Ársskýrsla Landsbankans - Landsbankinn

einstaklinga og fyrirtæki,
stofnanir og rekstraraðila.
Starfsmenn í lok árs 2010
voru 53 í 50 stöðugildum.
Félagið var stofnað af Sparisjóðabankanum
og nokkrum
sparisjóðum, en í nóvember
árið 2002 varð breyting
á hluthafahópi SP þegar
Landsbankinn keypti 51%
hlut í félaginu. Í mars 2009
eignaðist Landsbankinn
SP-Fjármögnun að fullu.
Framkvæmdastjóri SP-Fjármögnunar
hf. er Kjartan
Georg Gunnarsson. Kjartan
er viðskiptafræðingur, cand.
oecon., frá Háskóla Íslands.
Kjartan hefur langa reynslu
af störfum á fjármálamarkaði.
Hann var framkvæmdastjóri
eignaleigufélagsins
Féfangs hf. frá árinu 1989
til 1995 og hefur starfað
sem framkvæmdastjóri SP-
Fjármögnunar frá stofnun
félagsins árið 1995.
Landsvaki
Landsvaki var stofnað árið
1994 og er sjálfstætt starfandi
fjármálafyrirtæki sem
annast rekstur verðbréfasjóða,
fjárfestingarsjóða og
fagfjárfestasjóða. Landsvaki
starfar sem rekstrarfélag
samkvæmt starfsleyfi frá
Fjármálaeftirlitinu. Samkvæmt
lögum skal sjóðastýringarfyrirtæki
vera
óháð móðurfélagi í daglegri
starfsemi. Starfsemi félagsins
er í aðskildu húsnæði og
meirihluti stjórnarmanna
Landsvaka er ótengdur
Landsbankanum. Landsvaki
útvistar þó hluta af rekstri
sínum til Landsbankans, svo
sem ráðgjöf og vörslu.
Ari Skúlason er framkvæmdastjóri
Landsvaka hf.
Ari er með viðskiptapróf
frá Háskóla Íslands og
meistarapróf í hagfræði frá
Háskólanum í Árósum. Hann
hefur einnig lokið prófi í
verðbréfaviðskiptum. Ari hóf
starfsferil sinn hjá Kjararannsóknarnefnd
og vann
svo sem hagfræðingur hjá
Árósaborg. Hann starfaði hjá
ASÍ frá 1988 til 2001, fyrst
sem forstöðumaður hagdeildar
og alþjóðafulltrúi og
síðan sem framkvæmdastjóri
frá 1994. Frá 2001-2004 var
hann framkvæmdastjóri Aflvaka,
atvinnuþróunarfélags
Reykjavíkurborgar. Hann hóf
störf hjá Landsbankanum
í upphafi árs 2005 og var
ráðinn framkvæmdastjóri
Landsvaka hf. í maí 2009.
Horn fjárfestingar-
félag hf.
Horn fjárfestingarfélag er
alhliða fjárfestingarfélag
sem fjárfestir jafnt í skráðum
sem óskráðum verðbréfum
í flestum atvinnugreinum.
Horn er dótturfélag Landsbankans
og var stofnað í
lok árs 2008. Meðal markmiða
Horns er að styðja við
uppbyggingu á íslenskum
hlutabréfamarkaði.
Starfsmenn Horns annast
fjárfestingu og umsýslu
hlutabréfasafns félagsins
sem er vel dreift jafnt
í skráðum og óskráðum eignum.
Mikil áhersla er lögð á
vandaða greiningu á þeim
félögum og þeim mörkuðum
sem eru í eignasafni Horns
á hverjum tíma. Markmið
með stofnun félagsins er að
aðgreina umsýslu fjárfestinga
í hlutabréfum frá meginstarfsemi
Landsbankans.
Hermann Már Þórisson er
framkvæmdastjóri Horns
fjárfestingarfélags hf.
Hermann er með BS gráðu
í fjármálum frá Háskóla
Íslands. Hann hóf störf hjá
Horni við stofnun félagsins
árið 2008 og varð
framkvæmdastjóri 2009. Á
árunum 2006–2008 starfaði
Hermann sem sérfræðingur
hjá Verðbréfasviði Landsbanka
Íslands hf.
Hömlur ehf.
Hömlur og dótturfélög þess
bera ábyrgð á eignum sem
bankinn eignast við uppboð,
skuldaskilasamninga eða
við gjaldþrot og ætlaðar eru
til sölu á næstu 12-18 mánuðum
og/eða ef verðmæti
fasteignar er undir 300 m.
kr. Dýrari fasteignir enda
að jafnaði hjá Reginn ehf.
Hömlur ehf. hafa umsjón
með íbúðarhúsnæði, atvinnuhúsnæði
sem metið er á
minna en 300 m. kr., skipum
og bátum, sumarbústöðum,
jörðum og lóðum, bifreiðum,
yfirteknum vörubirgðum og
yfirteknum viðskiptakröfum.
Þar er einnig haldið utan um
eignarhluti í félögum sem
bankinn kann að eignast
en ætlar ekki að eiga lengi.
Landsbankinn á einnig
fullnustueignir erlendis sem
Hömlur sjá um.
Friðrik S. Halldórsson er
framkvæmdastjóri Hamla
ehf. Friðrik er viðskiptafræðingur
frá Háskóla Íslands
og hefur starfað hjá Landsbankanum
frá árinu 2008,
fyrst á Viðskiptabankasviði
en síðan á Lögfræðisviði
við verkefni tengd endurskipulagningu
útlána og
fullnustueigna. Friðrik hefur
unnið við banka- og fjármálastarfsemi
frá árinu 1988
og hefur víðtæka þekkingu á
sviði bankarekstrar.
48 Dótturfélög Landsbankinn 2010