Lithops - Au Cactus Francophone

figure 59 . lithops karasmontana (dtr. et schwant.) n.e. br.
Lithops karasmontana. (Plate 20, 20a, 20b.) Plante enkel of vorm klompe van
2 of meer; boonste vlak min of meer plat of konveks, die mantel persgrys; top
effens gerimpeld of kreukelagtig; boonste vlak eenvormig gekleurd, liggrys,
ligbruingeel, die duike is donker getint, of die duike bevat bruin oker lyne
of soms net ’n bruin oker kol; venster ondeursigtig; soms is die duike donker
groen gekleurd en vorm dan ’n venster en hierdie duike vloei dan saam en
vorm dan ’n tamelike groot half deurskynende venster. Blomme geel.
Suidwes Afrika: Karasberge: Kl. Karasberge tussen kwarts klippies; Kl.
Karas. Blom Okt. Nov.
Hierdie soort is een van die mees variabele Lithops soorte. As die Fig.
58 en die plaat noukeurig ondersoek word sal die variasie breedte duidelik
word. Die variasie is van tweërlei aard: (1) Die kleur van die ruë varieer van
ligte bruingrys, bruin, donkerbruin, rooibruin tot ’n duidelike rooi tint. Al
hierdie skakeringe is in ’n klomp wat van die veld uit Suidwes Afrika ge
bring is, waargeneem. Schwantes het met onreg probeer om ’n nuwe soort L.
Jacobseniana te maak op die rooi kleur van ’n sekere plant. Alhoewel hierdie
soort nie beskrywe is nie, tog kom dit in die literatuur voor en m.i. moet
dit verdwyn. (2) Die kleur van die duike is ook baie variabel. Dit loop van
„fawn”, „fawn grey”, donkerbruin, okerbruin tot ’n duidelike bruin met ’n rooi
tint. Ten spyte van hierdie variasies is die soort maklik te herken deur (i) die
eienaardige sagte gerimpelde oppervlakte, en (ii) die ietwat donkerder kleur
van die duike. Fig. 58 toon duidelik die variasiebreedte van hierdie soort aan,
want al die plante soos die in Fig. 11 kom van een en dieselfde plek. Fig.
103