POLISI CYFLE CYFARTAL

Polisïau: POLISI CYFLE CYFARTAL
POLISI CYFLE CYFARTAL
Mae CYD yn ymrwymo i gymryd camau positif i hybu a chynnal cyfle cyfartal
ymhlith ei ymddiriedolwyr, staff, a gwirfoddolwyr ac yn y gwasanaethau y
mae’n eu darparu ac yn grantiau neu ysgoloriaethau y mae yn eu dosbarthu.
Bydd staff yn cael eu cyflogi ar sail eu haddasrwydd at y gwaith y byddant yn
ei wneud, a bydd gan bawb yr un cyfle i ddatblygu a chael ei dyrchafu ar sail
eu gallu a’u dyheadau. Bydd hyn oll y digwydd beth bynnag fo’u rhyw, statws
priodasol, tueddfryd rhywiol, lliw, hil, tarddiad ethnig, cenedligrwydd, oed,
credoau gwleidyddol a chrefyddol, statws HIV neu anabledd.
Mae CYD felly yn derbyn yn llwyr, felly, gofynion statudol sydd wedi eu
cynnwys yn Neddf Gwahaniaethu ar Sail Rhyw 1975, Deddf Cysylltiadau hiliol
1976, Deddf Cyflog Cyfartal 1970, a Deddf Gwahaniaethu ar Sail Anabledd
1995, sy’n ei gwneud yn anghyfreithlon i gyflogwr neu aelod o staff
wahaniaethu yn erbyn unigolyn neu eu trin yn wahanol ar sail lliw, tarddiad
ethnig, rhyw, statws priodasol, neu anabledd.
Am y diffiniadau o Wahaniaethu uniongyrchol, gwahaniaethu anuniongyrchol,
harasio a bwlio, gweler gwefan Cyngor Gweithredu Gwirfoddol Cymru.
Cyfrifoldebau
Cyfrifoldeb corfforaethol
Bydd cyfle cyfartal yn weithredol ym mhob un o bolisïau a gweithdrefnau
CYD.
Bydd Cadeirydd CYD a phob ymddiriedolwr arall, pob aelod o staff CYD a
gwirfoddolwyr yn gyfrifol am hybu cydraddoldeb o fewn y mudiad.
Cyfrifoldeb Unigolion
Mae CYD yn disgwyl i bob person fod yn ymwybodol o’u hymddygiad tuag at
bobl eraill. Dylid trin pawb yn gyfartal, gydag urddas a pharch. Dylai pob
person sicrhau nad yw ef neu hi’n ymddwyn mewn modd y gellid ei ystyried
fel harasio, neu’n wahaniaethol, neu’n ymosodol.
Mae CYD yn disgwyl i bob unigolyn sylweddoli bod defnyddio sgiliau y
gweithlu cyfan er lles y mudiad ac aelodau ei Bwyllgor Gwaith a staff, a bod
gwahaniaethu yn annerbyniol.
Mae’n gyfrifoldeb ar bob person i roi gwybod am unrhyw achosion o
wahaniaethu neu harasio.

Dyletswyddau Rheolwyr
Mae dyletswydd ar y Pwyllgor Gwaith a staff rheoli h/n i hybu a chynnal cyfle
cyfartal trwy:
• sicrhau bod pob aelod o staff, gwirfoddolwyr, ac ymgynghorwyr yn
ymwybodol o’r polisi hwn a bod gwahaniaethu, yn uniongyrchol neu’n
anuniongyrchol, neu unrhyw fath o harasio, yn annerbyniol; gweithredu
egwyddorion cyfle cyfartal wrth weinyddu holl bolisïau a gweithdrefnau
CYD; sicrhau na wahaniaethir yn erbyn unrhyw ymgeisydd amswydd
yn uniongyrchol nac yn anuniongyrchol; sicrhau bod trefniadau i
adrodd ar bob achos o wahaniaethu neu harasio yn hysbys, a sicrhau
bod pob aelod os taff a gwirfoddolwyr yn eu dealla’u bod yn gallu eu
defnyddi heb drafferth;
• monitro achosion o wahaniaethau trwy adroddiadau i staff a’r Pwyllgor
Gwaith;
• gweithredu ar unwaith i ddileu harasio, bwlïo, neu wahaniaethu cyn
gynted ag y daw i’r amlwg; sicrhau nad oedd deunydd sarhaus neu a
all sarhau pobl yn cael ei arddangos yn y gweithle;
• creu a chadw gweithle sy’n rhydd o harasio a bwlïo.
Dyrannu grantiau
Bydd CYD yn dyrannu grantiau ac ysgoloriaethau yn unol â’r polisi hwn.
Disgwylir i ymgeiswyr am bob grant a weinyddir gan CYD ddarparu
tystiolaeth eu bod yn gweithredu polisïau cyfle cyfartal ac arferion da yn eu
holl weithgareddau.
Recriwtio a dethol
Bydd recriwtio a dethol yn digwydd yn unol â’r polisi cyfle cyfartal hwn.
Bydd pob manyleb personol yn cynnwys y gofynion hynny yn unig y gellir
eu cyfiawnhau ar gyfer perfformio’n effeithiol yn y swydd. Mae’n rhaid i
benderfyniadau yn ystod pob cam o’r broses ddethol fod yn seiliedig ar
rinweddau a galluoedd ymgeiswyr i gwrdd a’r manylebau personol. Gellir
gwneud addasiadau rhesymol yn ystod y cam cyfweld os bydd angen.
Telerau ac amodau
Mae telerau ac amodau cyflogaeth CYD yn cwrdd â gofynion y
ddeddfwriaeth cyflogaeth a’r arferion da cyfredol. Os bydd angen, gellir
cyflwyno diwygiadau ac ychwanegiadau at y telerau ac amodau cyfredol er
mwyn cwrdd â gofynion y polisi hwn. Rydym yn ymrwymo i wneud
addasiadau rhesymol i gwrdd ag anghenion staff anabl.
Datblygu staff
Bydd dethol staff i’w datblygu ymhellach yn cael ei wneud ar sail
anghenion y mudiad, y swydd, a’r unigolyn, a’r potensial i ddatblygu.
Cydnabyddir amgylchiadau person yr unigolyn, e.e. cyfrifoldebau gofal a’r
anghenion y bydd rhaid i CYD gwrdd â hwy er mwyn sicrhau bod pob
aelod o staff yn cael yr un cyfle i fanteisio ar gyfleon datblygu staff.

Goruchwylio ac arfarnu
Ymgymerir â threfniadau goruchwylio ac arfarnu ar gyfer pob aelod o staff
yn unol â’r polisi hwn.
Gweithredu’r polisi
Bydd pob ymddiriedolwr, staff, a gwirfoddolwr yn derbyn copi o’r polisi hwn
a byddant yn ymwybodol o’i gynnwys a’i ofynion trwy gyfnod o sefydlu.
Bydd yr Is-Bwyllgor Gweithredol yn monitro’r gweithredu’r polisi hwn ac yn
adrodd i’r Pwyllgor Gwaith.
Bydd y polisi hwn yn cael ei adolygu flwyddyn ar ôl ei sefydlu.
Gwahaniaethu a harasio
Dylai staff sy’n credu eu bod neu wedi dioddef gwahaniaethu neu harasio
mewn unrhyw ffordd wneud cwyn i’r Pwyllgor Gwaith. Os oes tystiolaeth o
wahaniaethu neu harasio, ymdrinnir â’r gwyn drwy weithdrefn Disgyblu y
mae copi ohono gan bob aelod o staff ac y ceir copïau ychwanegol ohono
oddi wrth y Swyddfa Ganol yn ôl yr angen. Ymchwilir i unrhyw gwyn bod y
Pwyllgor Gwaith neu unrhyw aelodau ohono wedi torri’r polisi Cyfle
Cyfartal gan aelod gweithredol a enwebir sy’n dderbyniol i’r ddwy ochr. Os
gwelir bod sail i’r gwyn gall y Pwyllgor Gwaith ofyn i’r person
ymddiswyddo.