LITERESI BILENG AVANSE - boukie banane
LITERESI BILENG AVANSE - boukie banane
LITERESI BILENG AVANSE - boukie banane
Create successful ePaper yourself
Turn your PDF publications into a flip-book with our unique Google optimized e-Paper software.
BILBORD EK VIOLANS SEXIEL<br />
Ena ansemoman lor bilbord enn piblisite ki fer promosion enn bwason ki donn lenerzi. Get li bien<br />
pou ou kapav deside si so zimaz ek so slogan zot apropriye.<br />
Ena zimaz enn fam bien zoli ek sexi ki pe ouver top so traksout e ant so de tete ena enn kann<br />
labwason ki donn lenerzi. Me pa kwar sa zimaz la inosan. Anverite li fer eko enn zimaz ase kouran<br />
dan foto ek fim porno kot plas enn penis ant tete enn fam. Mo panse ki par expre pe sikzer ek<br />
explwat bann fantasm maskilen ki konsider lekor fam kouma enn bwat maja pou zwisans zom.<br />
Tex ki paret dan piblisite la konfirm seki mo pe dir. Mo tradiksion so tex ki an Angle donn sa rezilta la:<br />
"Ouver pou les bebet la sorti." Peyna okenn dout! Ena boukou asosiasion sexiel dan tex ek zimaz. An<br />
limem sa pa sokan si pran li kouma enn jok. Me li pa enn jok e si konsepter la finn rod montre so<br />
vizion komik, mo bien sori pou dir ki li finn zis montre so move gou. Li kler ki mesaz ki pliblisite la<br />
pase se ki sex enn zafer violan, brital e bestial (kouma souvan ena dan fim porno).<br />
Kliyantel ki pe vize se bann zenn. Ki pliblisite la pe dir bann zenn? Sex li pa enn expresion lamour,<br />
santiman, tandres me enn manifestasion virilite, ensten bebet, lespri macho. Dan enn peryod kot<br />
violans sexiel enn veritab problem, bann azans piblisite ek bann media ki plibliy sa piblisite la bizen<br />
fer atansion. Pa akoz detrwa roupi nou agrav enn problem sosial ek kiltirel.<br />
Pli vit ki kapav bizen tir sa bilbord la.<br />
13.08.09<br />
24