A collection of ancient and modern Scottish ballads, etc

339
Than sat he doun, and kaist abak his hucle ;
He girnit, and he glourit, he gapt as he war woid.
And quhylum sat still in ane studjdng ;
And quhylum on his buik he was reyding.
And quhylum bayth his handis he wald clap
And uther quhylis wald he glour and gaip.
And on this wyse he yeid * the hous about,
Weil twys or thrys ; and ay the freyr cuth lout
Quhen that he came ocht neir the almerye.
Thairat our dame had wounder grit in vy ;
For in hir hart scho had ane persaveing
That he had wit of all hir governing :
Scho saw him gif the almerie sic ane straik.
Ontill herself scho «aid, " Full weill I wait
I am bot schent ; he knawis all my thocht.
Quhat sail I do? Alace that I was wrocht
Get Syraon wit it war my undoing."
Be that the freyr hes left his studeing;
And on his feit he stertis up full sture,
And come agane, and said;, " All-haill my cure
Is done. Anone and ye sail have plentie
Of meit and wyne, the best in this cuntrie,
Quhairfoir, fair dame, get up delyverlie.
And gang belyf unto yone almerie.
And oppin it ; and se ye bring us syne
Ane pair of bossis full of Gaskan wyne,
Thay hald ane galloun and mair, that wait I weill
And bring us als the mayne breid in the creil.
Ane pair of cvmnyngs, fat and het pypand.
And ane pair of capouns sail ye bring fra hand ;
Ane pair of pertriks, I wait thair is no ma.
And eik of pluvaris se that ye bring us twa."
The gudwyf wist it was na variance :
Scho knew the freyr had sene hir govirnance.
Scho wist it was no bute for to deny
With that scho yejd unto the almory.
* Went, •
:
!
;