spirit and healing in africa - University of the Free State

Vier pneumatologiese sketse van genesing word aangebied. Hierdie vier sketse is fragmente van
taal oor God en genesing, omdat die moontlikheid van ‘n omvattende verhaal van God en
genesing vermy moet word. Die studie streef daarna om aspekte soos kontekstualiteit, nieessensialisme,
diversiteit, openheid en partikulariteit te waardeer. Die implikasie is dat die vier
pneumatologiese sketse kontradiktories mag wees, maar nie wedersyds uitsluitend nie; dit
beteken dat elke fragment na die verskeidenheid van maniere verwys waarop die Gees genesing
in die menslike lewe kan bring.
Die vier profiele toon aan dat Gereformeerde taal oor Gees en genesing ontwikkel kan word op
grond van die motiewe van relasionaliteit, transformasie, kwaliteit van lewe en krag. Dit word
voorgestel dat Gereformeerde pneumatologiese perspektiewe op genesing die volgende kan
insluit: (1) die herwinning van die identifikasie van die Gees as band van liefde en as ekstatiese
God wat God se relasionele lewe aan die skepping kommunikeer; (2) die fokus op die
disoriënterende en kontra-kulturele werk van die Gees van aanneming; (3) die Bybelse idee dat
die Gees, die asem van lewe, die broosheid van die lewe herdefinieer as kwaliteit en skoonheid;
en (4) die ontwikkeling van die idee dat die Gees krag nuut verstaan en opstandingslewe bied na
nie-oorlewing, selfs in hierdie lewe.
320