ritualeromanumtheroma nritual - Archbishop Lefebvre

_______________________
3
BENEDICTIO ET IMPOSITIO
SCAPULARIS SANCTISSIMÆ TRINITATIS
Propria Ordinis Ssmæ Trinitatis Redemptionis Captivorum
Suscepturus Scapulare genuflectit; et Sacerdos, indutus superpelliceo et stola albi coloris, dicit:
V. Adjutórium nostrum in nómine Dómini.
R. Qui fecit cælum et terram.
V. Dóminus vobíscum.
R. Et cum spíritu tuo.
Orémus. Oratio
Pro uno vel una
Dómine Jesu Christe, qui tégumen nostræ mortalitátis indúere dignátus es: obsecrámus imménsam tuæ largitátis
abundántiam; ut hoc genus vestiménti, quod sancti patres ad innocéntiæ et humilitátis indicium abrenuntiántes sæculo
ferre sanxérunt, tu ita bene + dícere dignéris, ut hic fámulus tuus N., qui (hæc fámula tua N., quæ) hoc indútus (-a)
fúerit vestiménto, te quoque indúere mereátur: Qui vivis et regnas per ómnia sæcula sæculórum. R. Amen.
Orémus. Oratio
Pro pluribus
Dómine Jesu Christe, qui tégumen nostræ mortalitátis indúere dignátus es: obsecrámus imménsam tuæ largitátis
abundántiam; ut hoc genus vestiménti, quod sancti patres ad innocéntiæ et humilitátis indicium abrenuntiántes sæculo
ferre sanxérunt, tu ita bene + dícere dignéris, ut hi fámuli tui N. et N., qui (hæ fámulæ tuæ N. et N., quæ) hoc indúti
(-æ) fúerint vestiménto, te quoque indúere mereántur: Qui vivis et regnas per ómnia sæcula sæculórum. R. Amen.
Mox aspergit Scapulare aqua benedicta.
Deinde subjungit:
V. Adjutórium nostrum in nómine Dómini.
R. Qui fecit cælum et terram.
V. Dóminus vobíscum.
R. Et cum spíritu tuo.
Orémus. Oratio
Pro uno vel una
Adésto, Dómine, supplicatiónibus nostris: ut hunc fámulum tuum (hanc fámulam tuam), cui in tuo nómine hábitum
Religiónis sanctíssimæ Trinitátis impónimus, tu ita bene + dícere dignéris; ut te largiénte devótus (-a) persístat, et vitam
cónsequi mereátur ætérnam. Per Dóminum nostrum Jesum Christum Fílium tuum: Qui tecum vivit et regnat in unitáte
Spíritus Sancti Deus, per ómnia sæcula sæculórum. R. Amen.
Orémus. Oratio
Pro pluribus
Adésto, Dómine, supplicatiónibus nostris: ut hos fámulos tuos (has fámulas tuas), quibus in tuo nómine hábitum
Religiónis sanctíssimæ Trinitátis impónimus, tu ita bene + dícere dignéris; ut te largiénte devóti (-æ) persístant, et vitam
cónsequi mereántur ætérnam. Per Dóminum nostrum Jesum Christum Fílium tuum: Qui tecum vivit et regnat in unitáte
Spíritus Sancti Deus, per ómnia sæcula sæculórum. R. Amen.
Nunc imponit Scapulare, dicens: