Create successful ePaper yourself
Turn your PDF publications into a flip-book with our unique Google optimized e-Paper software.
Egilsstaðaskógur, nærliggjandi skóglendi og Egilsstaðaklettar<br />
Svæðið sem lagt er til að verði friðlýst er um 25 km² að stærð og er staðsett í sveitarfélaginu<br />
Austur-Héraði. Um er að ræða birkiskóg sem er mikilvægt búsvæði margra sjaldgæfra<br />
fléttutegunda. Einnig nær tillagan til Egilsstaðakletta þar sem tegundafjölbreytni fléttna er<br />
óvenju mikil. Svæðið tilheyrir að hluta svæði nr. 611 á náttúruminjaskrá, þ.e. austanverðum<br />
Eyvindarárdal og Eyvindarárgili, sem er á skrá vegna fagurs gljúfurs, vatnsmikillar<br />
bergvatnsár, skóglendis og jökulgarða. Einnig sem útivistarsvæði í nágrenni Egilsstaða.<br />
Markmið friðlýsingarinnar: Að vernda afar mikilvægt búsvæði fyrir margar sjaldgæfar<br />
fléttutegundir og nokkrar tegundir háplantna. Um er að ræða náttúrulegan, lítt snortinn og<br />
hávaxinn birkiskóg þar sem gróðurfar er mjög fjölbreytt og einnig kletta við Lagarfljót þar<br />
sem óvenju margar fléttutegundir vaxa á litlu svæði. Með vernd tegunda og búsvæða þeirra<br />
er stuðlað að því að tryggja viðhald líffræðilegrar fjölbreytni svæðanna, sbr. 2010 markmið<br />
Sameinuðu þjóðanna um líffræðilega fjölbreytni og evrópsku áætlunina um plöntuvernd<br />
2008–2014.<br />
Mörk: Miðhúsaskógur, Selskógur, Egilsstaðaskógur og Dalhúsaskógur. Að norðan eru mörk<br />
dregin austur með Miðhúsaá upp undir Brúnagil. Austurmörk miðast við 500 m hæðarlínu á<br />
Gagnheiði suður að Valagili. Niður með Valagilsá, yfir Eyvindará og upp með Köldukvísl<br />
upp í 300 m hæð. Að vestan fylgja mörkin útbreiðslumörkum birkisins, vestur fyrir Innri- og<br />
Ytri-Vatnshæðir, að Krossásum og í byrjunarpunkt. Við Egilsstaðakletta eru mörkin dregin<br />
utan um klettana.<br />
Svæðislýsing: Víðáttumikið og uppvaxandi birkiskóglendi austan Egilsstaða og inn með<br />
Eyvindarárdal. Skógurinn er að miklum hluta gamall og sjálfsáður og ná trén allt að 10 m<br />
hæð. Lítið hefur verið plantað af erlendum trjátegundum. Á láglendi er skógurinn<br />
ósamfelldur þar sem skóglausum mýrum hefur verið breytt með framræslu og túnrækt en<br />
þéttastur er hann á Egilsstaðahálsi. Í Egilsstaðaskógi er stærsta útbreiðslusvæði villtrar<br />
blæaspar á landinu og þar er hún einnig hæst eða um 8 m. Í skóginum vex einnig reyniviður<br />
og gulvíðir. Gróðurfar er sérstætt og þar vaxa sjaldgæfar plöntutegundir og einnig mikill<br />
fjöldi fléttutegunda. Skógurinn er vinsælt útivistarsvæði.<br />
Egilsstaðaklettar eru við Lagarfljót og á þeim vaxa óvenju margar fléttutegundir á litlu<br />
svæði.<br />
Núverandi landnotkun: Útivist og landbúnaður.<br />
Ógnir: Frístundabyggð og landbúnaður.<br />
Nauðsynlegar aðgerðir: Skógurinn skal vaxa villtur og fá að þróast eftir eigin lögmálum.<br />
Ekki skal hirða um hann eins og um nytjaskóg væri að ræða því dauðir trjádrumbar geta<br />
verið mikilvæg búsvæði fyrir ákveðnar lífverutegundir. Óheimilt verði að flytja inn á svæðið<br />
framandi tegundir og beit bönnuð. Ekki verði sett á skipulag frekari fyrirætlanir en nú þegar<br />
eru um frístundabyggð eða aðra mannvirkjagerð á svæðinu.<br />
Forsendur friðlýsingar: Birkiskógur með fjölbreyttum ásætufléttum en einnig má finna<br />
nokkrar þyrpingar af villtri blæösp, Populus tremula, í skóginum. Í skóginum vaxa nokkrar<br />
sjaldgæfar háplöntutegundir s.s. ferlaufungur, Paris quadrifolia, sjöstjarna, Trientalis<br />
europaea og laugamaðra, Galium uliginosum. Á birkinu og fauskum þess má finna flestar<br />
sjaldgæfar ásætufléttur sem helst hafa útbreiðslusvæði sitt um austan- og suðaustanvert<br />
landið. Einnig nokkrar tegundir sem aðeins hafa fundist í skóginum, en eru lítt þekktar á<br />
50