Rhifyn 48 Hydref 2004 - Cyd

Cadwyn_16pp.qxd 12/11/04 2:59 pm Page 10
D Y S G W R Y F L W Y D D Y N L E
Profiad Cystadlu
gan Lois Arnold, Dysgwr y Flwyddyn 2004
Bob blwyddyn yn yr Eisteddfod Genedlaethol mae cystadleuaeth
o’r enw ‘Dysgwr y Flwyddyn’. Mae ITV Cymru yn
paratoi rhaglen deledu am y gystadleuaeth. Ro’n i wedi
gwylio’r rhaglen bob blwyddyn ers i mi ddechrau dysgu Cymraeg.
Weithiau ro’n i wedi breuddwydio am gymryd rhan yn y
gystadleuaeth – ac ennill! Ond do’n i ddim wedi meddwl o ddifrif
am gystadlu – dim tan eleni, pan ddaeth yr Eisteddfod i Went.
Does dim llawer o bobl yn siarad Cymraeg yn yr ardal yma, ond
mae miloedd yn dysgu. Ro’n ni eisiau i bobl weld bod y Gymraeg
yn bwysig i ni yma. Felly, cytunais i roi cynnig ar y gystadleuaeth.
Ro’n i’n teimlo’n swil ac yn nerfus, ond penderfynais fwynhau’r
profiad a chael hwyl.
Yn y rownd gyntaf roedd rhaid i ni fynd am y diwrnod i Dfl
Tredegar, safle’r Eisteddfod eleni. Daeth dysgwyr eraill o bob rhan
o Gymru ac roedd hi’n hyfryd cwrdd a siarad â nhw. Yn ystod y
dydd cawson ni gemau, cwis, sgyrsiau gan siaradwyr a lot o hwyl!
Cawson ni i gyd gyfweliad gyda’r tri beirniad, hefyd. Roedd pawb
yn nerfus, ond roedd y beirniaid yn gyfeillgar ac yn gefnogol iawn!
Ar ôl mynd adre roedd rhaid aros i glywed a o’n i wedi cyrraedd y
pedwar olaf. Faswn i ddim wedi synnu taswn i ddim wedi cael fy
newis, gan fod pawb yn siarad Cymraeg mor dda. Ond ro’n i wrth
fy modd pan glywais fy mod i wedi cyrraedd y ffeinal, a theimlais
ei bod hi’n anrhydedd fawr. Roedd pethau’n gyffrous iawn wedyn.
Daeth Nia Parry a chriw teledu i ffilmio fi ar gyfer y rhaglen.
Wedyn roedd rhaid paratoi am y rownd derfynol ar Faes yr
Eisteddfod. Roedd hi’n help mawr siarad ar y ffôn â’r tri arall oedd
yn y rownd derfynol - Jane, Alison a Nick.
Roedd hi’n boeth iawn ar ddiwrnod y ffeinal a ro’n ni i gyd
yn nerfus ac yn chwyslyd! Roedd rhaid i ni siarad ar y
llwyfan ym Mhabell y Dysgwyr. Yna cawson ni ginio
hyfryd ym Mhabell ITV a gweld y ffilm o’n nhw wedi’i
wneud amdanon ni. Wedyn yn ôl i Babell y Dysgwyr i
siarad am ein ‘trysorau’ (ro’n ni wedi dod â phethau oedd
yn bwysig i ni), ac yn olaf, cyfweliadau gyda’r beirniaid.
Lansiais i fy llyfr i ddysgwyr, ‘Cysgod yn y Coed’ hefyd,
felly roedd hi’n ddiwrnod llawn cyffro! Roedd hi’n braf
iawn wedyn cael mynd i fy mhabell ar y Maes Carafannau
i orffwys, cyn newid a mynd i’r Noson Wobrwyo.
Roedd hi’n noson hyfryd pan gyrhaeddon ni’r gwesty ac
roedd pawb yn ymlacio, yn yfed gwin ac yn mwynhau –
pawb ond Alison, Jane, Nick a fi! Ond o’r diwedd daeth
yr amser i’r beirniaid gyhoeddi pwy oedd wedi cael ei
ddewis fel Dysgwr y Flwyddyn 2004. Ces i sioc pan
glywais fy enw i! Ces i dlws hyfryd yn wobr a chafodd
y pedwar ohonon ni sawl gwobr arall, gan gynnwys
aelodaeth o Cyd.
Os dych chi’n ffansio rhoi cynnig ar y gystadleuaeth yn y dyfodol,
ewch amdani! Mae’n llawer o hwyl ac mae’n brofiad
bythgofiadwy.
GEIRFA
cystadleuaeth
Ro’n i wedi
ers i mi ddechrau
roi cynnig
Faswn i ddim wedi synnu
taswn i ddim wedi cael fy newis
Ro’n i wrth fy modd
Pan glywais i fy mod wedi cyrraedd
ewch amdani
profiad bythgofiadwy
competition
I had … (pluperfect)
since I started
give it a try
I wouldn’t have been
surprised
if I hadn’t been chosen
I was delighted
When I heard that I
had reached …
go for it
unforgettable
experience
10