A collection of ancient and modern Scottish ballads, etc

; :
Lat no man wit that I can do sic thing."
Than Symon said, " I sweyr by hevinis King
It sal be kepit counsalej as for me.
Bot, brother deir, your servand wald I see,
Gif that ye pleis, that we may drink togidder
For I want nocht gif ye may ay cum bidder,
Quhen that we list, or lyk sic feist as this."
Than Robert says, " Sua have I Hevynnis blis,
Yow to haif the sicht of my servand.
It can nocht be, ye sail weill understand
Nor may ye se him graithlie in his awin kynd,
Bot ye annone sowld go out of your mynd.
He is so fowll and ugly for to se,
I dar nocht aunter for to tak on me
To bring him bidder heir into your sicht.
And naimly now, so lait into the nicht.
Bot gif it war on sic a maner wyiss.
Him to translait into ane uther gyse,
Fra his awin kind intill ane ither stait."
Than Symon said, " I mak na raair debait.
How ewir ye will, it lykis weil to me.
Bot, brother deir, fain wald I him se."
Freyr Robert said, "^ Sen that your will is so.
Tell onto me, withouttin words mo.
Into quhat stait ye list that he appeir ?"
Than Symon said, " In lyknes of ane freyr.
In quhyte habite, sic as yourself can weir
For colour quhyt it will to no man deir.
And ewill gpreitts quhyte colour ay will fle."
Freyr Robert said, '' 1 say it may nocht be
That he appeir intill our habite quhyt.
For till our ordour it war grit dispyt.
That ony sic unwourthy wicht as he
Into our habite ony man suld se.
Bot, gif it plesis yow that ar here^
Ye sail him se in lyknes of ane freyr.
;