Válisti 2

Geirfuglar urðu útdauðir á Islandi og þar með í heiminum öllum 1844. Myndin er úr fyrstu
útgáfu af The Birds of America, sem kom út í London 1827-1838, eftir hinn kunna ameríska
listamann og náttúrufræðing John James Audubon (1785-1851).
Þessi válisti sýnir að miðað við alþjóðlega staðla þurfa 42% íslenskra varpfugla sérstaka
aðgæslu hér á landi. Sumir þeirra eru nýlega fÁrnir að verpa hér og varpstofnar þeirra þar
af leiðandi litlir, en á listanum eru einnig gamalgrónir varpfuglar sem eiga undir högg að
sækja, svo sem gulönd, haförn, hrafn og svartbakur. Sú niðurstaða ætti ekki að koma á óvart
miðað við þær breytingar sem orðið hafa á náttúru Islands af manna völdum. Óvild gagnvart
ránfuglum og ýmsum öðrum keppinautum okkar úr fuglaríkinu á einnig verulegan þátt í því
hvernig komið er fyrir sumum varpstofnum. Mikilvægt er að auka fræðslu um stöðu
válistafuglanna í íslensku umhverfi, rannsóknir á þeim og skipulega vöktun þeirra. Einnig þarf
að haga fuglaveiðum þannig að þær valdi ekki hruni stofna og að varpstöðvar og önnur
búsvæði tegundanna njóti verndar.
Válisti sá yfir fugla sem hér fylgir er unninn af Kristni Hauki Skarphéðinssyni og Ævari
Petersen. Umsjón með verkinu hafði Alfheiður Ingadóttir en Ólafur K. Nielsen, Arnór Þ.
Sigfússon, Helga Valdimarsson, Karólína R. Guðjónsdóttir, María Harðardóttir og Jón
Gunnar Ottósson veittu aðstoð við einstaka þætti verksins. Arnþór Garðarsson las yfir handrit
og eru honum þakkaðar góðar ábendingar.
11