Aerie InternationaL - Missoula County Public Schools

eiman romanius
southern africa, namibia, otjiwarongo
Tita ge a!gan/gôa
Ā, mû ta ge ra âitets tasa
/Apoxawaba xu ta ra ‡û // aeb ai
Sa ui-uisa aisa ti !oa
Tsî t’ra // nâu sa uixaba
Sa !oa ta ge / apob hîa / apoxawab !nâ ao‡gāhe hâb khemi ī.
Xawets ‡an tare-i !aroma ta !gangu !nâ ra hâsa?
Tare-i !aromab !ganna ti //khā//khā!nā-omsa?
‡Âi!gâre!
/Khowemâb ai ta ra ûi!kharu, aodo mâ!khaigu tawa !nari-aoga nape, audode//ā.
/Gui// ae ta ge /on-e ūhâ i – ti ‡hunumasa.
Nēsisa da ge tita tsî /hosan tsîda /gui /onsa ūhâ - !gan/gôan.
Ti în tsî / aokhoen xa ta ge //orehe
HIV/Aids xa ta de !guni/gôa tsî huisen//oase !hūbaib !nâ
//nāxūhe.
/Gâb, /khurub, dâu!khūdi, /û/khāhes !ganga !oa //garite.
Ûib /ūsa ‡gās ai xūmâite.
/Hōsana ta !gangu ai ūhâ.
‡Gui xūna da ūhâ /goragu da rana:
!Âs, !aob, hâ!khai-osiba,
/Khai!nâ kartondi !nâ //omma.
//Khore t’ran ge, /gamsa !anu kharob, /gamsa ‡û-i tsî ti ‡hunuma
/ons /namma.
//Khore ta ra in tita /kha âi, âi‡uis ose.
Tari-e !ganga xu nî ū‡uite?
‡Âis !nâ ūhâ re, //aris ‡gae‡gui-ao ta ge.
//Îta, tita ûiba !ganga xu ge //khā//khāsenta.
Tsî nēsi !gan‡an hâta.
10