ԶՐՈՒՅՑՆԵՐ ՀԱՅ ՄՇԱԿՈՒՅԹԻ ՄԱՍԻՆ
Hasmik Hmayakyan.pub
Hasmik Hmayakyan.pub
- No tags were found...
Create successful ePaper yourself
Turn your PDF publications into a flip-book with our unique Google optimized e-Paper software.
Հայկական մանրանկարչության մասին<br />
թշնամական հարվածների տակ գտնվող երկիրը չէր կարող անել:<br />
Ուստի, Հայաստանում Վերածնունդ՝ եվրոպական իմաստով, բացառվում<br />
է: Մենք չենք կարող ասել, որ հայ նկարիչներն այն գյուտերն<br />
են արել, ինչ անում էին իտալական Վերածննդի վարպետները՝<br />
Բռունելեսկին, Մազաչոն, Դոնատելլոն և այլք. նրանք բացահայտեցին<br />
հեռանկարի օրենքները, այն հեռանկարի, որով պիտի<br />
առաջնորդվեին ողջ գեղանկարչությունը, ճարտարապետությունն<br />
ու քանդակագործությունը մինչև XX դարը ներառյալ:<br />
– Ինչպե՞ս էր արտահայտվում հեռանկարը հայ մանրանկարներում,<br />
ինչպիսի՞ն էր այն:<br />
– Հայ մանրանկարչության մեջ հեռանկարի ամենաբազմազան<br />
ձևերն են օգտագործվել՝ բացարձակ հարթապատկերից մինչև<br />
խորքային հեռանկարչություն, բայց դա միջնադարին հատուկ<br />
հեռանկար է և տարբերվում է Վերածննդի ժամանակաշրջանից:<br />
Նախավերածննդի որոշ տարրեր նկատելի են տարբեր արվեստագետների<br />
մոտ, օրինակ՝ Մոմիկի, Թորոս Ռոսլինի, XIIIդ.<br />
վերջին քառորդի կիլիկյան մանրանկարչության ներկայացուցիչների<br />
մոտ, բայց դրանք հետագայում հասարակական, սոցիալական,<br />
պատմական հող չեն գտնում:<br />
– Իսկ հայ մանրանկարչության մեջ առկա՞ են հեթանոսական<br />
կամ կենցաղային տարրեր, եթե այո, ապա ո՞ր ժամանակաշրջանից<br />
են դրանք ի հայտ գալիս:<br />
– Այո, հեթանոսական տարրեր նկատվում են հայ մանրանկարչությունում:<br />
Օրինակ՝ կան ողբացող կանանց, ծառերի,<br />
բույսերի ոգիների պատկերներ՝ կանացի կերպարանքով: Լուսանցաթերթերում,<br />
անվանաթերթերում հանդիպում են կենցաղի ու<br />
կյանքի ամենատարբեր դրվագների պատկերումներ: Առանձին<br />
ուսումնասիրության խնդիր է, թե դրանց որ մասն է հեթանոսական,<br />
որը՝ հելլենիստական և որը՝ կենդանի կյանքից վերցված:<br />
Իհարկե, նման պատկերներ հայկական մանրանկարներում<br />
69