Boomplantweek en die Internasionale Jaar van Woude - Dendro.co.za

DENDRON » No/Nr: 43 » November 2011
34
review
review
Mynbou in Limpopo provinsie
Die Dendrologiese Vereniging se rol
Verskeie mynbou en prospekteringsprojekte
in die Limpopo en Mpumalanga provinsies
het die afgelope twee jaar groot media-dekking
en protes van nie-regeringsorganisasies (NROs)
ontlok. Die mees bekende is die Vele-myn langs die
Limpoporivier en Mapungubwe Nasionale Park in
die noorde van die Limpopo provinsie. Onlangs het
prospektering deur dieselfde mynboumaatskappy
(Coal Africa) aan die noordelike hang van die
Soutpansberg ook voorbladnuus gehaal weens die
impak op beskermde plant- en dierelewe.
Velemyn het twee omgewingsimpakprosedures
ondergaan, waaraan vele NROs, insluitend die
Dendrologiese Vereniging deelgeneem het. Die
eerste omgewingsimpakstudie het oopgroef en
ondergrondse steenkoolontginning oor ‘n area van
8663 hektaar behels. Die Vereniging se belang
was eerstens by die grootskaalse vernietiging van
bosveldbome in ‘n area wat ge-oormerk is vir ‘n
Oorgrens Nasionale Park, en die moontlike impak
van die myn op rivier-oewerwoud. Vyf beskermde
boomspesies sou geraak word (maroela, hardekool,
kremetart, witgat en appelblaar). Die Vereniging
het geregistreer as belanghebbende instansie en
‘n brief gerig aan die konsultante waarin kommer
oor die beoogde mynbou-aktiwiteite se potensiële
impakte uitgespreek is. Die mynbou kan deur
water ontrekking, stofneerslag wat fotosintese
inhibeer en grondwaterbesoedeling ‘n nadelige
impak hê op bome in die rivieroewerwoud en
langs dreineringslope wat die Limpopo voed.
Nieteenstaande is omgewingsgoedkeuring verleen
vir die beoogde mynbou.
Coal Africa moes ‘n tweede omgewingsimpakstudie
onderneem om infrastruktuur by die Velemyn
te vestig, insluitend toegangspaaie en
steenkoolstoorareas. Die myn het in 2010 onwettig
met die infrastruktuurontwikkeling begin sonder
omgewingsgoedkeuring. Die Dendrologiese
Vereniging se bestuur het die gebied laat in 2010
besoek en het saam met ander NROs bygedra tot
die Groen Skerpioene se ondersoek deur uit te wys
watter beskermde boomsoorte onwettig verwyder
is. Die Departement van Landbou, Bosbou en
Visserye het ‘n lisensie vir die kap van beskermde
bome toegestaan vir die mynboufase, maar nie vir
die infrastruktuurontwikkeling nie. Daar is aan die
owerhede uitgewys dat Coal Africa die aanvanklike
Redakteur - namens die Sentrale Komitee
lisensie ook verkeerdelik voorgehou het as geldig
vir die infrastruktuur ontwikkeling. Wat nog meer
is, daar is skade aangerig aan ‘n klein deel van die
rivieroewerwoud, wat beskerm is onder die Boswet.
Wat die nuwe beoogde myn aan die noordelike
hang van die Soutpansberg betref is ‘n lisensie
uitgereik vir die verwydering van ‘n beperkte aantal
beskermde boomsoorte, insluitend hardekool en
kremetart vir prospektering. Die steenkool wat by
die prospekteringsarea uitgehaal word is na die
Sasolaanleg in Gauteng vervoer om die gehalte
daarvan te toets. ‘n Omgewingsimpakstudie sou nog
gedoen word vir die beoogde mynbou indien die
gehalte daarvan voldoende is.
Die teenkanting teen die mynbou word gelei
deur NROs soos die Natuurlewe Vereniging wat
op finansiering van borge steun en permanente
personeel in diens het. Die Dendrologiese Vereniging
word op ‘n ander wyse bedryf en met ‘n beperkte
fokus op bome en boomoorheersde-ekosisteme,
beskik die Vereniging nie oor sodanige bronne en
personeel nie, en gaan dus ietwat anders te werk. Dit
is eerstens geskoei op die bewusmakingselement
en bevordering van die boomwetenskap, en op
meelewing van mense met soortgelyke belange deur
middel van uitstappies. Die rol wat die Vereniging
begin speel het in omgewingsimpakstudies het maar
onlangs begin, met die toenemende aanslag van
ontwikkeling in natuur gebiede. Die Vereniging is
nie gekant teen ontwikkeling per se nie, maar glo dat
dit op gebalanseerde wyse moet geskied, en nie in
sensitiewe gebiede nie.
Die Vereniging kan net by die mees kritieke gevalle
wat bome en boomvelde raak betrokke wees, omdat
deelname aan omgewingsimpakstudies baie tyd verg,
en die Vereniging nie oor hulpbronne beskik wat in
hul vrye tyd nog aktief daaraan kan deelneem nie.
Deelname is ook ‘n sensitiewe kwessie, en indien
individue of takke onder die Vereniging se naam
opinies in die openbaar sou lug of briewe sou skryf
kan daar potensiële skade aan die Vereniging se
beeld gerig word indien sodanige opinies of briewe
nie weldeurdag is nie. Daarom moet standpunte en
skrywes deur die Sentrale Komitee uitgereik, of deur
die Sentrale Komitee ondersteun word alvorens dit
openbaar gemaak word.
MYNBOU IN LIMPOPO PROVINSIE
VERNIETIGING VAN DIE MOPANIEBOS NABY MAPUNGUBWE » Foto Naas Grové
review
review
35
DENDRON » No/Nr: 43 » November 2011