cylchgrawn

Llinell Wybodaeth Newydd
ar gyfer Cymraeg i Oedolion
0871 230 0017
Mae gwasanaeth (service) newydd ar gael sydd
yn arbennig ar gyfer oedolion sydd eisiau dysgu
Cymraeg – sef Llinell Wybodaeth Cymraeg i
Oedolion.
Pwrpas y llinell ydy cynnig gwybodaeth
(information) i unigolion ledled (individuals
throughout) Cymru am y Cyrsiau Cymraeg sydd
ar gael yn lleol iddyn nhw. Mae gan swyddogion
y llinell gronfa ddata (database) bwrpasol sydd
yn cynnwys manylion yr holl gyrsiau Cymraeg i
Oedolon a gynhelir (which are held) yng
Nghymru. Trwy ddefnyddio’r gronfa ddata a holi
cwestiynau pwrpasol (suitable) maen nhw’n gallu
dod o hyd i’r cwrs sydd fwyaf addas ar gyfer yr
ymholwr (inquirer).
Mae taflenni ‘Cyrsiau Haf a Phreswyl’ a ‘All you
need to know about learning Welsh’ hefyd ar
gael trwy gysylltu â’r Llinell Wybodaeth.
Mae’r gwasanaeth newydd yn hwyluso’r broses
o ddod o hyd i gwrs – fel mae hysbyseb y llinell
wybodaeth yn dweud “Help is only a phone call
away”. Felly os ydych chi’n adnabod rhywun
sydd eisiau dysgu Cymraeg cofiwch roi’r rhif ffôn
uchod iddyn nhw: neu gallant gysylltu trwy e-bost
iaith@galw.org.
Methu deall gair Cymraeg
ar y we?
Dyma’r ateb
Mae BBC Cymru yn
cynnig system
gyfieithu gyfrifiadurol
am ddim! Mae’r
system yn galluogi
geiriau sy’n
ymddangos ar
wefannau Cymraeg i
gael eu cyfieithu yn
syth i’r Saesneg.
Mae’r system a elwir
VOCAB yn galluogi
unrhyw un sy’n
anghyfarwydd â gair
ddarganfod ei ystyr
yn syth heb orfod troi at eiriadur neu glicio allan o’r
safle i chwilio mewn geiriadur ar-lein ar wahân.
Yn ôl Grahame Davies o BBC Cymru ‘Mewn
cydweithrediad â Bwrdd yr Iaith Gymraeg, mae BBC
Cymru wedi penderfynu rhannu’r fantais gyda’r holl
wefannau Cymraeg drwy gynnig y rhaglen fel
‘ffynhonnell agored’. Fe’i cynlluniwyd fel y gellir ei
defnyddio i gyfieithu o unrhyw iaith i unrhyw iaith”.
Manylion y wefan yw: bbc.co.uk/vocab
Grahame Davies
Havard a Rhiannon Gregory yn cyflwyno
Tlws Elvet a Mair Elvet Thomas i Geraint
Wilson Price am gael ei ddyfarnu’n Diwtor y
Flwyddyn.
(Ymddiheuriadau am y camgymeriadau yn
Cadwyn 48)
Ysgoloriaeth
Dan Lynn James
Scholarship 2005
£250
Dyddiad cau
Closing Date
I Ebrill/April 2005
Manylion a ffurflen gais:
Details and application form:
10 Maes Lowri, Aberystwyth
Ceredigion SY23 2AU
www.aber.ac.uk/cyd
6