Lithops - Au Cactus Francophone

BESKRYWING VAN DIE GESLAG.
Planteliggaam enkel of vorm klompe van 2–20, ingebed in die grond,
met net die boonste vlak vry, gewoonlik 2 6 em. in deursnit, klompe tot 20
em. in deursnit, verkeerd keëlvormig; boonste vlak eenvoudig, plat, konveks,
skuinskonveks of obkonies; boonste vlak vorm groot deursigtige areas wat
dikwels gereduseer is tot klein ingedrukte lyne of kolletjies, soms net deur
sigtige miniatuurvensters wat uitstaan bokant die oppervlakte van die venster
of ingesink is in die oppervlakte; venster met min of baie eilande of bedek
deur ’n skynbaar ondeursigtige bedekking wat geperforeer is deur ’n aan
tal klein ronde openinge; venster dikwels omsoom deur ’n oranje geel band;
boonste vlak eenvoudig of gerimpeld, met of sonder donkerder gekleurde in
gedrukte lyne, met of sonder rooi tot donker rooi lyne of kolletjies ingesink
in die blaar of staan daar bokant uit; soms vratte tussen die riwwe; soms
met dendritiese merke; venster met of sonder ’n geslipte of getande soom;
soom soms afwesig of binneste soom reguit of met ’n driehoekige deursig
tige deel waar die twee some mekaar ontmoet; kleur van boonste top wit
roomerig, wit, gryswit, geelwit, geelagtig, groen, groenwit, ligrooi, rooiagtig,
ligpers tot donkerpers.
Blom kom te voorskyn in die spleet tussen die twee blare; kelk nie
membraanagtig, gewoonlik 4–7 lobbig, soms 8 lobbig, steek effens bokant die
blare uit, geen buis bokant die vrugbeginsel; kroon met baie kroonblare, geel,
wit, wit met effens oranje, 1–4 kringe, lynvormig, stomp, gerond, met ’n keep
aan die toppunt; meeldrade baie, regop in ’n kolom, laere deel van helm draad
soms papille: vrugbeginsel onderstandig 4–7 hokkig, placentae op die buiten
ste wand of vloer van die saadhok; saadknoppe baie; styl kort of so te sê
afwesig, stempel 4–7, draadvormig: doosvrug 4–7 hokkig met 4–7 kleppe; die
kleppe met ’n dik sentrale kiel wat uitsit, kiel aan die punt gesplits, glad of
gerimpeld; sade baie, klein met ’n nippel aan die een kant, rond of gerond,
glad of fyn gerimpeld, donkerbruin of gedeeltelik donkerbruin en deursigtig
of eenkant deursigtig.
49