The Scottish songs - National Library of Scotland

688
—
It wouldna give me meikle pain,
Gin we were seen and heard by Dane,
To tak a kiss or grant you ane
But gudesake ! no before folk.
Behave yoursell before folk,
Behave yoursell before folk,
Whate'er you do when out of view,
Be cautious aye before folk.
Consider, lad, how folks will crack,
And what a great affair they'll mak
O' naething but a simple smack
That's gien or taen before folk.
Behave yoursell before folk,
Behave yoursell before folk.
Nor gie the tongue o' auld or young
Occasion to come o'er folk.
I'm sure wi' you I've been as free,
As ony modest lass should be,
But yet it doesna do to see
Sic freedom used before folk.
Behave yoursell before folk,
Behave yoursell before folk,
I'll ne'er submit again to it
So mind you that—before folk.
Ye tell me that my face is fair
; :
; ;
It may be sae—I dinna care
But ne'er again gar't blush sae sair
As ye hae done before folk.
Behave yoursell before folk,
Behave yoursell before folk.
Nor heat my cheeks wi' your mad freaks,
But aye be douce before folk.
Ye tell me that my lips are sweet
Sic tales, I doubt, are a' deceit