruxi, Atheta graminicola.<br />
Hélukeppur, Otiorhynchus nodosus, lifir á þurrum og raklendum rústakollum og gullsmiður,<br />
Amara quenseli, þar sem rof er í kollana. Fjallaklukka, Colymbetes dolabratus, er í<br />
tjörnunum. Sníkjuvespur eru fágætar nema Aclastus gracilis sem verpir í eggjapoka<br />
köngulóa. Vorflugan tjarnahulstra, Limnephilus picturatus, elst upp í tjörnunum.<br />
Köngulóafána er fáskrúðug.<br />
Núverandi landnotkun: Beitilönd, orkuvinnslusvæði, útivist.<br />
Ógnir: Rústum fer fækkandi hér á landi, einkum vegna loftslagsbreytinga. Einnig eru<br />
hugmyndir um virkjanir sem ógnað geta tilvist sumra rústamýra landsins.<br />
Nauðsynlegar aðgerðir: Framkvæmdir sem raskað geta rústamýrum eða ógnað tilvist<br />
þeirra, m.a. mannvirkjagerð og jarðrask, skulu ekki heimilar.<br />
Forsendur friðlýsingar: Útbreiðsla rústamýravistar takmarkast við loftslagsleg mörk hennar<br />
og geta litlar breytingar í umhverfi haft verulegar afleiðingar á tilvist hennar. Rústamýrum<br />
fer fækkandi hér á landi, meðal annars vegna loftslagsbreytinga. Í rústamýravist er<br />
fjölbreytileiki gróðursamfélaga og tegundafjölbreytni plantna óvenju mikil miðað við aðrar<br />
vistgerðir sem skoðaðar hafa verið á hálendinu. Þá er vistgerðin afar mikilvæg til viðhalds<br />
varpstofns heiðagæsar sem sækir í að verpa á svæðum þar sem rústamýrar eru.<br />
Rústamýravist hefur alþjóðlegt verndargildi og hún hefur einnig hátt vísinda- og fræðslugildi<br />
og þolir illa rask af ýmsu tagi.<br />
Friðun svæða: Lagt er til að tilgreind verði og vernduð lykilsvæði fyrir rústamýrarvist á<br />
hálendi Íslands. Þar yrðu allar framkvæmdir og athafnir sem leitt geta til röskunar á<br />
vistgerðinni fortakslaust bannaðar. Um er að ræða þrjú svæði, Þjórsárver, Guðlaugstungur og<br />
Orravatnsrústir en tvö fyrstnefndu eru þegar friðuð að hluta sem friðlönd. Til að ná<br />
tilætluðum markmiðum um verndun lykilsvæða þarf að styrkja friðlýsingarskilmála<br />
svæðanna og breyta mörkum þeirra.<br />
68