PARTES DE UN TODO PARTS OF A WHOLE PARTES DUN TODO

A TRANSPARENCIA EAOBXECTIVIDADE
Sobre estes dous principios aséntase o labor da
Fundación. Tratando de ser sempre próxima e eficaz.
Aberta ao conxunto da sociedade. Procurando o diálogo
das persoas e as institucións.
Unha obxectividade e transparencia que se fundan na
independencia que define a Fundación –á que tanto
contribúe a súa autonomía financeira, posible grazas á
xenerosidade exemplar do seu creador. E no labor cotián
do equipo de profesionais que, de forma estable,
constitúen o mellor patrimonio da nosa institución, o seu
activo máis valioso.
O FUTURO COMO HORIZONTE
Somos unha Fundación de lectura. E, xa que logo, de
futuro.
Sen educación, non hai mañá posible. E sen lectura,
calquera acción educativa tórnase quebradiza, falsa ou
imposible.
Ler para crear cidadáns responsables, comprometidos e
inquedos. Ler para fortalecer os vínculos sociais e
combater a inequidade e o illamento. Ler para saber que
o futuro se edifica con palabras e imaxes. Con sons e
sensacións. Con lembranzas e soños...
Ler, en suma, para acadar un mundo máis equilibrado,
máis aberto, máis plural. Un labor ao que, decidida e
apaixonadamente quere contribuír a Fundación Germán
Sánchez Ruipérez.
ANTONIO BASANTA REYES.
Vicepresidente Executivo e Director Xeral
da Fundación Germán Sánchez Ruipérez
10