You also want an ePaper? Increase the reach of your titles
YUMPU automatically turns print PDFs into web optimized ePapers that Google loves.
NÁTTÚRUFRÆÐISTOFNUN ÍSLANDS 2008<br />
Verndun svæða, vistgerða og tegunda. Tillögur Náttúrufræðistofnunar Íslands<br />
vegna náttúruverndaráætlunar 2009–2013<br />
Snæfjallaströnd<br />
Svæðið sem lagt er til að verði friðlýst er um 165 km 2 að stærð og tilheyrir sveitarfélaginu<br />
Ísafjarðarbæ. Á svæðinu er líffræðileg fjölbreytni mikil, gróðurfar er sérstætt með háu<br />
hlutfalli sjaldgæfra plöntutegunda. Svæðið er hluti af stærra svæði sem er á náttúruminjaskrá<br />
(svæði 324) fyrir fjölbreytt og mikilfenglegt landslag með hrikalegum fjöllum, ýmsum<br />
berggerðum, jökulgörðum og óshólmum og vegna þess að þar er fjölskrúðugur gróður og<br />
dýralíf.<br />
Markmið friðlýsingarinnar: Að vernda búsvæði margra fágætra plöntutegunda, þ. á m.<br />
nokkurra tegunda á válista. Með búsvæðavernd tegundanna er stuðlað að því að tryggja<br />
viðhald líffræðilegrar fjölbreytni svæðisins, sbr. 2010 markmið Sameinuðu þjóðanna um<br />
líffræðilega fjölbreytni og evrópsku áætlunina um plöntuvernd 2008–2014.<br />
Mörk: Snæfjallaströnd, frá Súrnadal með strönd að sveitarfélagamörkum Ísafjarðarbæjar og<br />
Strandabyggðar í Kaldalóni. Með sveitarfélagamörkum upp undir jökulrönd, þaðan í<br />
Jökulholt, þá í Öldugilsvatn, Snæfjöll og að lokum til sjávar um Súrnadal.<br />
Svæðislýsing: Fjalllendi með hrikalegum fjöllum, grónum dölum og hlíðum. Landslag er<br />
fjölbreytt og mikilfenglegt og Drangajökull setur svip sinn á svæðið. Gróðurfar er fjölbreytt<br />
og sérstætt því þarna er að finna óvenju hátt hlutfall sjaldgæfra plöntutegunda.<br />
Núverandi landnotkun: Landbúnaður og útivist.<br />
Ógnir: Engar alvarlegar.<br />
Nauðsynlegar aðgerðir: Ekkert er því til fyrirstöðu að beit búfénaðar verði áfram í svipaðri<br />
mynd og nú er. Koma þarf í veg fyrir að ágengar, framandi plöntutegundir verði fluttar inn á<br />
svæðið og forðast ber rask á landinu á þeim stöðum sem eru mikilvægastir fyrir<br />
plöntutegundirnar sem hér eru til umfjöllunar.<br />
Forsendur friðlýsingar: Sérstætt gróðurfar með háu hlutfalli sjaldgæfra tegunda eins og<br />
þúsundblaðarós, Athyrium distentifolium, fjöllaufungur, Athyrium filix-femina, skollakambur,<br />
Blechnum spicant, mánajurt, Botrychium boreale, fjallabláklukka, Campanula uniflora,<br />
keldustör, Carex paupercula, dúnhulstrastör, Carex pilulifera, skollaber, Cornus suecica,<br />
sóldögg, Drosera rotundifolia, dílaburkni, Dryopteris expansa, stóriburkni, Dryopteris filixmas,<br />
skrautpuntur, Milium effusum, sandmunablóm, Myosotis stricta og broddkrækill, Sagina<br />
subulata.<br />
Tegund Tegundarheiti Flokkur Algengi Válisti Forsendur verndar<br />
Hrísastör Carex adelostoma Háplanta Sjaldgæf VU Einn af níu fundarstöðum<br />
Hlíðaburkni Cryptogramma crispa Háplanta Mjög sjaldgæf VU Annar af tveimur fundarstöðum<br />
Línarfi Stellaria borealis Háplanta Sjaldgæf VU Tveir af 12 fundarstöðum<br />
37