PARTES DE UN TODO PARTS OF A WHOLE PARTES DUN TODO

UNHA FUNDACIÓN PARA A LECTURA
Creada no ano 1981 polo editor e empresario español
Germán Sánchez Ruipérez, a Fundación Germán Sánchez
Ruipérez é unha institución sen ánimo de lucro, destinada
á realización de diversos programas culturais e
educativos.
O seu campo fundamental de actuación é a lectura –nas
súas diversas modalidades e soportes– e nel desenvolve
multitude de programas de promoción, investigación e
experimentación dirixidos tanto ao ámbito bibliotecario,
coma aos centros docentes e á familia.
OS SEUS CENTROS TÉCNICOS
Para conseguir a máxima eficacia no seu labor e permitir
unha acción de permanencia nas áreas xeográficas nas
que actúa, a Fundación Germán Sánchez Ruipérez
construíu os seus propios centros, ubicados nas realidades
territoriais máis representativas da sociedade nacional:
o medio rural, a capital de provincia e a capital do Estado.
Na primeira das devanditas áreas –a zona rural-, e na
poboación natal do noso fundador e principal mecenas,
Peñaranda de Bracamonte (Salamanca), a Fundación
Germán Sánchez Ruipérez sitúa o seu Centro de
Desarrollo Sociocultural, en activo desde o ano 1989, e
máis recentemente, desde o ano 2006, o Centro
Internacional de Tecnologías Avanzadas para el Medio
Rural. Ambos os centros executan un labor formativo en
moi diversos campos, con especial atención á aplicación
das novas tecnoloxías como instrumentos lectores.
Na capital de provincia, Salamanca, a Fundación creou,
en 1985, o Centro Internacional del Libro Infantil y
Juvenil. A súa biblioteca, por volume e variedade do seu
fondo bibliográfico e dos seus programas, é a biblioteca
infantil especializada máis importante de España. Labor
que complementa o seu Centro de Documentación, tamén
primeiro dos que existen no noso país, e a súa acción
formativa, a través da organización de cursos, encontros,
seminarios e congresos.
En Madrid, capital do Estado, e desde 1981, existe o
Centro de Estudios, Análisis y Debate, xermolo do más
ambicioso proxecto que a Fundación leva executado ata
o de agora. Con apertura prevista para o ano 2011, o
Centro Internacional para la Investigación, el Desarrollo
y la Innovación de la Lectura / Casa del Lector completará
o deseño estrutural da Fundación, coa creación e posta en
marcha dun lugar privilexiado desde o que poder coñecer
e difundir as novas formas lectoras –e as tradicionais–
nesta nosa sociedade en cambio continuo.
O labor de todos os centros queda tamén recollido nas
páxinas web da Fundación www.fundaciongsr.es e
www.lecturalab.org, nas que igualmente figuran varios
dos servizos específicos que a Fundación presta en
internet. De entre todos eles, destaca o S.O.L. –www.sole.com–,
primeiro portal no mundo sobre libros infantís e
xuvenís españois e outras informacións afíns.
9