cylchgrawn

Cadwyn_16pp_47.qxd 27/5/04 10:59 am Page 4
G˘yl Merched y Wawr 2004
Cystadleuaeth y Dysgwyr - paratoi tâp rhwng 5 a 10
munud gydag Aelod o Ferched y Wawr yn holi.
Mike Hughes oedd y beirniad, enillydd gwobr “Tlws y
Dysgwyr”, Eisteddfod Genedlaethol Maldwyn a’r Gororau.
Dwedodd mai’r rhai mwyaf llwyddiannus oedd y dysgwyr sy’n
ymdoddi i’r gymdeithas trwy ymaelodi â gwahanol fudiadau ac
yn gwneud defnydd cyson o’r iaith.
Yn fuddugol Nick Dunkley, holwraig Medi James,
Cangen Tal-y-bont, Ceredigion
Sgwrs gwbl naturiol rhwng dwy sy’n casglu a pharatoi
deunydd i’r Papur Bro. Trafodwyd natur yr erthyglau a
gasglwyd, pwy sy’n gyfrifol am beth, o ble maen nhw’n cael
erthyglau/newyddion o fis i fis, a’r profiad o ddefnyddio y
camera digidol. Roedd yn ceisio meddwl am ffyrdd o ddenu
dysgwyr i fod yn rhan o’r broses o baratoi papur bro a denu
cynulleidfa o ddarllenwyr newydd. Mae’n canmol cefnogaeth
y Cymry Cymraeg ac yn diolch iddynt am eu cefnogaeth.
Yr 2il oedd Jane Greene, yr holwraig oedd Stella
Treharne, Cangen Pont-y-berem
Roedd Jane yn sôn am ei chefndir. Dechreuodd ddysgu
Cymraeg ar y cwrs WLPAN yn 2000 yn Llanelli. Er bod ei
thad a’i mam yn siarad Cymraeg fel iaith gyntaf cafodd hi a’i
brawd eu magu yn ddi-Gymraeg yn Nyfnaint. Mae’n manteisio
ar bob cyfle i siarad Cymraeg â’i phlant sy’n mynychu yr
Ysgol Gynradd yn y Tymbl, sy’n rhugl yn y Gymraeg. Mae’n
gweithio yn Cwtsh y Gloyn, lle mae cael cyfle i gwrdd â llawer
o bobl a phlant a thrafod llyfrau Cymraeg.
Y 3ydd oedd Linda Gay, yr holwraig oedd Mary Thomas,
Cangen Rhydypennau
Cafwyd hanes y teulu’n symud i ardal Aberystwyth ar ddiwedd
y 70au oherwydd gwaith ei g˘r. Dyna pryd y dechreuodd
ddysgu Cymraeg. Yn 1996 symudon nhw i Gaergrawnt a byw
yno am 5 mlynedd ond roedd hiraeth arnynt a dychwelyd yn ôl
i Bow Street. Hi yw Ysgrifenydd Cangen Cyd Aberystwyth ac
mae’n trefnu rota o siaradwyr rhugl i ddwad i sgwrsio efo’r
dysgwyr. Mae’n falch o’r cyfle i sgwrsio yn Gymraeg efo’i
chymdogion a’r siopwyr yn ei bro.
MERCHED Y WAWR A CHLYBIAU GWAWR
MUDIAD CENEDLAETHOL I FERCHED CYMRU
1 Pwy yw Merched y Wawr?
Merched o bob oedran
Croeso cynnes i ferched sy'n dysgu Cymraeg i ymuno.
2. Ble mae'r canghennau?
Mae dros 275 o ganghennau a chlybiau yng
Nghymru, ac yn sicr mae cangen
neu glwb lleol i chwi. Cysylltwch â'r Ganolfan
Genedlaethol am fwy o fanylion ar y rhif ffôn
canlynol 01970 611661
3. Pryd mae'r clybiau a'r canghennau yn cyfarfod?
Unwaith y mis gan amla er mae llawer o
weithgareddau ychwanegol yn cael ei
cynnal yn ystod y flwyddyn.
4. Beth mae nhw'n wneud?
Pob math o bethau! - Coginio, crefftau, ciniawa,
teithiau, chwaraeon, darlithiau, cynorthwyo
elusennau eraill, canu, cwisiau, pryd ar glud - CHI
fydd yn penderfynu.
5. Pam ddylwn i ymuno?
Dyma gyfle i gymdeithasu a gwneud rhywbeth
cadarnhaol trwy gyfrwng y Gymraeg. Dyma gyfle i
hyrwyddo Cymreictod yn eich ardal chi a chael
hwyl wrth wneud hynny.
6. Mae Merched y Wawr yn ymgyrchu dros
hawliau'r iaith Gymraeg a hawliau merched.
Maent yn:
cyhoeddi cylchgrawn ‘Y Wawr’
wedi sefydlu ysgolion meithrin
cefnogi yr ymgyrchoedd dros S4C a Deddf Iaith
Coffâu'r Dywysoges Gwenllian
adnewyddu tfl'r anabl yn Nant Gwrtheyrn
codi arian at gancr y fron
cefnogi gwragedd fferm Cymru
tapio casetiau ar gyfer y deillion
addysgu am warchod ein amgylchedd
7. Mae llawer iawn o ddysgwyr sy’n ymuno â
Merched y Wawr yn mwynhau cymdeithasu.
Beth am ymuno yn yr hwyl?
Cysylltwch â Canolfan Genedlaethol Merched y
Wawr, Stryd yr Efail,
Aberystwyth, Ceredigion SY23 1JH
Ffôn: 01970 611661 Ffacs: 01970 626620
Mike Hughes, Nic Dunkley, Medi James
4