Boomplantweek en die Internasionale Jaar van Woude - Dendro.co.za

DENDRON » No/Nr: 43 » November 2011
8
dialogue
dialoog
Laat my net toe om julle van ons “ Boom “ op Gansbaai te vertel. Ons
boom is `n Melkhoutboom (Sideroxylon inerme) geleë te Kerkstraat 27,
Gansbaai en dit beslaan ongeveer een derde van ons erf. ( 225m 2 )
DIE BOOM GANSBAAI
My Pa het die erf in 1988 gekoop na aanleiding van die volgende
gebeurtenis: Die vorige aand /nag het my Pa van ‘n groot boom
gedroom en nadat hy die volgende dag saam met my ma ‘n ent gaan
stap het, het hulle die boom gewaar. Net daar en dan is daar toe
besluit om hierdie huis aan te koop. Die huisie was maar egter bitter
klein, slegs 100m 2 , maar dit was die boom wat hom aangetrek het.
Na die aankoop van die huis / boom het ons egter nog net pret onder
die boom gehad. Daar is sedert 1988 elke jaar ‘n Kerspartytjie onder die boom gehou asook ons
Nuwejaarspartytjies. Hierdie boom is so groot dat dit maklik 60 mense kan huisves.
Ek ontmoet my vrou dan 10 jaar later onder dieselfde boom en nadat ongeveer nog 6 jaar verloop, trou ons. Die
boom is jaarliks die bymekaarkomplek van vriende en familie. Jaarliks word daar ter ere van die boom ‘n CD
vrygestel en sal dit die dertiende keer wees wat dit gebeur.
Die boom is nie net vir ons spesiaal nie maar stories in Gansbaai doen die rondte dat die Vissermanne ook in die
verlede hulle jaareindfunksies daar gehou het. Daar word ook vertel van menigte ander funksies wat onder hierdie
boom gehou is.
Die boom is vir ons ‘n gerieflike en gemaklike kuierplek en dit huisves onsettend baie verskillende voëlspesies en
party dae is dit sommer net lekker om onder die boom te sit en luister hoe die voëls in die takke baljaar.
Die Gansbaai-boom is nie net onder die plaaslike gemeenskap bekend nie. Talle besoekers van Nederland,
Frankryk en Kanada het al besoek by die boom afgelê en deel ons sentiment oor die plesier wat dit aan ons
verskaf.
Ek hoop en vertrou dat hierdie skrywe julle sal kan laat verstaan die groot waardering wat ons vir hierdie boom
het en dat ons graag sal wil hê dat dit as ‘n spesiale boom registreer word nie net vanweë sy grootte nie maar ook
omdat dit vir ons so spesiaal is.
Vriendelike Boomgroete
Pieter Swart
Redaksionele Kommentaar:
Die Gansbaai-boom
Pieter Swart - Gansbaai
Pieter Swart het die boom onder ons aandag gebring na aanleiding van die Boompraatjies wat op RSG uitgesaai
was. Die boom sal binnekort besoek word om opgemeet te word.
dialogue
dialoog
9
DENDRON » No/Nr: 43 » November 2011