LITERESI BILENG AVANSE - boukie banane
LITERESI BILENG AVANSE - boukie banane
LITERESI BILENG AVANSE - boukie banane
Create successful ePaper yourself
Turn your PDF publications into a flip-book with our unique Google optimized e-Paper software.
LOR KESTION TRANSFIZ<br />
Dr. Nuvin Ramgoolam finn remet kestion transfiz lor azanda diskision e bann reaksion pe kras dife<br />
kouma "petartifis".<br />
Dan lentelizans kolektif enn transfiz se enn depite (ou konseye) ki finn eli ar tiket enn parti e apre so<br />
eleksion li desid pou sanz parti. Bann ki kont sa pratik la, zot dir ki depite la bizen demisione pou rod<br />
enn nouvo manda. Sa pou mwa li normal dan kad moralite politik. Me ena osi ki dir ki bizen pas enn<br />
lalwa ki obliz enn transfiz demisione kom depite ousa konseye. Lider lopozision, Paul Berenger, ena<br />
rezon dir ki bizen fer atansion parski lalwa la li bizen respe bann prensip demokratik ek Konstitision<br />
Repiblik Moris.<br />
Kan enn dimoun pret serman dan Parlman li fer li antan ki enn sitwayen ki reprezant enn<br />
sirkonskripsion. Dan so serman peyna okenn mansion parti ki ti donn li tiket. SO LWAYOTE DEPANN<br />
NET LOR SO PROP KONSIANS. Dayer ena bann ka kot so LIBERTE PANSE EK EXPRESION gagn priyorite<br />
lor tou lezot konsiderasion.<br />
Dan enn sitiasion ideal enn depite bizen res fidel ar program ki finn permet li gagn vot bann elekter<br />
dan so sirkonskripsion. Si li nepli dakor, li so devwar al ver elektora pou dimann enn nouvo manda.<br />
Me ki arive si so parti sanz program apre eleksion? Se pa so parti ki bizen al ver elektora pou enn<br />
nouvo manda? Eski li'si li oblize demisione mem si li finn res lwayal ar program ki finn fer li gagn<br />
eleksion?<br />
Olie al rod lalwa pou bar larout transfiz - mision enposib! - eski li pa pli prodiktif ki bann parti politik<br />
devlop enn kiltir anti-transfiz? Detrwa kestion kikfwa kapav fer nou reflesi lor sa kestion la.<br />
Ki bann kriter seleksion bann parti politik servi pou zot rekritman kandida? Servi konpetans, solidite<br />
ideolozik, angazman, partisipasion aktif dan lavi parti? Ousa kominote, kars ek kontribision finansie?<br />
Eski bann parti ena zot Sant Formasion pou donn zot manm enn treyning solid pou ki zot kapav fer<br />
zot travay kouma bizen? Ousa ramas brit-brit kandida ar profil kominal ideal?<br />
Eski labaz parti la ena pouvwar konteste desizion lider ek biro politik? Eski ena vre demokrasi<br />
alenteryer bann parti politik?<br />
Aret rod boukemiser! Problem la so rasinn li dan febles nou kiltir politik.<br />
24.03.08<br />
35
Change language