The Scottish songs - National Library of Scotland

525
He's doilt, and he's dozent ; his blude it is frozen :
Oh, dreary's the time wi' a crazy auld man !
He hums and he hankers, he frets and he cankers
I never can please him, do a' that I can ;
He's peevish and jealous of a' the young fellows :
Oh, dule on the day I met wi' an auld man I
My auld auntie Katie, upon me taks pity
I'll do my endeavour to follow her plan ;
I'll cross him and wrack him, until I heart-break him,
And then his auld brass will buy me a new pan.
NEIL GOW'S FAREWELL TO WHISKY.
Tune—Farewell to tohisky.
You've surely heard o' famous Neil,
The man that played the fiddle weel
I wat he was a canty chiel.
And dearly lo'ed the whisky, O !
And, aye sin he wore the tartan trews,
He dearly lo'ed the Athole brose ;
And wae was he, you may suppose,
To play farewell to whisky, O.
Alake, quoth Neil, I'm frail and auld,
And find my blude grow unco cauld
I think 'twad make me blythe and bauld,
A wee drap Highland whisky, Q. ,
Yet the doctors they do a' agree.
That whisky's no the drink for me.
Saul I quoth Neil, 'twill spoil my glee.
Should they part me and whisky, O.
;
;