Րաֆֆի Կայծեր մաս 2
Կայծեր մաս 2
Կայծեր մաս 2
- No tags were found...
Create successful ePaper yourself
Turn your PDF publications into a flip-book with our unique Google optimized e-Paper software.
Խոսակցությունը դարձյալ ընդհատվեցավ, երբ մանկլավիկների մի խումբ, գեղեցիկ արծաթյա<br />
մատուցարանների վրա դրած, ներս բերեցին զանազան տեսակ անուշահոտ շերբեթներ և<br />
զանազան տեսակ քաղցրավենիք ու խմորեղեններ, պատրաստված նուշով և հոտավետ<br />
համեմներով: Փաշան իր ձեռքով ընտրում էր անուշ պատառները և առաջարկում էր Ասլանին:<br />
— Փորձեցեք այդ «փախլավայից», — ասում էր նա, — հայոց առաջնորդը սաստիկ սիրում է այդ<br />
«փախլավան»: Երբ որ նա ինձ մոտ է գալիս, եթե «փախլավա» չլինի, անպատճառ դժգոհ կմնա:<br />
— Իրավունք ունի հայոց առաջնորդը, — պատասխանեց Ասլանը, — բավական լավ է<br />
պատրաստած:<br />
— Դուք ծանո՞թ եք նրա հետ:<br />
— Ոչ, ես դեռ չեմ տեսնվել նրա հետ:<br />
— Անպատճառ պետք է տեսնվել, ես ձեզ խորհուրդ կտայի տեսնվել նրա հետ, դուք շատ գոհ<br />
կմնայիք. նա պատվական մարդ է, ամենապատվական մարդն է: Գալ Վան և հայոց առաջնորդին<br />
չտեսնել, դա միևնույն կլիներ, որպես գնալ Հռոմ և պապին չտեսնել:<br />
— Ես օգուտ կքաղեմ ձեր խորհրդից, — ասաց Ասլանը, — առանց հայոց առաջնորդի հետ<br />
տեսնվելու, չեմ հեռանա այդ քաղաքից:<br />
Փաշայի և հայոց առաջնորդի բարեկամական հարաբերությունները մեզ հայտնի էին. այստեղից<br />
բացահայտ էր, թե նա ինչո՛ւ հորդորում էր Ասլանին` անպատճառ տեսնվել «ամենապատվական<br />
մարդու» հետ: Տարակույս չկա, որ փաշան հավատացած էր, որ առաջնորդն էլ նույն վկայությունը<br />
կտար իր <strong>մաս</strong>ին, թե փաշան ամենապատվական մարդն է, և եվրոպացի ճանապարհորդի<br />
ուղևորության տետրակի մեջ կավելանային մի քանի փայլուն խոսքեր երկրի այդ երկու բարձր<br />
ներկայացուցիչների <strong>մաս</strong>ին:<br />
Փաշան ինքը մատնեց իրան, ասելով.<br />
— Նա իմ լավ բարեկամս է և իմ եռանդոտ գործակիցս է իմ բոլոր ձեռնարկությունների մեջ: Ես<br />
կատարյալ սիրահար եմ եվրոպական կրթության, պարոն բժշկապետ: Եթե ես հրաշագործության<br />
շնորհ ունենայի, կաշխատեի մի քանի վայրկյանի մեջ մեր հայրենիքը Ֆրանսիա դարձնել: Բայց<br />
դժբախտաբար այդ անկարելի է: Մենք շատ գործ ունենք կատարելու. մենք շատ ետ ենք մնացել,<br />
այժմ ստիպված ենք թռիչքներ գործելով առաջ ընթանալ, որ հասնենք լուսավոր ժողովուրդներին:<br />
Մի թեթև ժպիտ երևաց Ասլանի դեմքի վրա:<br />
— Ժողովրդի կրթությունը կանոնավոր լինելու համար, — նկատեց նա, — հարկավոր չէ թռիչքներ<br />
գործել, այլ թողնելու է նրան, որ իր բնական ընթացքով առաջ գնա: Միայն գլխավոր պայմանը այն<br />
պետք է լինի, որ ժողովրդի հառաջադիմության ղեկը պետք է ուղիղ ճանապարհի վրա դրվի,<br />
որպեսզի նրանից չշեղվելով, ցանկացած նպատակին հասնի:<br />
37
![1 ՍԱՍՈՒՆՑԻ ԴԱՎԻԹ [էջ III] ՀԱՅԿԱԿԱՆ ՀԵՐՈՍԱԿԱՆ ԷՊՈՍԸ ...](https://img.yumpu.com/53543694/1/190x245/1-iii-.jpg?quality=85)
Change language