Lithops - Au Cactus Francophone

soek. Dit is hom geluk om die kleurling, wat destyds teenwoordig was toe
L. brevis die eerste keer gevind is, op te spoor. Hy is toe met die kleurling
na die betrokke koppie en alhoewel hulle die koppie kruis en dwars deursoek
het, kon hulle L. brevis nie vind nie. Dit was toe bitter droog. ’n Jaar of wat
later, nadat dit in die omgewing goed gereën het, is mnr. Van Fleerden weer
daarheen en op die koppie het hulle hierdie keer die plant gevind. Die kleur
plaat en die portret is van plante wat hy destyds aan my gestuur het.
Selfs al het ’n mens die plante, dan gebeur dit dikwels dat hulle dood
gaan, voordat hulle geblom of saad gevorm het. Die gevolg is dus dat die
monografie op onvolledige gegewens moet berus. Hierdie bewerking, hoewel
die skrywer al by die twaalf jaar besig is om die geslag te versamel en te
bestudeer, bly nog onvolledig. Die volledige verslag moet dus aan die toekoms
oorgelaat word.
Hierdie boek sou nooit verskyn het nie, as dit nie was vir die hulp
wat die skrywer van verskillende persone ontvang het nie. Ek wil hier my
opregte dank en waardering uitspreek aan die Kuratore van Het Jan Marais
Nationale Fonds. Die Kuratore het my gulhartig finansiële ondersteuning
verleen, nie net by die maak van die gekleurde tekeninge nie maar ook deur
die beskikbaarstelling van ’n aansienlike bedrag vir die publikasie van die
boek. Hulle het hier wesentlik bygedra tot die bevordering van die kennis
van die plante van ons land. Aan die Edelagbare Minister van Onderwys wat
op aanbeveling van die Navorsingsraad ’n aansienlike som toegesê het vir die
uitgee van die boek, my hartlikste dank. Aan die Navorsingsraad wens ek
ook my dank uit te spreek vir sy hulp.
Die volgende persone wil ek graag hier vir hulle hulp en ondersteuning
bedank:
Herrn Ernest Rusch, Lichtenstein, Windhoek, vir waardevolle in
formasie en lewende materiaal.
Herrn Wilhelm Triebner, Windhoek, wat sy intieme kennis van die
flora van Suidwes en ook materiaal tot my beskikking geplaas het. Sy inlig
ting omtrent die verspreiding en woonplekke van sekere Suidwes soorte was
besonder waardevol.
Mnr. Roux, Keimoes, wat my waardevolle inligting verskaf het omtrent
die soorte uit sy omgewing.
Dr. Henrici, Fauresmith, vir inligting omtrent en ’n portret van L.
salicola.
Herr Eberlanz, Lüderitzbucht, wat portrette geleen en ook vir my
waardevolle en seldsame soorte versamel het.
28
Mnr. Minnaar, Vryburg, vir informasie omtrent L. Aucampiae.
Mnr. P. van Heerden, Springbok, vir die versamel van soorte wat in die
moeilik toeganklike dele van Namakwaland woon.