LITERESI BILENG AVANSE - boukie banane
LITERESI BILENG AVANSE - boukie banane
LITERESI BILENG AVANSE - boukie banane
Create successful ePaper yourself
Turn your PDF publications into a flip-book with our unique Google optimized e-Paper software.
KOT KILTIR DAN TOUSA?<br />
Plan gouvernman pou fer fas sitiasion ekonomik dramatik dan lekel nou ete finn provok plizier kalite<br />
reaksion. Ena ki trouv li korek; ena ki trouv li bien maf; ena ki panse ki li lor balans 50/50; ena pa<br />
kone ki pou panse.<br />
Mo panse ki enn eleman vital pou ed enn pep fer fas difikilte se fakter kiltirel. Premie Minis ek so<br />
Minis Finans finn fokes net lor solision materyel e akoz sa zot finn pas gomelastik lor dimansion<br />
kiltirel ek sikolozik. Apart renovasion Plaza peyna nanye lor kontribision lar ek kiltir.<br />
Kan enn pep dan tourman li bizen distraksion. Normal zot pou get plis televizion ek DVD. Me nou<br />
bizen anpes dimoun vinn LOS LOR KANAPE (couch potato). Ki kapav fer pou anpes sa? Olie senp<br />
konsomater bizen fer zot vinn kreater e rant dan enn relasion enteraktif ar lezot. Bizen ankouraz<br />
dimoun dan kartie ek dan vilaz mont zot prop spektak kot artis ek piblik ankominion. Bizen ankouraz<br />
dimoun servi lar ek lekritir pou zot dir zot soufrans ek zot lespwar atraver poem, sante, skech komik,<br />
pies-teat, tizistwar ets. Enn travay formasion ek ankadreman li neseser.<br />
Nou anvi, nou pa anvi, pou ena dimoun ki pou perdi plas. Pou sa bann dimoun la, pou bizen enn<br />
formasion pou permet zot adapte. Enn bon kantite travayer, sirtou bann madam, zot pa posed<br />
literesi ek nimeresi e akoz sa zot pa kapav benefisie foul-foul konesans neseser pou fer fas lavi dan<br />
lemonn modern. Bizen met dibout enn program formasion pou ki sa bann adilt la aprann lir, ekrir,<br />
konte dan zot lang maternel e anmemtan gagn enn konesans bazik Angle pou ki zot kapav benefisie<br />
kouma dwatet formasion dan IVTB. Lor vites nou kapav adapte program PREVOKBEK ek met dibout<br />
enn kour bileng Kreol Morisien/Angle pou fasilit resiklaz bann travayer ki perdi plas. Anplis Madam<br />
Saskia Virahsawmy-Naidoo finn mont enn kour kontabilite an Kreol Morisien ki nou kapav servi pou<br />
form bann travayer ek bann ti-antreprener.<br />
Ena ki kwar ki sitiasion kriz la pou fonn vit; ena ki panse ki li pou ale mem pandan enn long peryod. Li<br />
enportan osi ki nou pa bliye ki nou pou bizen osi fer fas 'Global Warming' ki sirman pou afekte<br />
prodiksion manze dan lemonn. Pou viz sekirite alimanter dan nou pei li pa pou ase zis prodir plis<br />
manze. Nou pou bizen osi sanz nou labitid alimanter. Sa li dimann enn sanzman kiltirel enportan.<br />
Nou bizen elabor enn program formasion, sansibilizasion ek motivasion parski pa kapav atann<br />
toufann vini pou al rod solision e konstrir selter.<br />
Pou so prosenn konferansdepres PM bizen dimann Minis ledikasion ek kiltir osi prezant so program<br />
pou fer fas imerjennsi.<br />
22.12.08<br />
34