cylchgrawn

Cadwyn_16pp_47.qxd 27/5/04 10:35 am Page 11
GWERSYLL YR URDD, Y BALA
Dach chi wedi sylwi pan mae dysgwyr Cymraeg yn
ymgynnull maen nhw’n cael hwyl. Wel doedd
Penwythnos Cyd yn Y Bala ddim yn wahanol.
Ar ôl brecwast dydd Sadwrn mi aethon ni mewn can˘
ar Lyn Tegid. Pan oedden ni’n hapus ac yn si˘r na
fydden ni ddim yn suddo, mi wnaethon ni ddechrau
canu caneuon Cymraeg. Mi alwon ni ar y can˘au
eraill a mi benderfynon ni gael ras yn ôl i lan y llyn.
Wrth gwrs enillodd ein can˘ ni!
Wedyn mi adeiladon ni rafft o bedwar o farilau a
rhaff, ond pan oedd gofyn i ni eu rhoi nhw yn y llyn
ac eistedd arnyn nhw, wel dôn i ddim mor si˘r.
Beth bynnag, aeth pedwar ohonon ni ar y rafft a
wnaeth o ddim suddo, diolch byth.
Wedyn roedden ni’n medru dewis
rhwng wâl ddringo a thaith ar y llyn
mewn cwch modur. Mi ddewises i’r
daith ar y llyn. Roedd y nefoedd yn
agor pan oedden ni ar ganol y llyn a mi
gaethon ni ein gwlychu. Roedd rhaid i
ni fynd i lan y llyn mewn cwch bach a
gweiddodd merch yn ein gr˘p i’r dyn yn
y cwch bach “Take me, take me.”
Dwedon ni wrthi hi “Sgen ti ddim
cywilydd?”!
Roedd pawb isio bwyd ar ôl y
gweithgareddau, ond doedden ni ddim yn
medru ymlacio. Roedd rhaid i ni siarad
Cymraeg efo ein hyfforddwr.
Roedd hi’n rhy wyntog i hwylio yn y prynhawn, felly mi benderfynon
ni fynd i dre Y Bala i ymarfer siarad Cymraeg. Aeth tri ohonon ni i
mewn i siop lyfrau a dechreuon ni siarad efo’r perchennog. Roedd hi
mor gyfeillgar ac mi arhoson ni yno a siaradon ni am amser maith efo
hi. Roedd yn brofiad hyfryd iawn.
rned
Roedd bore dydd Sul yn stormus ac yn wlyb. Roeddden ni i fod i fynd am dro, ond
mi benderfynon ni drio datrys problemau. Roedd rhaid i ni ddefnyddio planciau a theiar i groesi afon
ddychmygol oedd yn llawn o siarcod. Yn anffodus mi wnes i farw droeon!
Roedd penwythnos Cyd yn arbennig iawn. Roedd pawb yn glên, roedd Glan-llyn a’r hyfforddwyr yn
wych a doedd hyd yn oed y tywydd ddim yn difetha’r penwythnos.
Magi Bebb
11