mkutano wa kumi yatokanayo na kikao cha nne - Parliament of ...

JAMHURI YA MUUNGANO WA TANZANIA
BUNGE LA TANZANIA
MKUTANO WA KUMI
YATOKANAYO NA KIKAO CHA NNE
(DAILY SUMMARY RECORD OF PROCEEDINGS)
OFISI YA BUNGE
S. L. P 941
DODOMA
1 FEBRUARI, 2013

YATOKANAYO NA KIKAO CHA NNE
(DAILY SUMMARY RECORD OF PROCEEDINGS – FOURTH SITTING)
TAREHE 1 FEBRUARI, 2013
I. DUA:
Saa 3.00 Asubuhi Dua ilisomwa na Mhe. Naibu Spika na kikao
kilianza.
MAKATIBU MEZANI - Ndg. Charles Mloka
- Ndg. Lawrence Makigi
- Ndg. Lina Kitosi
II.
MASWALI:
Maswali yafuatayo yaliulizwa na kujibiwa:
(i) OFISI YA WAZIRI MKUU - SWALI NA. 40
(ii) WIZARA YA ARDHI, NYUMBA NA MAENDELEO YA MAKAZI -
SWALI NA. 41
(III)
WIZARA YA HABARI, VIJANA, UTAMADUNI NA MICHEZO - SWALI
NA. 42 & 43
(IV) WIZARA YA MAMBO YA NDANI YA NCHI - SWALI NA. 44 & 45
(V) WIZARA YA VIWANDA NA BIASHARA - NA. 46
(VI) WIZARA YA MAENDELEO YA MIFUGO NA UVUVI - SWALI NA. 47
(VII) WIZARA YA UJENZI - SWALI NA. 48 & 49
(VIII) WIZARA YA UCHUKUZI - SWALI NA. 50
(IX) WIZARA YA NISHATI NA MADINI - 51
(X) WIZARA YA KILIMO, CHAKULA NA USHIRIKA - SWALI NA. 52
Mhe. Yussuf Haji Khamis wakati akiuliza Swali Na. 42 Wizara ya
Habari, Vijana, Utamaduni na Michezo aliliarifu Bunge juu ya ajali ya
Boti ya mbao iliyokuwa imebeba watu 30 ikitokea Nungwi ambapo
watu 21 waliweza kuokolewa na wengine wanaendelea kutafutwa.
Mhe. Naibu Spika alitoa salamu za pole kwa niaba ya Bunge kufuatia
ajali hiyo.
Mhe. William Lukuvi, (Mb) Waziri wa Nchi, Ofisi ya Waziri Mkuu Sera,
Uratibu na Bunge alisimama kwa Mujibu wa Kanuni ya 72 (1) na
kumuomba Mhe. Naibu Spika atumie Kanuni ya 72(1) ya
kuwakumbusha Wabunge kutumia maneno stahiki katika michango
yao. Hii ilitokana na mchango alioutoa Mhe. Felix Mkosamali
alipokuwa anauliza swali la nyongeza lililohusu barabara Jimboni
kwake ambapo aliomba kupewa ufafanuzi iwapo Mhe. Rais alikuwa
muongo wakati akitoa ahadi hiyo.
2

Mhe. Naibu Spika alimruhusu Mhe. Tundu Lissu na Mhe. David
Kafulila kutoa ufafanuzi juu ya jambo hili ambapo wote kwa pamoja
walibainisha kuwa alichokisema Mhe. Mkosamali kuwa ni sahihi na
wala hakikulenga kumchafua Mhe. Rais kama Mhe. Lukuvi
alivyodhani. Aidha, Mhe. Naibu Spika alimwomba Mhe. Mkosamali
kujieleza juu ya jambo hili na ndipo Mhe. Naibu Spika alihitimisha kwa
kuwakumbusha Wabunge kuwa makini na kauli zao.
III.
MATANGAZO:
(a)
Wageni:
Wageni mbalimbali walitambulishwa Bungeni.
(b)
Kazi:
Mhe. Edward Lowassa, (Mb) aliwatangazia Wajumbe wa
Kamati ya Mambo ya Nje, Ulinzi na Usalama kuwa watakuwa
na kikao saa 7.00 mchana.
IV.
HOJA BINAFSI ZA WABUNGE:
Hoja ya Mhe. James F. Mbatia (Mb) kuusu udhaifu uliopo katika Sekta
ya Elimu nchini.
1. Mhe. Shukuru Kawambwa (Mb) – Waziri wa Elimu na Mafunzo ya
Ufundi alichangia hoja hiyo kwa kutoa ufafanuzi wa michango ya
Wabunge juu ya hoja husika.
2. Mhe. James Mbatia (Mb) aliombwa kuhitimisha hoja yake ila awali
alisita kwa kuweka sharti kwa Waziri wa Elimu na Mafunzo ya
Ufundi kuweka kwanza nakala za Mitaala ya Elimu Mezani ndipo
yeye ahitimishe hoja yake kwa kuzingatia ufinyu wa muda na
kwamba kuna hoja nyingine mpya inatakiwa kuwasilishwa. Kwa
kuwa Mhe. Mtoa hoja alisisitiza juu ya kupewa nakala ya Mitaala
ndipo ahitimishe hoja yake, na pamoja na kwamba Mhe. Naibu
Spika alimsihi ahitimishe kwa kuwa Serikali itatekeleza ombi lake.
Mhe. Mbatia alitumia Kanuni ya 69(1) na kuomba hoja yake
iahirishwe. Ndipo Mhe. Naibu Spika alitumia Kanuni ya 69(2) na
kuamua kadri alivyoona inafaa kuwa hoja hiyo imehitimishwa
rasmi. Hivyo aliwahoji Wabunge kama wanaafiki mapendekezo
yaliyotolewa kikao cha jana, waliojibu NDIO walishinda na hoja
ikahitimishwa rasmi.
3

V. HOJA BINAFSI ZA WABUNGE:
Hoja ya Mhe. Dkt. Hamis Andrea Kigwangala (Mb) kuhusu Azimio la
kuitaka Serikali ianzishe Mpango Maalum wa Kukuza Ajira kwa Vijana
kwa kuanzisha Mfuko wa Mikopo ya Vijana wanaowekeza kwenye
Kilimo na Viwanda vyenye uhusiano wa moja kwa moja na kilimo.
Mhe. Gaudensia Kabaka (Mb) - Waziri wa Kazi na Ajira alichangia hoja
ya Mhe. Kigwangala pamoja na kuwasilisha mapendekezo juu ya
mabadiliko katika hoja iliyotolewa.
Waheshimiwa waliochangia hoja hii ni:
1. Mhe. Christopher Ole-Sendeka, Mb – Simanjiro
2. Mhe. Ester Bulaya, Mb – Viti Maalum.
VI.
KUAHIRISHA BUNGE:
Mhe. Naibu Spika aliahirisha Bunge saa 7.00 mchana hadi hapo saa
11.00 jioni.
Aidha, Mhe. Naibu Spika alitolea uamuzi suala la Mhe. Mbatia kwa
kuiagiza Serikali kuleta nakala za Mitaala ya Elimu kama alivyokwisha
omba.
VII.
BUNGE KUREJEA:
Bunge lilirejea saa 11.00 jioni na Mhe. Job Ndugai, (Mb) - Naibu Spika
aliongoza Kikao.
VIII.
HOJA BINAFSI ZA WABUNGE:
Majadiliano yaliendelea na Wabunge wafuatao walichangia hoja hiyo:-
3. Mhe. Ester Bulaya (Mb) – Viti Maalum:
Aliwasilisha jedwali la marekebisho ili kurekebisha hoja
zilizowasilishwa na Mhe. Gaudensia Kabaka, (Mb), Waziri wa Kazi
na Ajira.
4

4. Mhe. Dkt. Hamisi Kigwangala, (Mb) – Nzega:
Alichangia tena hoja yake kwa kuafiki mapendekezo ya hoja yake
yaliyowasilishwa na Mhe. Ester Bulaya.
5. Mhe. Naibu Spika alilihoji Bunge kama linaafiki mapendekezo hayo
na Bunge liliyapitisha mapendekezo hayo.
6. Mhe. Peter Msigwa, (Mb) – Iringa Mjini.
7. Mhe. James Mbatia (Mb) – Kuteuliwa aliomba Mwongozo kwa
mujibu wa Kanuni ya 63(1) na 55(3) (f) kuhusu hoja aliyoiwasilisha
ambapo alidai kupatiwa nakala ya mitaala ya elimu.
8. Mhe. Riziki Lulida (Mb) – Viti Maalum
9. Mhe. Mariam Msabaha (Mb) – Viti Maalum
10. Mhe. Mendrad Kigola (Mb) – Nufindi Kusini
11. Mhe. John Mnyika (Mb) – Ubungo
12. Mhe. David Kafulila (Mb) – Kigoma Kusini
13. Mhe. Anne K. Malechela – Same Mashariki
14. Mhe. Rukia Ahmed (Mb) – Viti Maalum
15. Mhe. Tundu Lissu (Mb) – Singida Mashariki
16. Mhe. Jenista Mhagama (Mb) – Peramiho.
- Mhe. Naibu Spika alimpa nafasi Mhe. Kilufi kuliarifu Bunge juu ya
ajali iliyotokea huko Mbarali ambayo ilihusisha lori lililokuwa
limebeba vijana ambao ni vibarua karibu mia moja (100).
- Mhe. Naibu Spika aliendelea kuwakumbusha Wabunge kutumia
lugha stahiki katika michango yao na pia Wabunge wavumiliane.
- Kuhusu Mwongozo uliotolewa na Mhe. Mbatia, Mhe. Naibu Spika
aliliarifu Bunge kuwa Mitaala italetwa Bungeni kabla ya Mkutano
huu wa Kumi kwisha.
VII.
KUAHIRISHA BUNGE:
Mhe. Naibu Spika aliahirisha Bunge saa 1.45 jioni hadi Jumatatu saa
3.00 asubuhi.
DODOMA
DKT. T. D. KASHILILAH
31 JANUARI, 2013 KATIBU WA BUNGE
5