A collection of ancient and modern Scottish ballads, etc

35
With him the braif Lord Ogilvy,
Of Angus sheriff-principall
The Constabill of gude Dunde,
The vanguard led before them all ,*
Suppose in number they war small,
Thay first richt bauldiie did pursew.
And maid thair faes befoir them fall,
Quha then that race did sairly rew.
And then the worthy Lord Saltoun,
The strong undoubted Laird of Drum,
The stalwart Laird of Lawriestone,
With ilk thair forces all and sum ;
Panmuir with all his men did cum
The Provost of braif Aberdene,
With trumpets, and with tuick of drum.
Came shortly in their armour schene.
These with the Erie of Mar came on.
In the reir-ward richt orderlie,
Thair enemies to set upon
In aw^ful manner hardily ;
Togither vowit to live and die.
Since they had marchit mony myles.
For to suppress the tyrannic
Of douted Donald of the Yles.
But he in number ten to ane,
Richt subtilie alang did ride.
With Malcomtosch, and fell Maclean,
With all thair power at thair syde
Presumeand on thair strenth and pryde.
Without all feir or ony aw,
Richt bauldiie battill did abyde.
Hard by the town of fair Harlaw.
;
;