The Scottish songs - National Library of Scotland

649
THE HUSBAND'S SONG.
WILLIAM WILSON.
Wha my kettle now will boil,
Wha will cheer me wi' her smile,
Wha will lichten a' my toil,
When thou art far awa ?
Wha will meet me on the stair,
Wha will kiss me kindly there,
And lull to rest ilk earthly care,
When thou art far awa ?
When the day is at a close,
Wha will mak my wee drap brdse,
Snodly mend my holley hose,
When thou art far awa ?
Wha will wi' my failings bear,
Wha my e'enin' psalm will share,
Wha will kneel wi' me in prayer,
When thou art far awa ?
When the nights grow lang and cauld.
And the wind blaws snell and bauld,
Wha her arms will round me fauld.
When thou art far awa ?
Wha will trigly mak my bed,
Draw my nichtcap o'er my head,
And kiss me when I down am laid,
When thou art far awa ?
Nane I—and dowie now I gang
Through the house the hale nicht lang,
3 I
18