Awra Amba RJ 300612 EN - Contacter un comité local d'Attac

አጭር መግለጫ
የሥራው ክፍፍያ የሚደረገው በፆታ ሳይሆን በችሎታ ብቻ ነው። እስካሁን የተካሄደው ጥናት እንደሚያመለክተው ፥ ባልና ሚስት
በምርትም ሆነ በማንኛውም ሀላፊነት ላይ እኩል ናቸው።
ጋብቻ የሠርገኞቹ ጉዳይ ነው ። ቤተሰቦቻቸውን የሚመለከት ነገር ምንም የለም ። የተመዘገበው እስታቲስቲክስ ግልጽ አድርጎ የአውራ
አምባ ወጣቶች በልጅነት እድሜአቸው ለጋብቻ እንድማይዳረጉ ያሳያል ። ባብዛኛው ሴቶቹ ከ 19 እስከ 20 ዓመታቸው ሲያገቡ ፥
ወንድቹ ደግሞ ከ20 እስከ 25 ባለው እድሜአቸው ያገባሉ ። በክፍለ ሀገር የሚገኘው አርሶ አደር ህዝብ ግን ፥ ከ10 እስከ 14 ዓመት
ካላቸው ልጅች መሀል ከወንድቹ 5 % ፡ ከሴቶቹ 8 % የሚሆነው በጋብቻ ኑሮ ተረማርተው ይገኛሉ ። በወሊድም ቢሆን የአውራ አምባ
ቤተሰብ ውስጥ የልጅ ብዛት ከሌላው በቁጥር አንድ ይቀንሳል ። መፋታትም ቢኖር ፥ በስምምነት ከመካሄዱም በላይ ባልና ሚስት
ንብረታቸውን በእኩል ይካፈላሉ ።
መተባበርና መከባበርን ልጆች በተለይ እንዲገነዘቡት ግዴታቸው በሶስት ይከፈላል ፥ ይኸውም ትምህርት ቤት መሄድ ፡ መጫወትና
የኅብረት ሥራ ማህበሩን በሥራ ማገዝ ። ይሁን ብንጂ በቤት ሥራም ሆነ በእርሻ ሥራ ተሳትፎአቸው በጣም አነስተኛ ነው ። ሁሉም
ለረዥም ዓመታት ትምህርት ቤት ይሄዳሉ ፡ ከትምህርት ቤትም ውጪ ጥናታቸውን እንዲከታተሉ ይጋበዛሉ ። የኅብረ ሰቡ ትብብር በወሊድ
ላይ ያሉ ሴቶችንም ሆነ በሽተኞችንና አዛውንቶችን ይንከባከባል ።
የቀብር ሥነስርአትን በሚመለከትም ፡ የአውራ አምባ ኅብረ ሰብ እንደአማራው በለቅሶና ሀዘን ብዙ ሀይልና ጊዜ አያጠፋም ፥ የነወሰኑ
ሰውች ተመድበው በተወሰነ ጊዜ ሥርአቱን ያካሂዳሉ ። የአውራ አምባ ኅብረ ሰብ ባህል ፡ ከሞቱ በኃላ ህይወት አለ ብሎ ስለማያምን
የምድርን ኑሮ ያበልጣል ።
በባልና ሚስትም ሆነ በኅብረተሰቡ መሀል የሚከሰተውን ችግር ለማቃለል የተወከሉት የተለያዩ የፍርድ ኮሚቴዎች ስኬታማ ውጤት
ያስገኛሉ ።
በመቀጠል ፡ የአውራ አምባ ኅብረተ ሰብ ልዩ የሆነ አመለካከት የሚሰጠውን የትምህርት ስነ ሥርአት በዝርዝር እናብራሪለን ። ትምህርት
ኅብረተ ሰቡን ወደ ፊት ሰማስኬድ ብቻ ሳይሆን እያንዳዱን ግለሰብ ከፍ የሚያደርግ ነው ። በመጀመሪያ አውራ አምባ ራስን በራስ
ማስተማር የሚቻልበትን ሁናቴ ለአዋቂዎች ብቻ ሳይሆን በተለይ ትምህርት ላልጀመሩ ለታዳጊ ልጆችና ለሌሎቹም ከትምህርት ቤት ውጪ
አመቻችቶአል ። ይህ ትምህርት የሚካህደው በእድሜ ጠና ባሉ ወጣቶችና በሰፈሩ አዋቂዎች ሲህን ፥ የህፃናት መዋያና የተመላ
መጽሐፍት ቤትን ያካተተ ነው።
ለትምህርት የደረሱ ልጆች ሁሉ ይማራሉ ። ንቁና አጥኚ ከመሆናቸውም በላይ ፡ የስብሰባ መድረክ ላይ ሀሳባቸውን ለመስጠት አያፍሩም ፥
ነገር ግን ከሌላ መንደር ልጆትች ጋር እምብዛም አይገናኙም ። አስተማሪዎቹም የአውራ አምባ ተማሪዎች ከሌሎቹ በጣም የላቁ ተጣጣሪና
ተባባሪ መሆናቸውን ይመሰክሩላቸዋል ። በዚህም ምክንያት የንምህርት ደረጃቸው ከሌሎቹ በጣም ከፍ ያለ ከመሆኑም በላይ ፡ በሴቶችና
ወንዶች መሀልም ብዙ ልዩነት አይታይም ።
ከዚህ በመቀጠል የምናተኩረው የአውራ አምባ አባላት ከአካባቢአቸው ነዋሪዎች ጋር ያላቸውን ጥርጣሬ የተመላበት ግኑኝነት ላይ ይሆናል
። የአውራ አምባ ነዋሪ በአካባቢው ህዝብ አቅጣጫውን እንድሳተ ሚስጥረኛ ጨካኝ ሰነፍና ሀይማኖተ ቢስ ሆኖ ይታያል ፥ የአውራ አምባ
ኅብረሰብም ከጎረቤቶቹ ጋር ቅርበት የለውም። ይህ ጥርጣሬ የተከሰተው በሁለቱ መሀል ከፍተኛ የባህል ልዩነት በመኖሩና ፡ ቀደም ሲል
መፍትሄ ያላገኘው አሰከፊ ያለመግባባት ነው ። በዛሬው ወቅት ችግሩ ቀዝቀዝ ያለ ይመስላል ። በሌላ በኩል ደግሞ አውራ አምባ ከክፍለ
ሀገሩና ከኢትዮጵያ ባለሥልጣናት ጋር ያለው ግንኙነት በጣም የላቀ ነው ። አውራ አምባ ብዙ እንግዶችን ያስተናግዳል ፥ በብዙ ቦታም
እንደ ምሳሌ ይጠራል ።
በመደምደሚያ ማሳየት የምንሞክረው ፡ በአለም ላይ የሕልም እንጀራ መስሎ የሚታየው የሰዎች በእኩልነትና በክብር ተዋዶ የመኖርን
ስሜት በመከተል ፡ ይህ አመለካከት የሰው ልጅ ለነፃነቱ ለሚያደርገው ትግል አስተዋጽዎ እንዳለው ነው ። እየተገነቡ ያሉ ፡ ኃላ ቀር
የሚባሉት ሀገሮች ላይ ለሚደረገው ግንባታ ጭማሪ ያመጣል ። ሰለሆነም አውራ አምባ በብዙ መልኩ ፡ ለአካባቢውም ሆነ ለኢትዮጵያ፡
ከዚያም አልፎ ለአውሮፓና ለመላው ዓለም ለሚደረገው የነጻነት እንቅስቃሴ ምሳሌ ሆኖ ሊጠቀስ ይችላል ። ይሁን እንጂ ፡ ይህ አስደናቂ
ኅብረተሰብ ዘለቄታማ ለመሆን ብዙ ችግሮችን መወጣት ይኖርበት ይሆናል። በተለይም ከኅብረተሰቡ ውጪ ጋብቻ ስለማይፈጸምና
ከክስሳቸው ውጪ ካለው ብኄረሰብ ጋር ግንኙነት ስለሌላቸው ። በመጨረሻ ይህንን የኑሮ ስልት የበለጠ ለመረዳትና ብሎም ለማስፋፋት
ይረዳ ዘንድ አንዳንድ ለጥናት የሚሆኑ ነጥቦችን ለማሳየት እንሞክራለን ።
የዚህ ዘገባ ዋና ኅትመት በፈረንሳይኛ ነው ።
9 / 85