ritualeromanumtheroma nritual - Archbishop Lefebvre

Ego auctoritáte Dómini nostri Jesu Christi, et Apostolórum Petri et Pauli, et mihi commíssa, do tibi (vobis) hábitum
Religiónis beátæ Maríæ de Mercéde, propter devotiónem, quam geris (géritis) ad sacratíssimam et immaculátam
Matrem Dei Maríam, et Ordinem ejus sub nómine fundátum: cum quo in præsénti grátiam Spíritus Sancti adipísci
váleas (valeátis), et in futúro sæculo glóriam ætérnam, quæ præmium est electórum. In nómine Patris, et Fílii, + et
Spíritus Sancti. R. Amen.
Postea dicatur Hymnus Veni, Creátor Spíritus, etc., ut supra, pag. 489.
[Hymn given here]
Hymnus
Veni, Creátor Spíritus,
Mentes tuórum vísita,
Imple supérna grátia,
Quæ tu creásti péctora.
Qui díceris Paráclitus,
Altíssimi donum Dei,
Fons vivus, ignis, cáritas,
Et spiritális únctio.
Tu septifórmis múnere,
Dígitus Patérnæ déxteræ,
Tu rite promíssum Patris,
Sermóne ditans gúttura.
Accénde lumen sénsibus,
Infúnde amórem córdibus,
Infírma nostri córporis
Virtúte firmans pérpeti.
Hostem repéllas lóngius,
Pacémque dones prótinus:
Ductóre sic te prævio
Vitémus omne nóxium.
Per te sciámus da Patrem,
Noscámus atque Fílium:
Teque utriúsque Spíritum
Credámus omni témpore.
Deo Patri sit glória,
Et Fílio, qui a mórtuis
Surréxit, ac Paráclito,
In sæculórum sæcula. Amen.
V. Emítte Spíritum tuum, et creabúntur.
R. Et renovábis fáciem terræ.
V. Salvum (-am) fac servum tuum (ancíllam tuam).
R. Deus meus, sperántem in te.
Pro uno vel una